St. Mark 8 - Neh Nase Tsi Shokȣatakȣen 1880 (4 Gospels by Joseph Onasakenrat)

Satekon-aton nateioteriiasonterakȣen tsini hoiaton Roiatatokenti Mark.

¹ Kentiokoȣanen are nethone ronȣanontora-tioskȣe ne Iesos, tanon iah othenon tehotiien niieks, nese ȣaonni iasakononke ne raotiokȣa, Sahenron!

² Oriȣiio tsi khetenre kehiken teȣakanitiokȣaton, onen asen nonta shiionkariakonton, iah oni othenon tehonatennatseraien.

³ Tanon nakaȣentakon aonsakheiatori onhiakono-ronse tsiniiohahes aseken otiake ihnon nitiaka-ȣenon.

⁴ Tontahonȣaȣennaȣeron no raotiokȣa, ȣahon-niron: ionikonrokta kiȣahi naiakȣanatarataonri ne kenhnonȣe tsinikon iatakaieri naiakotane.

⁵ Ȣasakoriȣanontonse, Sahenron: toh nikon Seȣa-nataraien? Tontahonniron: tsiatak.

⁶ Ethone Ensakorori nonkȣeokon akȣekon ehtake aiontien, ȣatrakȣe ne tsiatak nikanatarake, ȣahaiata-teriste, ȣathaiakkon iasakaon ne raotiokȣa nok ne rononha onkȣeokon iaonsasakohnon.

⁷ Sekon tokara nihotitsiaientakȣe, eh kati oni noneh nahaiere ȣahaterennaienhase nok Sahenron: ietsiion oni neneh.

⁸ Ȣatonstskaon kati, nok akȣekon oni ȣahonatane, tanon tsiatak niȣasenontserake Sakanane tsinikon ȣahotikkȣine.

⁹ Neh nahoten ne kaieri niȣenniaȣehetsorasen niionkȣetake ne ȣatonstskaon; ethone onen tonsasakoreniate.

¹⁰ Nok oksaok ne raonha oni ne raotiokȣa tonsa-hatiiaiako Dalmanutha niiaonne.

¹¹ Ethononh nathontatken Pharisian ȣathatiriȣa-tirontonko, nok ȣathonȣanikonraserakȣo ȣahonȣane-ken enskat asakonatonhase ne ioriȣanerakȣat karon-hiakeka.

¹² Nok ne Iesos rahonikonrakon tontaronnise-renne, nok-ȣahenron: Oh nahoton kariȣanontontta ne ioriȣanerakȣat kehiken niionkȣototon? Oriȣiio tsi kȣarori tsi iah taontkatto.

¹³ Ok eh tasakotkaȣe nok ionsahatita oni tonsaha-tiiaiake.

¹⁴ Ok iah tehoneiaraon nahotinataraninonke onen enskatok sishotinataraien.

¹⁵ Kenh kaien enskat ȣasakotiaȣenratse; ȣahenron: Seȣatsanisek ne Pharisian oni ne Herod raonat-tenkȣatta.

¹⁶ Rontonhakȣo ne rononhake; noh ȣahi tsi iah teionkȣanataraien.

¹⁷ Nok ne Iesos roterientaratsion tsinahoten ron-nore, Sahenron: nahoten neneh seȣatroriaton tsi iah teseȣanataraien? iahken toseȣakahenhions, iah oni kenh toseȣanikonraientas? Sekon oni kenh oni niso tetiseȣanikonrakaras.

¹⁸ Toseȣakarat nok iah teseȣatkattos? Teseȣaon-takaronte nok iahkenteseȣaronkas? iah oni ken tese-ȣaien naonseseȣeiarane?

¹⁹ Toh niȣaterake ionanonhon no rotikkȣihon Sahatinatarake neȣisk nihonniaȣehotserasen ne ȣisk nikanatarake kheiakhonni? Tontahonniron tekeni iaȣenre.

