St. Mark 3 - Neh Nase Tsi Shokȣatakȣen 1880 (4 Gospels by Joseph Onasakenrat)

Asen-haton nateioteriȣasonterakȣen tsinikaiaton Rti. Mark.

¹ Sekon are ionsahataȣeiate tsi ionterennaienta-kȣa, Saiatat eh raiatare no skati roiatakenheion.

² Akȣekon ok iakoterharaton toh shiken nenha-iere, neh ahonȣariȣarhost nahonsahotsiente nʼAȣenta-tokontike.

³ Nok ne Iesos, ȣahaȣenhase ne roiatakenheion: Kanonsihen testann,

⁴ Ethone ȣasakaȣenhase Sahenron: ahonton ken naontaieriȣaierite nʼAȣontatokentike, okneʼs naon-saionteriȣateȣate? Aonsaiontatonnhete nonkȣe okneʼsʼ naiontateriio? iah othenon tethonatati.

⁵ Ateriatikhonserakon ȣasakotkatoseron, ok ikene ȣahonikonkararen tsini honeriasaniron. Ȣahaȣen-hase kati no ronkȣe: sanentsakȣarisi, ȣahanentsa-kȣarisi nok oksaok eh nonsaioianerenne tsiniiot no skati.

⁶ Oksaok sahatiiakenne ne Pharisian nok iasako-tinikonrisako ne Erodianronon kah nahontahatiierate naonton ahonȣaiena.

⁷ Nok tanon sabatotarho ne Iesos, nok kaniatarakta niiahare ȣahonne ne raotiokȣa; iotiokȣatsanit ȣalionȣasere, noneh Galile. Judé, Jerusalem, Idume akȣekon oni nisinonkati ne Jonrdan tiakotention-kȣen.

⁸ Sahatiriȣaronkanion ne Tyr-ronon oni ne Sidon-ronon tsini ioriȣanorakȣatenion tsini haierhakȣe ne Iesos kentiokoȣanen oni neneh ȣahonȣaiatorenno.

⁹ Nese ȣaonni ȣasakaȣenhase ne raotiokȣa: kaȣe-iennentaonhak ne kaonȣeia toka tenȣatonȣontsioȣo, sotsi ȣahi kentiokoȣanen, onȣa toka tenhionkhiia-torarako.

¹⁰ Aseken onen sikentiokoȣanen sisesakotsienton, ne kati ȣahonni tsiki niiakon ne iakonnrare tsi ok nakannroten ok kentitiaȣenskȣe ionskaneks neok oni ne iaiakoiatosere no raonhake.

¹¹ Nok nonatkonseraksen tsiokʼsʼenʼsʼ niiore iahon-ȣaken tare ronȣasennaienskȣe; kontonhakȣe: Ise ne Niio Iaienha.

¹² Nok tanon sakennhesehakȣe nakontrori tsi raonha.

¹³ Onontoharako niiahare, nok ȣatesakoiataiestasi ne ȣahonne.

¹⁴ Nok ȣasakoiatarako tekeni iaȣenre nihati naha-tikȣekonhatiesoke neh oni nʼiensakotori enhonteriȣa-notonra.

¹⁵ Asakokȣéniatserononi naonsasakotitsiente nʼia-kononȣaktanonni, oni naonsasakotiiatinekenȣe nʼo-natkonseraksen onkȣe iakonatienni.

¹⁶ Kenhnihotisennotens ne tekeni iaȣenre nihati: Simon noneh Tier Shonatonkȣen.

¹⁷ Sak Zebedé roienha tanon ne rokenha San nehne Boarneges ronatonkȣen, ȣatenientenstakȣen, Raȣeras Roienha.

¹⁸ Andre tanon Philippe, Bartelemi, Ȣatio, Atonȣa, Sak Alphé roienha; Tadde tanon Simon Kananeen-ronon.

¹⁹ Tanon Sitas Iskariot, neneh Iesos rotenninon.

²⁰ Iotiokȣatsanit are saieserenne nonen sonsahon-taȣeiate, akȣekon iah tehotinaktotaskȣe ne tahonsts-kaon.

²¹ Siiahatiriȣaronke ne raoȣatsire ȣathotisterihen saonȣaiatisakha aseken iontonnionskȣe, tehanonȣara-ȣenrie.

²² Nok ne ratiiatons Jerusalem thotiientakon rontonhakȣe are neneh: rotkonseraien ne Beelzebul, nok neh aosennakon tsi sesakotekȣata nʼonatkonse-raksens.

²³ Nok tanon ne Iesos iasakohnonke nok Sahenron tsi ȣatesakoriȣakentonkȣen; oh naiaȣenne nʼotkon-seraksen astste iaonsahoiatonti notkonseraksen?

²⁴ Aseken toka iah skanikonra tehken tsi kana-keraseraien iah ki taonton akanakeraserateke.

²⁵ Nok oni ne skaȣatsira tekariȣatironte iah ki takaȣatsirateke.

²⁶ Toka kati nonȣa ratateriȣaiahaki nʼotkonsera-ksen, nok tehoriȣatironte iah ki Sotsi ihnon thiiare, akȣa tanon iosnoratie enhaton.

²⁷ Iah onka taiekȣeni ahonȣanonskari ne rosas-tenseraien, ne iah ohenton tahontahonȣanerenkhe.

²⁸ Oriȣiio tsi kȣarori, tsi akȣekon enshonikonrhon ne Niio ne kariȣaneraaksera, oni tsinikon aiakori-ȣaiesatakȣen ne kaȣennaksens.

²⁹ Nok tanon onkakiok enhosennaiesaton ne Rotkon Ronikonratokenti iah nonȣenton tiiaonsaha-tiatokeȣe: ok eken tanon enhorane niatekakonte ahatetsiratakȣe.

³⁰ Neh ȣaonni eh nahaiere tsi Sahatati ne Iesos no tsi rontonhakȣe rotkonseraien notkonseraksen.

³¹ Onen eh ȣaonneȣe ne rontateken okonha oni ne ronistenha, astste tontahatitane, iahonteriȣaniete iaonȣennonke, aseken sotsi kentiokoȣanon tohonȣanen ronnihne.

³² Ȣahonȣarori, ȣahiron; kenh tonnete astste ne sanistenha oni seȣatatekenhokonha iesaiatisaks.

³³ Tontahenron: Onka nakenistenha oni no teka-tennontere.

³⁴ Ȣathatkatonnionȣe tsi ietaraien nok Sahenron: Kenh ȣahi kaien nakenistenha oni nʼonkȣatatokenha.

³⁵ Aseken onka kiok enhonȣanikonraierite ne Niio, neh onkiatatekenha oni akenistenha enȣaton.