A Ezayi 4 - WẼNNAAM SEBRE 2014

¹ Badaare, pagb a yopoe na n gãda rao a yembr n yetẽ: «Tõnd na n dɩlgda d mense, la d yeelgd d mens futu. Yãmb we n sak tɩ d reeg yãmb yʋʋrã bala! Yiis d yãndã kõ-do.»

Zeruzalɛm na n paama waoogre

² Badaare, Sẽn-Ka-Saab sẽn na n kɩt bũmb ning bul n yi wã na n waa ne neerem la ziiri. Tẽngã koodã na n paama waoogr la ziir Israyɛll bu-kellã yĩnga.

³ Dẽ, neb nins sẽn kell Sɩyõ wã, sẽn dat n togs tɩ sẽn kell-b Zeruzalɛmã, b na n boola bãmb tɩ pʋ-peelem dãmb Sẽn-Ka-Saab yĩnga. B na n gʋlsa neb nins fãa sẽn na n paam vɩɩm Zeruzalɛm pʋgẽ wã yʋya.

⁴ Sẽn-Ka-Saab sã n dɩk b bʋ-kaoorã ne b pãngã n pek Sɩyõ kom-pugli wã n yiis b rẽgdã n sɛ, la b pek Zeruzalɛm ne zemsg sɩɩga, la ne sãoong sɩɩg n yiis zɩɩmã sẽn be yẽnda pʋgẽ wã n sɛ,

⁵ Sẽn-Ka-Saab na n maana sawaodg ne bug-zõos t'a yɛdg n pid Sɩyõ tãngã zĩig fãa, n zĩnd b nebã tigind zut wĩndga, n yɩ bugum sẽn wit n kõt vẽenem yʋngo. Bala, Sẽn-Ka-Saab belmã na n yɩɩ wa zãnd n zĩnd bũmbã fãa zugu.

⁶ A na n yɩɩ wa sẽok sẽn kõt maasem wĩndga, tʋʋlg wakate, la a yɩ zĩ-soalgdga, ne solgr zĩiga, sobg wall sa-bɛd wakate.