St. Mark 4 - Neh Nase Tsi Shokȣatakȣen 1880 (4 Gospels by Joseph Onasakenrat)

Kaierihaton tehioteriȣasonterakȣen tsini Roiaton Roiatatokenti Mark.

¹ Sekon are ne Iesos sasakorihonnien kaniatarakta, iotiokȣatsanit eh ȣaonteroroke, no se ȣaonni kaonȣa-kon iahatita, nok atsiaktatie eh ȣakakenniotane.

² Eso ioriȣake ȣasakorihonnien tsi ȣatesakoriȣa-kentonkȣen, ratonhakȣe.

³ Seȣataonsatat; Saiatat ne ronkȣe ȣahaientho-sera.

⁴ Tsi ronatsiontionhatie, otiake ohaakta ȣakake-rontane, otsitenokonha neneh ȣakontokkȣisa.

⁵ Otiake oststenrake ȣakakerontano tsinonȣo nʼiah eso teiokenraere; oksaok takanio aseken iah ki nakon tetkaien;

⁶ Nok tanon ontsa nonen sontakarakoten oni ons-tathen aseken iah ki eso teiotoronto.

⁷ Otiake ohiktokon iakakerontane, takonteiaron teneh nohikta nok ȣahotirio iah kati othenon kasta teiotonhon.

⁸ Otiake tsinonȣe niionȣentsiio nakaientane, ȣa-kanio nok ȣakanatsioharen akȣa ȣakanorari, otiake asen niȣasen onteiaron nenskat, iaiak niȣasen, enskat oni teȣenniaȣe onteiaron ne skanatsia.

⁹ Ionronk Sahenron: nonka teionhontakarontakȣen naionronkate.

¹⁰ Nok nonen rononhaa siionsonton ne ratikȣe-konne tanon ne raotiokȣa, ȣahonȣariȣanontonse, oh nahoten kenton tsi nahoten Sahenron.

¹¹ Sahenron: ietsiiaȣi nise naeseȣatokense tsini hoianerenseroten ne Niio; kenh kaien nakorenson neok neneh ne teiontateriȣakentonkȣenni.

¹² Nese karionni iah tiiateiekaraientas tsi iontka-thos, nok ionronkas iah se sane teiakonikonraientas tsi nahoten ionronkas sotsi onȣa entsiontatreȣate nok aonsaiontiatokeȣe nakoriȣaneraaksera.

¹³ Iah kati kenh Sahenron teseȣanikonraientas tsi nahoten kenton tsi nahoten ȣatkeriȣakentonȣe? neh kati onte ken akȣa iaeseȣanikonraientane notiake?

¹⁴ Raienthos: neh ȣahi roton noȣenna raienthos.

¹⁵ Nok kenh kaien nohahakta iokerontaon, neneh iakoton ne iontataronkatenti! nʼoȣenna; nok ki tanon nonen iakoronken, ok saok notkonseraksen tontahota-kȣenhatio tsi niiekaienthonne nʼakaȣeriane.

¹⁶ Eh oni neh niiot, noststenrake iokerontaon, neh ȣahi iakoton nʼonen iakoronken noȣenna, akȣa oni ȣaontonnharen.

¹⁷ Nok tanon tsi iah tetiakaȣetakon iah ki tateka-ȣishastste; ne ȣaonni kaȣenniioki ȣahakorane ne ka-nikonraksensera oni kakenronniatsera ahorionniat no-ȣenna akȣa oksaok tsiontateriȣastani.

¹⁸ Nok nohiktokon ieiokerontaon, neneh niakota-onsate tsi iothare.

¹⁹ Nok ki tanon iah teiontennikonranontasions nonȣentsiakeka, tiotkon onȣe atsokoȣatsera ionnon-tonnionkȣa, neh tsiorios iah oni teȣateiarons.

²⁰ Kenh tanon kaien ne tsi nonȣe niionȣentsiio ieiokerontaon, neh iakoton nʼionronkas noȣenna, nok taiakoteȣeientontio, oni ȣateiarons: enskat asen niȣasen, iaiak niȣasen, nok noiah enskat teȣenniaȣe.

