St. Mark 2 - Neh Nase Tsi Shokȣatakȣen 1880 (4 Gospels by Joseph Onasakenrat)

Tekenihaton Teioteriȣasonterakȣen Tsini hoiaton ne Roiatatokenti Mark.

¹ Tokara nonta ohnakenke eh saraȣe Kafarnaimke, tsiniiore iahakotokense tsi nonȣe nihotaȣeiaton.

² Iotiokȣatsanit ȣahonteroroke, ȣationonsaȣenren, sekon oni nʼaste aheren natekakennia, nok neh sako-rorihakȣo nʼoȣenna.

³ Kaieri nihati eli ȣahonneȣe, roiatakenheion tehonȣaskȣenhaȣi.

⁴ Nok tanon tsi iah othenon Iaonton nʼakta ahon-nete tsi nateiaontaniron onkȣe, ȣahatinonsoroksi nok eh nonkȣati tahatinaktente tsi raiationni ne roiatakenheion.

⁵ Sahonikonraientane ne Iesos tsi tokensko koȣa-nen ne thonetakȣen, ȣahaȣenhase ne roiatakenheion: kien sonterakeȣe ne sariȣaneraaksera.

⁶ Oksaok tahonniron ne rahotinikonrakon tsinihati eh ratiiatare ne ratiiatons.

⁷ Oriȣiio tsi ioriȣatsanit tsi nahoten raton? Onka nakoren iakokȣeniatseraien naonsamntaterakeȣase tsi iakoriȣaneren, neok ȣahi ne Niio?

⁸ Ok shihoteriontaratsihon ne Iesos tsini hotini-konraȣens, ȣasakaȣenhase: nahoten seȣaton ne soȣe-riane?

⁹ Kahnikaien senha ȣatiosen: nahiienhase ne konh roiatakenheion, sonterakeȣe no sariȣaneraak-sera, ok neneh akiron: testann, tesek ne sanakta nok Sasatenti.

¹⁰ Neki ok oni naeseȣariȣaienterihake tsi rokȣe-niatseraien nʼOnkȣe Roienha onȣentsiake aonsaha-rakeȣe no kariȣaneren; ȣahaȣenhase ne roiataken-heion.

¹¹ Ȣakonrori: satkestsko, tesek ne sanakta, nok sasatenti tsi tisanonsote.

¹² Nok tontahatane ȣatrakȣe ne rahonakta, kanen-rakonson eh sahatohestste. Akȣekon ok ȣahakone-rakȣenhaton nok ȣathonȣanonȣeronnon ne Niio, ion tonnionskȣe; iah nonȣenton teionkȣaikaton neh ni-karihoten.

¹³ Nok ne Iesos tontahaiakenno kaniatarakta ni-ionsare, akȣekon ok ronȣaiatorenskȣe, nok neraonha Sakorionnienniskȣe.

¹⁴ Tsiniiohaes eh ȣahoken Levi Alphe roienha, tsi iekarotasiata eh rentskȣahere, ȣahaȣenhase; Tak-nonteratie. Tontahatane ne Levi nok ȣahosere.

¹⁵ Nok nonen siialmnneȣe tsi thononsote ne Levi eh ȣathonstskaon, ronentiokoȣanen no ratikarota-sions tanon nʼionkȣetaksenskȣeokonha ȣathontonte ne Iesos oni ne raotiokȣa.

¹⁶ Shahontkatho ne ratiiatons oni ne Pharisian, tsi ohseronni tehonastskaon no ratiiatons oni nʼion-kȣetaksenskȣo okonha; ȣahonȣennenhaso ne raotio-kȣa: ohniiotieren tsi tohontonsts no ionkȣetakson?

¹⁷ Ȣasakoriȣaronkaso ne Iesos, nok tasakaȣenhase; iah ȣahi tatehonȣatonȣentsioni ne ratetsiensts ne skennen tiiakonnhe, neh ȣahi naha ne iakohnonȣak-tani: iah kati oni nii neh tesekheiahaharatane ne tiakoriȣaieri tsi nonkati ne tkariȣaieri neh tanon nʼiakoriȣaneraakskon.

¹⁸ Onen nonȣa neh sahonȣaiatorenne ne ʼSaȣatis raotiokȣa tanon neneh Pharisian, ratiriȣakohe ohni-iotieren tsi ronentontietha; ȣahonnironkati: oh neneh niiotieren, ne Saȣatis raotiokȣa, oni no Pharisian ronentontietha, nok ne sentiokȣa iah neneh tehonen-tontietha?

¹⁹ Tontahenron ne Iesos: enȣaton ken enhonen-tontiete tsinihati sakohonkaraȣi ne roniakon? iah ȣahi tahonton ahonentontiete tsinikariȣes ȣatenniote, ratikȣekon oni ne roniakon.

²⁰ Nok tanon ienȣatenniseriheȣe nʼienhonȣaiaten-haȣe ne roniakon, ethone tanon onen enhonenton-tiete.

²¹ Neh oni sateiot tsi iah okenhaso tetsienikhon-kȣa nʼonen iokȣenniakaionhon, aseken enhionehare, nok senha entsiosonhioȣanen tsi tenskarine.

²² Neh oni sekon shakat tsi iah katsotakaionne teiehnekarha notsitsiase; aseken tenȣatetsotanekare nok onkaiesha; katsetasetsihko tanon ienekarha nʼonekase.

²³ Tiotokentkoȣa Aȣentatokentike ȣathatihotiiake onatsia kaienthon, ȣahatirataniiontonko kati ne raotiokȣa.

²⁴ Nensok are tahonniron no Pharisian: Satka-tho! iah konh naha teȣatiaȣenre neh naieiere nʼAȣen-tatokentike?

²⁵ Tontasakoȣennaȣeron ȣahenron: iah kenh non-ȣenton teseȣaȣennanoto tsi nihoieren no David saho-toktase oni sahatonkariake, rahonha oni ne ronne-hne?

²⁶ Toh nahaiere siiahataȣeiate Niio raononskon, Abiatar sihatsihenstatsi, iah kenh tehonatarakon, iah oni ken tesakohnataranonten no ronnehne no kana-taranoron ne oni neok ne ratitsihenstatsi ȣatonskȣe nahonneke.

²⁷ Sekon tontasakaȣenhase, Sahenron: Ronȣenni-serisenhonni ne ronkȣe niaȣentatokenton, iah tanon ronkȣe tehotatsonhenni.

²⁸ Neh kati ȣaonni nʼOnkȣe Roienha raiatakȣe-niio tsi iaȣentatokenton.