1 Kibayã 6 - WẼNNAAM SEBRE 2014

A Leevi yagens a taaba

¹ A Leevi kom-dibli yaa a Gersom ne a Kehat la a Meraari.

² A Gersom kom-dibli wã yʋy la woto: yaa a Libni ne a Simeyi.

³ A Kehat kom-dibli yaa a Amram, a Yitsaare, la a Ebrõ ne a Uziyɛlle.

⁴ A Meraari kom-dibli yaa a Makli ne a Musi. A Leevi buudã neb la woto, wa sẽn zems b yaab-rãmbã roto.

⁵ A Gersom doga a Libni, t'a Libni rog a Yahate, t'a Yahat rog a Zima,

⁶ t'a Zima rog a Yowa, t'a Yowa rog a Ido, t'a Ido rog a Zeera, t'a Zeera rog a Yeyatrayi.

⁷ A Kehat kom-dibli la woto: yẽnda roga a Aminadaabe, t'a Aminadaab rog a Koore, t'a Koore rog a Asɩɩre,

⁸ t'a Asɩɩr dog a Ɛlkana, t'a Ɛlkana rog a Ebiyazafe, t'a Ebiyazaf rog a Asiiri,

⁹ t'a Asɩɩr dog a Tahate, t'a Tahat rog a Uriyɛlle, t'a Uriyɛll dog a Uziya, t'a Uziya rog a Sayulli.

¹⁰ A Ɛlkana kom-dibli yaa a Amasayi ne a Ayimote.

¹¹ A Ɛlkana roga a Sofayi, t'a Sofayi rog a Nahate,

¹² t'a Nahat rog a Eliyaabe, t'a Eliyaab rog a Yeroham, t'a Yeroham dog a Ɛlkana,

¹³ n paas a Vasni ne a Abiya sẽn yaa a bi-kãseng a Sãmwɛll kom-dibli wã.

¹⁴ A Meraari kom-dibli yaa a Mali, a Libni, a Simeyi, a Uuza,

¹⁵ a Simeya, la sa Agiya, ne a Aazaya.

¹⁶ A Davɩɩd dag n yãka nin-bãmb tɩ b yaa Sẽn-Ka-Saab roogã yɩɩn-yɩɩndba, wakat ning kaoolã koglgã sẽn wat n paam vʋʋsg zĩigã.

¹⁷ Bãmb n dag n yas sɛk roogã taoor n yɩɩndẽ, hal n tãag wakat ning a Salmo sẽn me Sẽn-Ka-Saab roogã Zeruzalɛm n sɛ wã. B rag n maanda b tʋʋmdã wa sẽn zems b sẽn wilg-b to-to wã.

¹⁸ Ad neb nins sẽn dag n be beenẽ wã ne b kom-dibli: a Kehat kom-dibli wã sʋka, yaa yɩɩn-yɩɩnd a Eman. Yẽnda yaab-rãmb yaa a Sãmwɛll biig a Zowɛlle, a Ɛlkana biig a Sãmwɛlle,

¹⁹ a Ɛlkana biig a Yeroham biiga, a Yeroham biig a Eliyɛlle, a Eliyɛll biig a Toa,

²⁰ a Toa biig a Sufi, a Suf biig a Ɛlkana, a Ɛlkana biig a Mahate, a Mahat biig a Amasayi,

²¹ a Amasayi biig a Ɛlkana, a Ɛlkana biig a Zowɛlle, a Zowɛlle biig a Azariya, a Azariya biig a Sofoni,

²² a Sofoni biig a Tahate, a Tahat biig a Asɩɩre, a Asɩɩr biig a Ebiyazafe, a Ebiyazaf biig a Koore,

²³ a Koore biig a Yitsaare, a Yitsaar biig a Keyate, a Kehat biig a Leevi, a Leevi biig a Israyɛlle.

