A Ezayi 25 - WẼNNAAM SEBRE 2014

Sẽn-Ka-Saab yaa zĩ-soalgdga

¹ Sẽn-Ka-Saabo, yãmb yaa mam Wẽnnaam. Mam na n pʋʋsa yãmb barka, la m na n pẽga yãmb yʋʋrã, bala, yãmb pidsa tʋʋm-kãsems nins yãmb sẽn dag n yeel hal daar zãr tɩ y na n maaname wã. B yaa bũmb sẽn ka viigda la sẽn ka vaanda.

² Bala, yãmb kɩtame tɩ tẽngã lebg kug-rʋre. Tẽng ning sẽn dag n tar pãngã lebga tom-dʋre. Sãambã na-yirã menema tẽngã pʋga, la b kõn tol n leb me-a ye.

³ Rẽ n kɩte, tɩ pãens rãmbã waoogd yãmba, la buud toay-toayã sẽn yaa nin-toosã tẽng zoeta yãmba.

⁴ Bala, yãmb yɩɩ pãng zĩig ka-pãens rãmbã yĩnga, la y yɩ zĩ-soalgdg nimbãan-nebã yĩnga, b yel-pakr wakate, n yaa soondg zĩig saag sẽn niid ne pãng wakate. Yãmb yaa maasem tʋʋlg wakate. Bala, nin-toosã vʋʋsem wẽnda sa-kẽeng sẽn pãbd lalga.

⁵ Yãmb sẽn kɩtd tɩ tʋʋlg sɛ zĩ-koɛɛngẽ wã, yãmb tõogame tɩ sãambã bʋrg sɛ, Sawaodg maasem sẽn sɛɛsd tʋʋlg to-to wã, yãmb kɩtame tɩ nin-toosã tõogr yɩɩl sɛ.

⁶ Saasẽ-Pãng-Soabã na n maana tigr sẽn tar rɩ-nood tãn-kãngã zug nebã fãa yĩnga. Na n yɩɩ tigr sẽn tar reezẽ rã-kʋdgo, la rɩ-nood ne nemd sẽn tar kaam, ne reezẽ rã-kʋdg sẽn yɩlge.

⁷ Tãn-kãng zug la bãmb na n sãam peen-lill ning sẽn lud-a nebã fãa wã. Peen-kãng rag n luda buud toay-toayã fãa.

⁸ Sẽn-Ka-Saab na n sãama kũum pãng wakat sẽn ka sɛt yĩnga. Zu-soab a Sẽn-Ka-Saab na n yẽesa nemsã fãa nintãmã. Bãmb na n kɩtame tɩ bãmb nebã yãndã sɛ dũniyã fãa pʋga. Maam a Sẽn-Ka-Saab n yeele.

Moaab tẽngã paoogre

⁹ Badaare, b na n yeelame yaa: «Yaa bãmb la tõnd Wẽnnaam! Tõnd dɩka d teegrã n teeg bãmba, la bãmb fãaga tõndo. Bãmb yaa Sẽn-Ka-Saabo, tõnd sẽn teeg a soabã, wa-y tɩ d maan sũ-noogo, d kɩdem bãmb fãagrã yĩnga!

¹⁰ Bala, Sẽn-Ka-Saab nugã bee tãn-kãngã zugu!» B na n taba Moaab zĩig pʋgẽ, wa b sẽn tabd mood bir-bok pʋga.

¹¹ Yẽnda bee beenẽ n tẽegd a nus wa ko-rugd sẽn tẽegd a nus n dugd koom. Sẽn-Ka-Saab na n kɩtame t'a wuk-m-mengã sɛ, la b kell n kɩt t'a nusã bẽds me sɛ.

¹² Sẽn-Ka-Saab na n tusa fo lalsã sẽn me n zẽk n tar pãngã n lubi. Bãmb na n siig-b lame, b na n lub-b-la tẽngã tom pʋga.