A. Zoobe 25 - WẼNNAAM SEBRE 2014

A Bildaad leb n goma ne a Zoobe

¹ Suwak tẽng rao a Bildaad yeelame:

² «Pãng sẽn kẽesd rabeem yaa Wẽnnaam n so. Bãmb kɩtdame tɩ vɩ-bãan zĩnd yĩngri.

³ Bãmb zãma wã ka tõe n sõd n sɛ ye. Ãnda soab zug la bãmb vẽenemã ka yãgda?

⁴ Ninsaal na n maana a wãn n yɩ tɩrg Wẽnnaam taoore? Pag sẽn dog a soab fãa na n maana a wãn n yɩ yɩlemde?

⁵ Gese, kiuugã peelem sã n yaa zaalem bãmb taoore, tɩ ãdsã me ka yɩlem bãmb nifẽ,

⁶ ninsaal sẽn yaa wa zũnzũurã nengẽ na yɩɩ wãna? Ãdem biig sẽn yaa wa zũnzũur balã na yɩɩ wãna?»