²⁴ A Leevi ba-biig a Azaf dag n yasa yẽnda nug-rɩtgo. A Azaf yaa a Berekɩya biiga, t'a Berekɩya yaa a Simeya biiga,

²⁵ t'a Simeya yaa a Misɛll biiga, t'a Misɛll yaa a Baaseya biiga, t'a Baaseya yaa a Malkiya biiga,

²⁶ t'a Malkiya yaa a Ɛtni biiga, t'a Ɛtni yaa a Zeera biiga, t'a Zeera yaa a Adaya biiga,

²⁷ t'a Adaya yaa a Etan biiga, t'a Etan yaa a Zima biiga, t'a Zima yaa a Simeyi biiga,

²⁸ t'a Simeyi yaa a Yahat biiga, t'a Yahat yaa a Gersom biiga, t'a Gersom yaa a Leevi biiga.

²⁹ A Meraari kom-dibli wã sẽn yaa bãmb ba-biisã rag n yasa bãmb nug-goabga. Bãmb taoor soab rag n yaa a Etan. A Etan yaa a Kiisi biiga, t'a Kisi yaa a Abdi biiga, t'a Abdi yaa a Maluk biiga,

³⁰ t'a Maluk yaa a Aazabiya biiga, t'a Aazabiya yaa a Amatsɩya biiga, t'a Amatsɩya yaa a Hilkiiza biiga,

³¹ t'a Hilkiiza yaa a Amsi biiga, t'a Amsi yaa a Bani biiga, t'a Bani yaa a Semeer biiga,

³² t'a Semeer yaa a Makli biiga, t'a Makli yaa a Musi biiga, t'a Musi yaa a Meraari biiga, t'a Meraari yaa a Leevi biiga.

³³ Leevi nebã sẽn yaa bãmb ba-biisã n dag n get Wẽnd doogã tʋʋm fãa yelle.

³⁴ A Aarõ ne a kom-dibli wã n dag n yõogd kũunã maand sẽn yõogd bugmã tẽn-kugr zugu, la wisdã tẽn-kugr zugu. Bãmb dag n maanda b tʋʋmã fãa zĩig sẽn welg toor n yɩɩdã pʋgẽ, la b maand yel-wẽnã sugr kosg maandã, Israyɛll nebã yĩnga, wa sẽn zems noor ning Wẽnnaam tʋmtʋmd a Moyiis sẽn dag n kõ bãmbã.

³⁵ A Aarõ kom-dibli la woto: A Aarõ n dog a Eleyazaare, t'a Eleyazaar dog a Fineyaase, t'a Fineyaas rog a Abisuwa,

³⁶ t'a Abisuwa rog a Buki, t'a Buki rog a Uuzi, t'a Uuzi rog a Zeraya,

³⁷ t'a Zeraya rog a Merayote, t'a Meyarot dog a Amariya, t'a Amariya rog a Akituubi,

³⁸ t'a Akituub rog a Sadoke, t'a Sadok rog a Ayimaase.

Tẽms b sẽn pʋɩ n kõ Leevi yagensã

³⁹ Ad tẽngã zĩis nins a Leevi yagensã sẽn zĩndi, wa sẽn zems b sik zĩisã ne b soolmã. Ad tẽms nins b sẽn maan poeer n yãk n kõ a Aarõ kom-dibli wã sẽn yaa a Kehat roogã nebã:

⁴⁰ yaa Ebrõ sẽn be Zʋʋda wã ne a kɩremsã,

⁴¹ la b yaool n dɩk tẽngã pʋt ne tẽn-bãooneg nins a sẽn so wã, n kõ a Yefune biig a Kalɛɛbe.

⁴² B rɩka weem-tẽmsã n kõ a Aarõ kom-dibli wã: yaa Ebrõ ne Libna, la Libna kɩremsã, la Yatɩɩr ne a kɩremsã, la Ɛstemoa ne a kɩremsã,

⁴³ la Ilɛɛz ne a kɩremsã, la Debɩɩr ne a kɩremsã,

⁴⁴ la Aaza ne a kɩremsã, la Bɛt-Semees ne a kɩremsã,

⁴⁵ la sã n yaa ne Benzame buudã, b kõo bãmb Geba ne a kɩremsã, Alemet ne a tẽn-kɩremsã, la Anatot ne a kɩremsã. B tẽmsã fãa sõor yaa piig la a tãabo, wa sẽn zems b roto.

