St. Mark 5 - Neh Nase Tsi Shokȣatakȣen 1880 (4 Gospels by Joseph Onasakenrat)

Ȣisk-haton teioteriȣasonterakȣen tsini Roiaton Roiatatokenti Mark.

¹ Iahonneȣe isi nakaniatarati Kataronien-ronon rao-natonȣentsiake.

² Akȣa neok Sontahatitako ne Iesos, Saiatat nʼotkon rotienni, tontahakȣirotkaȣe nok iathoterate.

³ Iah teȣatonskȣe nahonȣanerenke neseȣahonni karhakonson ki thireskȣe.

⁴ Eso ioriȣako ne tehonȣarensteren oni tehonȣa-nenststorenne akȣekon tehoiakhon ne katiahoriȣa iah teȣatonskȣe nahonȣanikonrarako.

⁵ Tiotkon onȣe karhakonson, onontoharakeson oni thires, tehohenretanes ohnenhia ratatientanionnes.

⁶ Akȣa kati neok iahoken ne Iesos, iatharatate ȣathononȣeron akȣa oni ȣathotontsotase.

⁷ Ȣathohenrete Sahenron: Iesos, nahoten taskenien-le ise ne Niio iaienha? Konnekennis rahosonna-konne Niio tosa niare askeronhiakente.

⁸ Aseken ratonhakȣe no Iesos: Satkonseraksen, tontatsiakenn no raonhake.

⁹ Iesos ȣahoriȣanontonso ȣahenron nahoten iesa-iasts? Kentiokȣa Sahenron ionkiasts, aseken ionkȣen-tiokoȣanen.

¹⁰ Ronekenniskȣe ne tosa aonsahotȣkȣate neh nonȣe niȣatonȣentsiate.

¹¹ Iah ihnon teken tionontahere, ionentiokoȣanen eh nonȣe tkonȣatinonnhakȣe kȣiskȣis.

¹² Akȣekon ok ronȣanekennihakȣe rontonhakȣe: eh iatontakȣatori kenh ihken tkonnes kȣiskȣis neh iahonsaiakiiataȣeiaten. Oksaok ȣasakaon ne Iesos, netho niiakonne.

¹³ Oksaok kati ȣakontiiakenne, nok eh niiakonne tsi tkonnes no Kȣiskȣis, kaȣenniio ok neneh ȣahoti-hiation nensok ȣakonteko kaniatarake iakontiatonti, akȣekon ehȣakonniheie ne teȣenniaȣehetserasen ni-konti.

¹⁴ Nok ne Sakotinonnhakȣe ȣahonteko, sahatiri-ȣaienhna kanatakon, nok tehonateriȣaren iaton hatie tsi niiahonne.

¹⁵ Akȣekon ok ȣaheiakenne ȣaontkensera tsinon-taiaȣenne, iahonȣaiatoronne ne Iesos, nok ȣahon-ȣaken ne Kentiokȣa rotienni ne, renstskȣahere noseronni akȣa oni tetkariȣaieri: akȣekon ok ȣahakoteron-hienten.

¹⁶ Nok nakȣa ronatkathon ȣasakotirori tsiniiaȣen-hon nʼotkon rotionni raiatatake nok oni tsini iotiiata-ȣenhon ne Kȣiskȣis.

¹⁷ Ne kati ȣaonni ȣahonȣaneken nahonsahatera-tako ne raonatonȣentsiake.

¹⁸ Nonen-Shiionsahatita kaonȣakon, eh ȣahoke-tote nʼotkon rotiennine ȣahoneken nahaon nanasseke.

¹⁹ Iah tanon tehothontaton ne Iesos, ok eken ȣahaȣenhaso; Sahenron: ȣas saȣatsirake niionsase nok sherori tsini ioriȣanerakȣat tsinaiatierase ne Raȣenniio, tsi oni naientenre.

²⁰ Sahatenti neneh, nok ethoʼkʼ iahatasaȣen ȣaha-troriate, rorihoȣanatonhatie oni tsini koȣanen roten-ron ne Iesos akȣekon ok taiontonnekhon, ȣahakoh-nerakȣenhaton oni ne Decaporisronon.

²¹ Iotiokȣatsani are saionteroroke nonen siionsa-raȣe ne Iesos nʼisi nakaniatarati.

