St. Mark 7 - Neh Nase Tsi Shokȣatakȣen 1880 (4 Gospels by Joseph Onasakenrat)

Tsiatak-haton nateioteriȣasonterakȣen tsini hoiaton ne Roiatatokenti Mark.

¹ Ethone ne Pharisian oni no ratiiatons Jerusalem nith…non ȣahonȣateranontakton.

² N… neh enskat ȣahontkatho tsi iah teshontsio-hares ne Iesos raotiokȣa nationstskaon no kati ȣasa-kotiriȣasten.

³ Asoken no Pharisian oni no Sitaeronon iah non-ȣenton nʼiah taonsaontsioharehe ohenton no taonsts-kaon, neh enskat ratiriȣonhaȣo noriȣakaion.

⁴ Iah nonȣenton no iah tahonsahontsioharehe no tsi iontkerontakȣa natenthonne ohenton no tahonsts-kaon. Eso ioriȣako no ronatatatiaȣenrati, tsiniiot are nʼaietsetohare, aieksohare, aionaktohare oni.

⁵ Neh kati ȣahonni ȣahonȣariȣanontonse, ȣaonni-ron: ohnihiotieren tsi iah tehatiriȣaierits no sentio-kȣa tsinikaiaton noriȣakaion, iah ȣahi tehontsiohares nonen tehonstskaonne.

⁶ Tontasakoȣennaȣeron, Sahenron: Akȣa onkoken thoieriton Tsinitsiseȣenni ne Rotokensehakȣe Esai ise no Soȣakonȣara; ȣaton tsi kaiaton. Ratisene ok ionksennaiens, nok ihnon teiakȣatere tsinonkati ne raoneriane.

⁷ Ok tiioriȣakon tsi ionksennaiens, asoken neok nonkȣesonha akoriȣasonha sakotirihonnienni.

⁸ Aseken ihsi ieseȣation ne Niio raoȣenna, nok noh seȣatienaȣaston nonkȣeakoriȣatatsora; tsiki niiot naietsetoharo aieksohare; sekon eso noiasonha tsini soȣaierha.

⁹ Ȣasakaȣenhase oni: Seȣarios ne Niio rahoriȣa-tatsera, nok neh seȣaskennhen nise Seȣariȣatatsora.

¹⁰ Aseken raȣon ne Moïs: Shekonnienst no iesa-ionha: Toka onka kiok enhoriȣakonron ne roniha ok nehens no ronistenha, renheih.

¹¹ Nok nise seȣaton: Onka kiok onhoriȣakenron neroniha oni ronistenha; Corban tsionni, Seȣontonta atanitenrat, niihne entkaientakȣe ne ensaiatakennha; iahs ens oni tahonnhiseraientane.

¹² Nok enhtsiseȣatiaȣenratse naonsasakoiotense ne ronȣaienha.

¹³ Eli nitiseȣaieratha tsi seȣarios ne Niio raoȣenna, neh seȣasere tsi niseȣatatsenhenni, sekon eso noiasonha tsiniseȣaiorha.

¹⁴ Ethone onen iahentiokȣatihentho, nok ȣasa-kaȣenhase, Sahenron: seȣataonsatat nok seȣanikon-raientann tsinahoten enkiron.

¹⁵ Tsinikon rennekȣanons ne ronkȣe iah othenon takakȣeni nahoiataksate ne ronkȣe; neh tanon tsinikon tkaiakens ne raonhake neh tohiken roiataksata no ronkȣe.

¹⁶ Onka tenhionhontakarontakȣen naionronke, ionronk.

¹⁷ Nonon kanonskon siieshotaȣeiaton raonhaa oni sisken, ȣahonȣariȣanon tonse ne raotiokȣa, nahoten kenton nethon tekariȣakentonkȣen.

¹⁸ Sahenron: iah oni kenneken oni nise teseȣat-tokha! iah ken teseȣanikonraientas tsinikon nastste nonkȣati tkaientakȣa tsi rennekȣanons ne ronkȣe, tsi iah othenon takakȣoni nahoiataksate?

¹⁹ Aseken iah raȣeriane tiieȣataȣeiata, rahone-kȣentakon niieheȣes, nok eh nonȣe ienskontiiakenne tsinonȣe tioriȣaien, akȣa ne ok nenhahonnhaseronni tsini hokon.

²⁰ Ratonhakȣo kati, neso roiataksata tsinitkaia-kons ne raonhake.

²¹ Asoken no ieiatakon ok ne ens naȣeriane, tkon-tiiakens ȣanontonniontseraksens, kentesera, onkȣe aiontateriio.

²² Kanonsihen, aiontatkaronni nonkȣe kasero-hensera, kanikonrhaton, askennhatsera, atatkenron-niatsera, kanaiesera.

²³ Neh nakȣekon nakon nitkonnes, noh oni iakoiataksatha nʼonkȣe.

²⁴ Ethone ehren sarete neh nonȣe, tsi natehonton-ȣentsiakhenhatio ne Tyr tanon ne Sidon niiahare; kanonskon iahataȣeiate iah tererhakȣo onka aiakoto-kens; nok iah teiotonhon nahioteriȣaseton.

²⁵ Aseken skaiatat ne Tsiothonȣisen en…kat ioiata-setseraion nʼotkon iotienni, ȣahosennaronke no Iesos, eh onȣo rasitakta ontiskȣentaren.

²⁶ (Kehiken tsiothonȣisen Grek-Sirophenisian nakanekȣensoten) ronekenni hatie naonsahaiatine-kenȣe notkon tsi iotienni nakoienha.

²⁷ Iesos tontahaȣennaȣeron Sahenron: niarekȣe iakohtann neksaokonha; iah se ȣahi tatekarensaron neksaokon akonatarok erhar oȣira akonȣatinonte,

²⁸ Tontahoȣennaȣeron, ȣakenron: Akȣa neneh tokensko, Saianer! nok ki sane nʼerhar oȣira ȣatons ens natekkȣaratserokon aontakonnoronko tsini iako-sense neksaokonha.

²⁹ Ethone ȣarenhase: neh ȣakarionni tsini kaȣen-noten tasatati, ȣas sasatenti nok tsiakoieȣentaon ne seienha.

³⁰ Ionsonȣe tsi tiononsote, eh niiot tsioiakenhon notkon, tsiakoieȣentaon nakoienha kanaktake ieia-tionni.

³¹ Eh tontahatenti ne Iesos, Kalile kaniatarakta natontare, ȣatronȣentsiiake ne Decapolis.

³² Eli ȣahonȣaiatheȣe iah tehatati oni tehaonta-kȣekon ȣaonȣennitenten nahonisnonsaerhase.

³³ Niarekȣo ȣahoiatotarho tsi ionkȣene, ethone iahanisnonsata rahontakon; nok ȣahanistskerarho rasnonke tanon rennasake kenh niiahaiere.

³⁴ Tanon karonhia… iahatkatto, taronniseronne nok Sahenron: Epphetah, neneh naiahiron, senonteksi.

³⁵ Oksaok ȣatatkakȣeksi, tanon ontnerensi ne rennasake akȣa ki skennen koȣa tahatati.

³⁶ Nok tanon ne Iesos ȣasakotiaȣenratse naontrori, ok eken ne rononha Senha tahatiriȣakenniatane ȣathonteriȣareniate.

³⁷ Akȣa ihken tsi rotinerakȣenhatonskȣe ronton: akȣekon tkaieri tsini hoieren; sesakotsienta ne teion-hontakȣekon tsiontatis niah teiontatiskȣe,