⁴⁶ B leb n maana poeer n yãk tẽms piig Manaase buudã pʋɩ-sʋk sẽn so wã pʋga, n kõ a Kehat kom-dibli a taabã.

⁴⁷ B kõo a Gersom kom-dibli tẽms piig la a tãabo, wa sẽn zems b roto, la yaa tẽms b sẽn yãk a Yisakaar ne a Asɛɛr la a Neftali ne a Manaase buudã pʋgẽ Basan soolmẽ.

⁴⁸ B maana poeer n yãk tẽms piig la a yiib Rubɛn ne Gaad la Zabulõ buudã soolmẽ n kõ a Meraari kom-dibli wã wa sẽn zems b roto.

⁴⁹ Israyɛll nebã rɩka tẽmsã ne b pʋ-weesã n kõ Leevi nebã.

⁵⁰ B maana poeer n yãk tẽn-kãensã sẽn yaa a Zʋʋda buudã yagense, ne a Sɩmyõ buudã yagense, la a Benzame buudã yagens tẽmsã n kõ-ba, la b rɩka b mensã yʋy n pʋd tẽn-kãense.

⁵¹ B yãka tẽms Efrayiim buudã pʋgẽ, n kõ a Kehat rot kẽer yagense, b soolmẽ wã.

⁵² B kõo bãmb Sɩkɛm sẽn yaa weem-tẽngã ne a kɩremsã, n be Efrayiim soolem ning sẽn be tãms sʋkã, Gezɛɛr ne a kɩremsã,

⁵³ Yokmeyam ne a kɩremsã, Bɛt-Horon ne a kɩremsã,

⁵⁴ Ayalon ne a kɩremsã, ne Gat-Rimon ne a kɩremsã.

⁵⁵ Manaase buudã pʋɩ-sʋk pʋgẽ, b yãka Aneer ne a kɩremsã, la Balaam ne a tẽn-kɩremsã n kõ a Kehat kom-dibli a taabã roto.

⁵⁶ Ad tẽms nins b sẽn yãk a Manaase buudã pʋɩ-sʋk roogẽ n kõ a Gersom yagensã: yaa Golan, sẽn be Basan ne a kɩremsã, la Astarot ne a kɩremsã.

⁵⁷ Yisakaar buudẽ wã, yaa Kedɛɛs ne a kɩremsã, Dabrat ne a kɩremsã,

⁵⁸ Ramot ne a kɩremsã, la Anem ne a kɩremsã.

⁵⁹ A Asɛɛr buudã pʋgẽ, yaa Masall ne a kɩremsã, Abdõ ne a kɩremsã,

⁶⁰ Ukok ne a kɩremsã, Rehoob ne a kɩremsã.

⁶¹ A Neftali buudã pʋgẽ, yaa Kedɛɛs sẽn be Galɩle ne a kɩremsã, Amo ne a kɩremsã, la Kiriyatayim ne a kɩremsã.

⁶² B yãka tẽms a Zabulõ buudã pʋgẽ n kõ a Meraari kom-dibli a taabã: yaa Rimon ne a kɩremsã, la Taboor ne a kɩremsã.

⁶³ Zʋrdẽ kʋɩlgã rʋʋnd sẽn tees Zeeriko, Zʋrdẽ yaanga, b yãka tẽms a Rubɛn buudã pʋgẽ n kõ bãmba: yaa Besɛɛr sẽn be we-raoogẽ wã ne a kɩremsã, Yatsa ne a kɩremsã,

⁶⁴ Kedmot ne a kɩremsã, n paas Mefaat ne a kɩremsã.

⁶⁵ Gaad buudã pʋgẽ, b yãka Ramot sẽn be Galaad soolmẽ wã ne a tẽn-kɩremsã, Mahanayim ne a kɩremsã,

⁶⁶ Hɛsbon ne a kɩremsã, la Yazɛɛr ne a kɩremsã.