A Ooze 3 - WẼNNAAM SEBRE 2014

A Ooze makre

¹ Sẽn-Ka-Saab yeela maam yaa: Leb n kẽng n tɩ nong pag ning sẽn dag n bas-a foom n tɩ rɩk rao a to n maan yoobã, wa Sẽn-Ka-Saab sẽn nong Israyɛll nebã, baa ne b sẽn wẽnemd n bas bãmb n tũud buud a taab wẽnnaam-dãmbã, la b nong wẽn-naandsã.

² Dẽ, mam yaoo wanzuri wakɩ-koeems piig la a nu, ne Oorz peoog la pʋɩ-sʋka, n peeg m pagã.

³ La mam yeela yẽnda yaa: «Pa ne maam n kaoose, n da leb n maan yoob ye. Ra tɩ zĩnd ne rao a to, la mam me na n maana a woto ne foom.»

⁴ Bala, Israyɛll nebã na n kaoosame n ka paam dĩma, wall naaba, wall maoongo, wall kug-vigindga, wall maan-kʋʋr fuugu, wall bõn-naandg ye.

⁵ Dẽ poore, Israyɛll nebã na n lebg n waame. Bãmb na n baoo Sẽn-Ka-Saab sẽn yaa bãmb Wẽnnaamã, la a Davɩɩd sẽn yaa bãmb dĩmã. Wakat n wate, tɩ bãmb na wa Sẽn-Ka-Saab nengẽ ne rabeem, n bao bãmba, la b bao b sõmblmã.