²² Saiatat ne Sakotatis Jairus ronȣaiats, eh ȣaraȣe nok ȣathotontsothase nonen sahoken,

²³ Rohnekennis, raton: Onen thoha aontaiahiheie keienha, konnekenni kati neh iase asheianisnonsaer-hase nok aonsaieieȣentane.

²⁴ Ne se ȣaonni ionsanehtakȣe ki ne Iesos tsi saha-tenti; iotiokȣatsanit are ronȣanonteratiene.

²⁵ Skaiatat tsiothonȣisen oh kaiataratieskȣe, onen tekeni iaȣenre niioserake siionnʼrakaionse.

²⁶ Niah othenon tohotikȣenion no rontetsiens arahona oni onte neok nostonha akonȣatorissenthose, akȣa iekenhaok tsi konȣentenstetenni, okheken taka-nerakȣatasere tsiiononȣaktani.

²⁷ Ne kati sahosennaronke ne Iesos, ok tiiateȣa-tenenraȣeheste, rashonne nontaȣe nok rahotiataȣitne iakaiena.

²⁸ Teȣatonhakȣe naȣerientakon: enskieȣentanese naraona neok oni ne raotiataȣitne kenh niiakiere.

²⁹ Akȣa oni oksaok ȣatkatane tsi iohnonȣaktani, nok onttoko naonhake tsi onen sakaieȣentane.

³⁰ Nok no Iesos ȣahattokatsi tsi Sakaiakenne ne rahonhako ne rahotanitenrat, tontahatkarhateni, nok Sahenron: onka kenh niiaheiere nakatseronnia-kȣake?

³¹ Nok ne raotmkȣa ȣahonniron: Akȣekon kik ȣahi nekenh tateiesaiatoraraks: tanon kenh seriȣa nontons onka kenh niiahesaienre?

³² Ȣathatkatonhnionȣe aktatie tsiniiot nahaiatisak-seke neh nahaiere.

³³ Nese ȣaonni ȣahoteronhienten ne Tsiothonȣi-sen, oni ioterientaratsion tsi nahaȣenno naonhake, eh niiahahe nok ȣathotontsothase nok oriȣakȣekon ontrori noriȣiio.

³⁴ Nok ne Iesos tontahenron: neh sesatsiente kien tsi tisetakȣen, skennen kati Sasatenti, oni tsi Saieȣentaon hatie.

³⁵ Sekon ok nihotare, etho ȣahonneȣe ne Sakotatis raonkȣeta, ȣahonniron: Onen iakaȣenheion ne seienha, tosa kati senha ihsi nonȣe natetsenikonr-haren ne Roianer.

³⁶ Akȣaneok sahariȣaronke ne Iesos neh nikari-hoten, ȣahaȣenhase ne Sakotatis: Tosa othenon Sate-ronn, neok ne tasetakonhak.

³⁷ Ȣasakotiaȣenratse notiako naonȣasere neok ne Simon Tier, sak tanon San ne sak iatatekenha.

³⁸ Iahonneȣe tsi thononsote ne Sakotatis, eh ȣah-ontkatho koȣanen ronaterakareraston, otiake teion-senthos, nok otiake teiakohenretha.

³⁹ Iahataȣeiate nok Sahenron: ohnontieren tsi seȣaterakareraston, oh ohni nahoten teseȣasenthota? Katiken iaȣenheion no kenh kaiataseha neseok ne iotas.

⁴⁰ Akȣekon ok tihonȣaieronhakȣe; niarekȣe tanon akȣekon saieiakenne ethone eh niiahare ne Iesos tsi tkaiationni ne kaiataseha neok ronne ne konȣaienha tanon nakȣa raonha sakoiatenhaȣine.

⁴¹ Iahanentsa, nok Sahenron: Talitha Cumi; sakat naiahiron: Tsiatase ii ȣakonrori satkestsko.

⁴² Ok eh karatie sontkestsko ne kaiatase nok sontentionko, onen tekeni iaȣenre sateiahoseriiakon-hatie, ȣahotinerakohaton.

⁴³ Ȣaȣakotiaȣenratse niare naontrori, ethone ȣasa-konnhane nakonȣanonte ne kaiatase.