²⁰ Nok no tsiatak nikanatarake, toh neneh nikon rotikkȣihon ne kaieri nihonniaȣehelseruson? tontah-onniron tsiatak.

²¹ Tontahenron oh katine kenh niiot tsi iah teseȣa-nikonraientas tsi nahoten kiton.

²² Nok nonen sihiaharaȣe Betsaïda eh ȣahonȣaia-theȣe saiatat teharonȣekon ȣahonȣennitonton naho-tsiente.

²³ Iahonentsa nok ȣahoiatotarho tsi ionkȣene tsiniiore iatekanatakte, ok noneh raostskeri ȣaharho nikarake nok ȣahonisnonsaerhase, nok ȣahoriȣanon-tonso nothenon ahatkattoseke.

²⁴ Ȣahonron ne ronkȣe tsi ȣathalkatonnmn, eh niiot tsi khekens nonkȣe ihiens tsiniiot ne karonta aken-hake,

²⁵ Sekon no Iesos iatonsahanisnonsaren nikarake, nok Saborori tahonsahatkathonnion; onen iakaierine akȣa oni tehakariios.

²⁶ Ethone tsi thononsote ionsahotori, nok ȣahenron: tosa kanatakon niionsase tosa oni onka sherori.

²⁷ Ethono are onen sahontenti neh nonȣe tsi tio-natakȣenrare ne Cesare-Philipp niiahonne. Tsi niio-hahes eh ȣasakoriȣanontonse ne raotiokȣa, tsi na hoten aiontonheke nonkȣesonha ne raonha raiata-take?

²⁸ Tontahonniron: otiake ionton ise ne Saȣatis, otiake, Elie; nok notiake ionton Rotokense.

²⁹ Tontahenron: onka kati nise iseȣere nʼii? Tier tahatati, Sahenron: ise ne Keristos.

³⁰ Ȣahateȣennakȣisron tsi ȣasakotiaȣenrastse neh niiot tsi asakotirori onkakiok oni akenhake.

³¹ Ethone oni onen ȣasakonikonraientaten tsi iatekakonte eso enharonhiaken nʼOnkȣe Roienha, tsi enh onȣateȣentete ne ratiianerenseronni, ratitsihenstatsi-okon nok oni ne ratiiatons, enhonȣario, nok ki tanon tsi ensatonnhete nasenhaton nenȣata.

³² Akȣa iah othenon tehoriȣarhoron tsi neh rotli-arakȣenhatie; nese ȣahonni ne Tier ȣahoriste nok ȣahoriȣasten.

³³ Tontahatkarhateni ne Iesos ȣasakotkathoseron ne raotiokȣa, ȣahoteȣennateten ne Tier nok Sahenron: ehren iset ne kiatakta Satkonseraksen; aseken iah tehonikonraientas ne Niio raoriȣasonha neok notikȣe akoriȣasonha.

³⁴ Iasakononke nonkȣeokon oni ne raotiokȣa nok Sahenron: Onkakiok enhienrheke rinonieratie, akȣa niare ratateȣentet nok terak ne raoiasa nok rakser.

³⁵ Aseken nenhionskennha tsi iakonnhe, enhiako-tonso; nok nii akeriȣake, oni aksennakon enhionte-ȣentete neh enkonȣaniakente.

³⁶ Nahoten nah oni aionstste nonȣentsiakȣekon taiontentsa, nok aiontetsirate nonakenke?

³⁷ Ok ne ens, oh nahoten tahatatuȣistakȣe ne ronkȣe ne raotonnhest?

³⁸ Aseken onka enhionkatohase, ok ne ens nake-ȣonna, kentho tsi ionȣentsiate kariȣaneraakserakon, enshotehase oni noneh nʼOnkȣe Roienha nonen tentre enthoiatanerakȣatonhatio Roniha raoiatanerakȣat-sora oni ne raoronhiakeronon okon.