1 Zã 3 - KÃAB-PAALGÃ KOE-NOOGO

Wẽnnaam kamba

¹ Ges-y nonglem ninga d ba wã sẽn nong tõndã, bala b boonda tõnd tɩ Wẽnnaam kamba. La tõnd sɩd yaa bãmb kamba. Ad bũmb ning sẽn kɩt tɩ dũni wã ka mi tõndã: Yaa t'a ka bãng d ba wã ye.

² Mam zo-nongdse, tõnd yaa Wẽnnaam kamb moasã, la tõnd sẽn na n yɩ bũmb ningã nan ka puk nand ye. La tõnd miime tɩ Kirist sã n wa n puki, tõnd na n yɩɩ wa bãmba, tɩ bõe, tõnd na n yãa bãmb sẽn yaa a soabã.

³ Ned ninga fãa sẽn tẽed Kiristã yel-kãngã pidsg yĩnga, a yɩlgda a meng n lebg yɩlemd wa a Zezi Kirist sẽn ya yɩlemdã.

⁴ Ned ninga fãa sẽn maand yel-wẽnde, a kɩɩsda tõogã me. Yel-wẽna yaa tõogã kɩɩsgo.

⁵ La yãmb miime t'a Zezi waame n na n yiis yel-wẽna, la yel-wẽnd ka tol n be bãmb pʋgẽ ye.

⁶ Ned ning fãa sẽn be Kirist pʋgẽ ka maand yel-wẽn ye. Ned ning fãa sẽn maand yel-wẽn ka yã bãmba, la a ka bãng-b ye.

⁷ Kom-bõonego, bɩ y ra sak tɩ ned ba a yen belg yãmb ye. Ned ning sẽn maand tɩrlem yaa tɩrg wala a Zezi Kirist sẽn ya tɩrgã.

⁸ Ned ning sẽn maand yel-wẽn yaa rõatã neda, bala rõatã sɩng n maanda yel-wẽn hal sɩngr wẽndẽ. Wẽnnaam Bi-riblã waame n na n sãam rõatã tʋʋma.

⁹ Wẽnnaam sẽn dog ned ninga fãa ka maand yel-wẽn ye, Wẽnnaam yalẽ wã sẽn be yẽ pʋgẽ wã yĩnga. La sẽn ya Wẽnnaam n dog-a wã yĩnga, a ka tõe n ket n maand yel-wẽn ye.

¹⁰ Yaa woto la b bãngd sẽn ya-b Wẽnnaam kamba la sẽn ya-b rõatã kamb n bake. Ned ning fãa sẽn ka maand tɩrga la sẽn ka nong a ba-biig ka Wẽnnaam biig ye.

¹¹ Ad koɛɛg ning yãmb sẽn wʋm hal sɩngrẽ wã: Bɩ d nong taaba.

¹² Bɩ d ra maan wala a Kaẽ sẽn da ya wẽng soabã rẽndã, la sẽn kʋ a ba-biigã ye. La bõe yĩng n kɩt t'a kʋ-a? Yaa yẽ tʋʋma sẽn da ya wẽns t'a ba-biigã tʋʋma zemsã yĩnga.

¹³ M ba-biisi, dũniyã neba sã n kis yãmba, bɩ y ra yɛɛs ye.

¹⁴ Tõnd sẽn nong d ba-biisã yĩnga, tõnd miime tɩ d yii kũum zĩigẽ n kẽ vɩɩm zĩigẽ. Ned ning sẽn ka tar nonglem bee kũum pʋgẽ.

¹⁵ Ned ninga fãa sẽn kis a ba-biig yaa nin-kʋʋda, la yãmb miime tɩ nin-kʋʋd ba a yen ka tar vɩɩm sẽn kõn sa wã tɩ bee a pʋgẽ ye.

¹⁶ Ne bõn-kãnga, tõnd bãnga nonglem sẽn ya bũmb ninga: Yaa t'a Zezi Kirist kõo bãmb vɩɩmã tõnd yĩnga. Tõnd me tog n kõo d vɩɩmã d ba-biisã yĩnga.

¹⁷ Ned sã n tar dũni arzegse, n neẽ t'a ba-biig rat sõngre, tɩ yẽ ka zoe a nimbãaneg n sõng-a, yẽ na n yɩɩ a wãn yeel t'a nonga Wẽnnaam?

¹⁸ Kom-bõonego, bɩ tõnd nonglem ra yɩ noor goama wall no-noom ye. Bɩ a yɩ ne tʋʋma la ne sɩda.

¹⁹ Rẽ na n kɩtame tɩ tõnd bãng tɩ d yaa sɩd-dãmba, la tõnd na n paama sũur laafɩ Wẽnnaam taoore,

²⁰ baa ne tõnd sũya sẽn mongd tõnd bʋʋm to-to. Bala, Wẽnnaam yɩɩda tõnd sũyã, la b mii bũmb fãa.

²¹ Mam zo-nongdse, tõnd sũurã sã n ka mongd tõnd bʋʋm, tõnd pɛlg yaa kɛgeng Wẽnnaam taoore,

²² tõnd sẽn kot bũmb ninga fãa, bãmb kõta tõndo, tõnd sẽn sakd bãmb tõodã la d maand sẽn tat bãmb yamã yĩnga.

²³ Ad bãmb tõogã la a woto: Yaa tɩ d tẽ bãmb Bi-ribl a Zezi Kirist yʋʋre, la tɩ d nong taab wala sẽn zems tõog ning a Zezi sẽn kõ tõndã.

²⁴ Ned ning sẽn sakd bãmb tõodã bee Wẽnnaam pʋgẽ, tɩ Wẽnnaam be yẽ pʋgẽ. Woto, tõnd miime tɩ bãmb bee tõnd pʋgẽ, Sɩɩg-sõng bãmb sẽn kõ tõndã maasem yĩnga.