A. Zoobe 26 - WẼNNAAM SEBRE 2014

A Zoob leoka a Bildaade

¹ Dẽ, a Zoob gomame n yeel yaa:

² «Ad foom n sɩd mi pãn-komsem soab sõngr koe! Foom n sɩd mi ka-pãens rãmbã fãagre!

³ Foom n sɩd mi ka-yam soab saglgo! Ad Foom n sɩd mi bãngr sẽn tar pãng pʋdgre!

⁴ Fo goamã yaa ne ãnda la f gomda? La yaa ãndã n kɩt tɩ fo gomd woto?

⁵ Sẽn ki-b rãmbã rigdame. B bee b zĩigẽ ko-kãsengã tẽngr n digda.

⁶ Kɩɩm-kulg ka solg Wẽnnaam taoore ye. Sẽn ki-bã sẽn beẽ wã ka tar lill ye.

⁷ Wẽnnaam n yɛdg nug-rɩtg sa-gãongã t'a luund vɩʋʋgẽ, la b kɩt tɩ dũniyã yag vɩʋʋgẽ.

⁸ Bãmb n ning koom sawat pʋsẽ, la koomã zɩslem ka lubd sawatã ye.

⁹ Bãmb n lut b geerã, n takd sawaodgã yɛdg n lill-a.

¹⁰ Bãmb dẽega gũbr ko-kãsengã zugu, n welg vẽenem ne lik-bida wã.

¹¹ Wẽnnaam sã n tãs saasã ra-lugdsã, b rigimdidame n yɛɛse.

¹² Bãmb pãngã gudga ko-kãsengã. Bãmb pogla wag-bɛɛgã ne b yamã.

¹³ Bãmb vʋʋsmã pɩɩsa saasã. Bãmb nugã kʋ waaf ning sẽn zoetã.

¹⁴ Bõn-bãmba wiligda bãmb pãng tʋʋmã bilf bala, tɩ tõnd wʋmd a rãamdã wa waleng bala, dẽ, ãndã n tõe n wʋm b tʋʋm-kãsengã sa-tãs võore?»