St. Mark 10 - Neh Nase Tsi Shokȣatakȣen 1880 (4 Gospels by Joseph Onasakenrat)

Oieri, aton teioteriȣasonterakȣen tsini Roiaton Roiatatokenti Mark.

¹ ONEN are ehren sarete neh nonȣe, iaharaȣe tsi teȣatonȣentsiaken ne Jude ihsi nakaihionhati ne Jourdan, kentiokoȣanen are ȣahonȣaiatatsenri eh oni ȣaonteroroke tsi ihres, Sakorihonnienniskȣe tsini-horennhaonne.

² Eh oni nonȣe naonȣaiatorenne ne Pharisian ȣahonȣariȣanontonse kanikonrhatonke, ȣahonniron: ronȣariȣa ȣikenh ne ronkȣe naonsahatekȣate ne rone?

³ Tontasakoȣennaȣeron, sahenron: Nahoten kati hetsiseȣariȣatati ne Moïs.

⁴ Tahonniron: Moïs roriȣataton, enhaiatonseron ne tetsiontekhasiatha nok tenshiatekhasi.

⁵ Tontahenron ne Iesos: ne tsini seȣeriasaksen neh ȣaonni eh nihoieren tsi roianerenseronni.

⁶ Nok tsi tiotasaȣe noriȣakȣekon, Niio ȣasakoiaton-ni enskat roskenraketa nok enskat tsiothonȣisen.

⁷ Ne se ȣaonni ne ronkȣe enhoteȣentete ne roniha oni ronistenha nok neneh rone enhateranentakten.

⁸ Nok ne teniiase enskat ok ienssiaton, iah oni tataonsanonkȣetakehake ne teniiase akȣa tanon onska-tok enskenhake.

⁹ Tosa kati ronkȣe teshakhasi tsinahoten tehokhen ne Niio.

¹⁰ Sekon ne raotiokȣa sahonȣariȣanontonse noneh ahoriȣake nonen kanonskon sishatiteron.

¹¹ Ȣahenron: Onkakiok enshatekȣate ne rone nok ohia enshatateniakten ȣahariȣanerake naonhake.

¹² Ok neh sakat ne tsiothonȣisen toka enhoteȣen-tete ne rone, nok oia entsioniake, ȣakariȣanerako kanakȣa.

¹³ Onen are eh ȣakanenraserenne, eksaokonha ion-tatiatenhaȣinontie neh nasakonisnonsaerhase; nok ne raotiokȣa ȣasakotinnhese nakta naontaiontatialen-haȣe.

¹⁴ Ȣahoriȣaksase ne Iesos tsi ȣahatkatto, nok ȣasa-kaȣenhaso: Tosa ietsiiotasts nekentho naontaien nʼek-saokonha: Aseken ne Niio raonakerasera neh ako-ȣenk ne tsiontatieren.

¹⁵ Nok oriȣiio tsi kȣaroris: Onka iah tenhationa-ȣastane tsiniiot ne raksaa ne Niio raonakerasera, iah tiiahalaȣeiate.

¹⁶ Ethone kati onen ȣasakokitarho, ȣasakoiatate-riste, oni ȣatesakonisnonsaerhase.

¹⁷ Nok akȣa neok sishoiakenhonhatie Saiatat eh nontahatakhe ȣathotonstsothase oni ȣahoneken, ȣahenron: Saianer ise ne tisariȣaieri: Oh nakiere ne karonhiake akatsennonni?

¹⁸ Tontahenron no Iesos: Onontieren tsi saton ti sariȣaieri? iah Onka nakoren neok ne Niio thori-ȣaieri.

¹⁹ Tsienteri ȣahi tsini ȣatenienten: tosa seriȣa-nerak kanakȣa; tosa sherio; tosa senensko; tosa sheia-noȣenten; tosa onka shekaronni; shekonnienst ne iesaienha.

²⁰ Tontahenron: Saianor! ok teȣakeriȣenhaȣiton neh nikarihoten tsinahe tonkateiarontie.

²¹ Nok ne Iesos ostonha ȣahotkaroten ȣahonon-ȣene nok ȣahaȣenhase: Tsioriȣat ki tisatoktani: ȣas satenninon tsini saien, nok sheion ne iakotent ethone entisatsokoȣatseraientane no Karonhiake: tontase, taknonteratie ensakete ne saiasa.

²² Oriȣiio tsi ȣahonikonraksen tsini kaȣennoten ȣaharonke, aseken eso roientakȣe natsokoȣatsera.

²³ Ethone ne Iesos ȣaihatkatonnion, ȣasakaȣenhase ne raotiokȣa: Oriȣiio onȣe ki onte oni ne iako-isokoȣa tsi serenkeneha tiiontaȣeiatane ne Niio raonakeraserakon.

²⁴ Ȣahotinekheren ne raotiokȣa tsini kaȣennoten tahatati; Sekon tontahaȣenninekenne ne Iesos, ȣahenron: Kȣaienhokonha oriȣiio tsi ȣenlore natsokoȣa-tsera konȣaniahesen naiontaȣeiate tsi thonakeraseraien ne Niio!

²⁵ Senha ȣatiesen ne Oniakȣaer taontohestste tsi teȣaontakaronte ne teȣatsinotaronkotha tsiniiot ne rotsokoȣa ahataȣeiale Karonhiake.

²⁶ Onen senha ȣahotinikonrinekenne, nok tehon-tateriȣanontonniskȣe: Onka kati nekenh karonhiake enhiente?

²⁷ Nok tanon ne Iesos ȣasakotkatoseron, nok ȣasa-kaȣenhase; akȣa neneh iah teȣatonsere tsinonkȣati nonkȣe, iah ki tanon tsinonkati ne Niio, aseken akȣekon niiehakȣenies ne Niio.