²¹ Ratonhakȣe oni: iah ȣahi okȣirokon tiieiehaserotha, ok ne enʼsʼ ne kanaktokon iaionsete naease-roten? iah kenh naha teiehaserotakȣake teiehniotha nohasera?

²² Aseken iah tekaien nʼioteriȣaseton nʼiah taonte-rihotasionhe.

²³ Ionronk nonka teionhontakarontakȣen naion-ronkate.

²⁴ Sekon are sasakaȣenhase: ise seȣanikonrarak nonȣa konh seȣathonte. Ok eh nentsetsiierase tsi nenhietsiierase, nok tanon nise ne seȣathonte ientse-tsiioheststen.

²⁵ Aseken ne roien sekonki enshonhion, nok nʼiah othenon tehoien Akȣekon enhonȣakȣaȣa tsini hoienha.

²⁶ Ratonhakȣe oni: neh testiatieren ne Niio rao-nakerasera, ne ronkȣe ȣahaientho, nok nonen rotheti-son neok ne shotas shaieseronne oni tsi ȣentatenion oni ȣasontatenion.

²⁷ Nok sane nonatsia ȣakateronten oni onteiaron, iah oh nahoten tehotokatahon oh nahaȣenne.

²⁸ Aseken aonha nʼonȣentsia taionni ohonte kahen-te, eh iseȣe nʼorata nok oratakon eh tontenatsionni.

²⁹ Nok nonen Sakanorari taionsaroroke ȣaenatsi-iake aseken onen ki ioiohe naieienthoko.

³⁰ Sekon are ratonhakȣe: oh nahoten taonteteȣa-tenientenste, ok ne enʼsʼ taeteȣariȣakentonkȣate no Niio raonakerasera?

³¹ Akȣa neh sateiot naieientho otsinekȣar nikanen-hoten ionthontoseratha, nehonte tiaonhaha kennika-nenhaa tsinikon ne kanensonha ieienthota.

³² Nok tanon nonen kaienthon ȣakanio onteiaron akȣekon oni ionsaiakokȣeni tsinikon ne ieionthosʼ, nok tsi nnteionenroȣanen tsi ȣationenronten, akȣa iah othenon teken eh ȣakontsinakonni notsiten …konha.

³³ Eh nithatastskȣe tsi tesakoriȣakentonkȣennis oni tsi sakorionniennis tsiniiore nahotinikonraren-tano no Niio raoriȣasonha.

³⁴ Akȣa neok no tehariȣakentonkȣakȣe, nok ona-kenke tentesakoriȣatheton ne raotiokȣa.

³⁵ Nok nonen sontennisorokten, Sahenron: teteȣa-iaiak.

³⁶ Ok kati oh iekanenraien, iathatiiaiake toka nikaonȣake ronȣatinonteratie.

³⁷ Nok tsi natkaȣeratase kenok nontakariȣestste ok naha akȣa ȣatnokitahas.

³⁸ Nok sane no Iesos ohenton iehenteron atkonse-rane rakonhen akȣa ok skennen tihotas; ȣahonȣaioto, ȣahonniron: Saianer! iah kenh ne konh othenon tesa-nontonnion ok oni ken tiiaȣeronhatiehak ne kentho enteȣaȣentane?

³⁹ Sahaie, nok ȣahatteten noȣeron, Sahenron: Tastotek, tatosatotat oni, nok tonsakaȣeriiake ionȣe-senhonȣe ok tiskanekaien.

⁴⁰ Ethone ȣasakaȣenhase: oh niiotieren tsi eh niiore tsi seȣateronni? Areko kennekenh totiseȣe-takȣen?

⁴¹ Akȣekon ok ronateronhientenni nok ronton-hakȣo: oh nah onte akȣa nakaiatoten akȣekon noȣe-rononi tsi kaniatare ronȣaȣennarakȣa.