1 Kibayã 8 - WẼNNAAM SEBRE 2014

A Benzame yagens a taaba

¹ A Benzame roga kom-dibli a nu: a bi-kãsengã yaa a Bela, yiibẽ soabã yaa a Asbɛlle, tãabẽ soabã yaa a Aara,

² naasẽ soabã yaa a Nowa, tɩ nu soabã yaa a Rafa.

³ A Bela kom-dibli yaa a Adaare, a Geera, a Abihuudi,

⁴ a Abisuwa, a Naama, a Ahowa,

⁵ a Geera, a Sefufande, ne a Huram.

^6-7 A Ehuud kom-dibli nins sẽn dag n be Geba nebã sʋk n yaa buudã nanambsã la woto: a Naama, a Ayiya, n paas a Geera. B yõga bãmb n tall n kẽng yembd Manahat tẽnga. Yaa a Geera n kɩt tɩ b tall-b n looge. A Geera kom-dibli yaa a Uuza ne a Ayihuudi.

⁸ A Saharayim sẽn dig a Usim ne a Baara sẽn yaa yẽnda pagbã poore, a kẽnga Moaab tẽngẽ wã n tɩ rog kamb beenẽ.

⁹ Yẽnda peega pag a yembr yʋʋr sẽn boond t'a Odɛɛse. Yẽnda paama kom-dibli ne a pag a Odɛɛse: yaa a Yobaabe, a Sibiya, a Mesa, a Malkam,

¹⁰ a Yewutsi, a Sakiya, ne a Mirma. Bãmb n yaa kom-dibli nins sẽn dag n yaa b buudã kãsem-dãmbã.

¹¹ A Saharayim pag a Husim doga kom-dibli a yiibu: a Abituub ne a Ɛlpaalle.

¹² A Ɛlpaall kom-dibli yaa a Ebɛɛre, a Miseyam, ne a Semeere. A Semeer n me Ono tẽngã ne a tẽn-kɩremsã, la Lood ne a tẽn-kɩremsã.

¹³ A Beriya ne a Sema sẽn dag n be Ayalon tẽngã nebã sʋk n yaa buud kãsem-dãmbã, b riga Gat tẽng nebã tɩ b zoe.

¹⁴ A Beriya kom-dibli yaa a Akiyo, a Sasake, a Yeremote,

¹⁵ a Zebadiya, a Araade, a Edɛɛre,

¹⁶ a Misɛlle, a Yisfa, n paas a Yoha.

¹⁷ A Ɛlpaall kom-dibli yaa a Zebadiya, a Mesulam, a Hiski, a Hebɛɛre,

¹⁸ a Yismerayi, a Yisliya, n paas a Yobaabe.

^19-21 A Simeyi kom-dibli yaa a Yakim, a Zikri, a Zabdi, a Eliyenayi, a Siltayi, a Eliyɛlle, a Adaya, a Beraya, ne a Simrate.

^22-25 A Sasak kom-dibli yaa a Yispan, a Ebɛɛre, a Eliyɛlle, a Abdõ, a Zikri, a Hanan, a Hananiya, a Elam, a Ãntotiya, a Yifdeya, n paas a Penuwɛlle.

^26-27 A Zeroham kom-dibli yaa a Samserayi, a Sehariya, a Ataliya, a Yaresiya, a Eliya, ne a Zikri.

²⁸ Nin-bãmbã n yaa buudã kãsem-dãmba, wa sẽn zems b roto. Bãmb dag n bee Zeruzalɛm.

A Sayull buudu

²⁹ A Gabawõ ba wã rag n bee Gabawõ, la a pagã yʋʋr la a Maaka.

³⁰ A bi-kãsengã yʋʋr yaa a Abdõ, tɩ sẽn pʋgd yaa a Sʋʋre, a Kiisi, a Baalle, a Nadaabe,

³¹ a Gedoore, a Akiyo, n paas a Zekɛɛre.

³² A Miklot roga a Simeya. Bãmb me rag n bee ne b ba-biisã Zeruzalɛm.

A Sayull yagense

³³ A Neer doga a Kiisi, t'a Kiis rog a Sayulli, t'a Sayull rog a Zonatã, a Malki-Suwa, a Abinadaabe, la a Ɛsbaalle.

³⁴ A Zonatã roga a Meriib-Baalle, t'a Meriib-Baall rog a Miise.

³⁵ A Miise kom-dibli yaa a Pitõ, a Melɛke, a Tareya, la a Akaaze.

³⁶ A Akaaz roga a Yehoaada, t'a Yehoaada rog a Alemete, a Azmavɛte, ne a Zimri. A Zimri roga a Motsa.

³⁷ A Motsa roga a Bineya, t'a Bineya rog a Rafa, t'a Rafa rog a Eleyasa, t'a Eleyasa rog a Atsɛlle.

³⁸ A Atsɛll roga kom-dibli a yoobe. Bãmb yʋy la woto: yaa a Aazrikam, a Bokru, a Ismayɛlle, a Sehariya, la a Abdyaase, ne a Hanan. Bãmb fãa yaa a Atsɛll kom-dibli.

³⁹ A Atsɛll ba-biig a Esɛk kom-dibli la woto: a bi-kãsengã yaa a Ulam, tɩ yiibẽ soabã yaa a Yewuusi, tãabẽ soabã la a Elifelɛte.

⁴⁰ A Ulam kom-dibli wã yɩɩ gãndaad sẽn yaa tãb-tãoodba. Bãmb paama kom-dibli ne yagens wʋsgo. B fãa sõorã yaa neb koabg la pis-nu. Nin-bãmbã fãa yaa Benzame buudã nebã.