²⁸ Ethone ne Tier tahatati ȣahenron: nok nii nori-ȣakȣekon ionkȣatennikonranentatsion nok kȣanonte-raties.

²⁹ Iesos tontahoȣennaȣeron, ȣahenron: Oriȣiio tsi ȣakonrori tsi iah teȣatetsenrionhe nonka iakoto-ȣenteton, kanonsa, iatatekenha, iatennosenha, roniha, toka ronistenha, tokas oni rone, ok ne ne Sakoienha, oni onȣentsia nii akeriȣake oni ne Kariȣiio.

³⁰ Ne iah tentsieienasere kentho tsi ȣenniserate oni tenȣatiaseren ne teȣenniaȣe, kanonsa, atateken-sera, atennosensera kanistenseta ontatienhokon, oni onȣentsia, oni kanikonraksens erakon; nok nonakenke, iaonsaiakonnheke onȣe.

³¹ Kentiokoȣanen tanon ne iehente ohnaken en-tsionton; nok nʼonaken ihhien neh entsiehente.

³² Neh ronathahitake ne Jerusalem niieiothahinon, ohenton ihre ne Iesos; ronateronhientenni, kateron-hontserakon oni tsi ronȣanontoratie; netsi sakoiatati-skȣatonne no tekeni iaȣonre nihati nok oriȣakȣekon saborori tsini hoiataȣensero.

³³ Raton: Kehiken Jerusalem ȣeteȣe; onen non-kȣe Roienha enhonȣatienaȣaste ne ratitsihenstakȣe-niios oni no ratiiatons; nok enhonȣariȣente arenheie, nok enhonȣanateȣentetase ne ronnonkȣotaksen.

³⁴ Tenhonȣaieron, enhonȣasokȣaȣesson, enhonȣa-nistskeroseraȣe; ienhonȣario; nok ki tanon enshatonnhete nasenhaton nenȣata.

³⁵ Ethone ne Sak tanon San Zebedé Sakoienho-konha, ȣaonȣaȣennarane, ȣaniron: Saianer! askeni-ȣennarakȣe tsi nahoten akeniriȣanontonse.

³⁶ Tontahenron: nahoten tetsiatonȣents oni?

³⁷ Tontaniron: askenon nonen Saiatanerakȣatse-rakon Saiatat tsi seȣeientetakon ahenstskȣarako nok ne saiatat sesenekȣati.

³⁸ Tontahenron ne Iesos: iah tetsiaterientare tsi nahoten seniriȣanontons. Ensenikȣeni kenh nens-katne aeteȣanekira? oni akatenekȣaestak ahetsiate-nekȣahestakȣe?

³⁹ Tontaniron: enhiakenikȣeni, Nok ne Iesos ton-tahenron: etho neneh tokenske enseninekira naketse-takon, oni entsiatenekȣaheste tsiniiot tsi enkatene-kȣaheste:

⁴⁰ Kenh ki kaien ne tsi keȣeientetakon ok neʼsʼ ne skenekȣati aionnistskȣaren, iah neneh ii takheion; nese ok neneh enhiontaton nonka enhiontatatkȣata-kȣenni.

⁴¹ Ȣahotiriȣaksase noieri nihati tsinahoten ȣaniron ne Sak tanon ne San.

⁴² Nok tanon ne Iesos ionsasakononke, ȣahenron: Seȣaterientare ȣahi tsini hatiierha nonkȣeokon sako-naststeriston, oni ne ratisennason iesesakotiȣenniio.

⁴³ Tosa kati nise eh niiotonhak ne seȣanenrakon: ok eken seȣatatennhatseronnien nirere aionkkoȣanen.

⁴⁴ Onka tsinitsion onrerneke rariȣakȣoniiok, ok akȣekon tiioiakonnhatsera enkenhake.

⁴⁵ Eh se oni ȣahi niiot nonkȣe Roienha iah neh tehanionte nahonȣakonnionsto, neh tanon nasakokon-nienste, nok eso tenhakonhentakȣe tsi enrenheie tsi-nonkȣati nonkȣetakȣekon.

⁴⁶ Siiahonneȣe Jeriko, onen oni sishontentionhe ne Jeriko nonȣe ronne ne raotiokȣa oni kentioko-ȣanon, saiatat teharonȣekon Bartimé ronȣaiasts, kenton naiahiron, Tirne roienha, ohahakta renstskȣahere tehatsariteskȣe.

⁴⁷ Sahonikonraientane tsi Iesos Nazaretronon ro-tohetstonhatie, ȣathohenrete, Sahenron: Iesos David iaienha! askitenre.

⁴⁸ Kentiokoȣanen ȣahonȣariȣasten oni ronȣaroris ne tatahatotate; ok eken senha tontahakȣisron tsi tonsahohenrete: David iaienha! askitenre.

⁴⁹ Ȣathatane ne Iesos, nok Sahenron karo nitre, iaonȣennonke kati ne teharonȣekon ȣahiron: Tiakari-ȣakenniate ȣesaiatateri taiennonke oksa kati testann.

⁵⁰ Ok eh tahatsiakȣarisi ne tehateȣeiarakȣa, tonta-hatane, oh iaharaȣe tsi itrate ne Iesos.

⁵¹ Nok ne Iesos tahatati Sahenron: nahoten sas-kaneks nakonhiatierase? Tahenron no toharonȣekon: Saianer! Akken.

⁵² Nok ne Iesos ȣahenron: eh niiaȣen neh sehsa-tsiente tsi tisetakon.

⁵³ Oksaok sahaken, nok ȣahononteratie Iesos tsiniaharo.