St. Mark 1 - Neh Nase Tsi Shokȣatakȣen 1880 (4 Gospels by Joseph Onasakenrat)

Tiotasaȣakȣen tsini Roiaton nʼOriȣatokenti ne Roiatatokenti Mark.

¹ Tsiniiot tsi tiotasaȣo no Iesos Keristos Niio Roienha Raiatatake.

² Nonen ne Rotitokensehakȣe: iahiiatori ne rake-riȣenhaȣe, raonha enhiahaaseronnien.

³ Kenh nibaȣennoten ne Karhakonson raȣennota-ties; raton; Seȣahaaseronni ne Raȣenniio rahohaa, tsionniarakȣenhaton tsi rothato.

⁴ Karhakon sakohnekȣaheslakȣe no Saȣatis, nok Sakoretsiaronskȣe naonsaiontatieȣato oni aonsaiako-terakeȣase ne Kariȣaneren.

⁵ Akȣekon ne Judée tienakere oni ne Jerusalem-ronon ronȣaiatorenskȣe: Nok ne raonha akȣekon tasakohnekȣahestonhatie Kaihionhakon ne Jourdain

⁶ Kenh nihokȣenniotenne ne Saȣatis; Oniakȣaer ononȣerhon rotseronniatonne nok ohna rotiatann-henne, tsistarare tanon otsinakontakȣano otsikheta rahotennatsera kenhne.

⁷ Ratonhakȣe tsi sakoiatiskȣe: iah teȣakorihonto nʼahiiennikatsienanerensi tsini haiatanoron ne tenhia-tiatasonterako.

⁸ Onekanos nii kierata tsi kȣanekȣahesta; nok tanon ne raonha, Rotkon Ronikonratokenton entsi-seȣanekȣahestakȣo.

⁹ Akȣa taiotokentane ethone nʼaraȣe no Iesos, Nazaretke tahaientakȣe, nok kaihionhakon oni nehne ȣahatenekȣaheste.

¹⁰ Nok akȣa neok sonsahateskoko, iahatkato ne Saȣatis tontonteronhiakhasi nok eh tahaiakenne ne Rotkon-Ronikonratokenti, Orite kenraken rotiaton-takȣenhatie tsi ȣahotienhase ne Iesos.

¹¹ Ehoni takaȣenninekenne, ȣakenron: ise kon-hienha akȣekon ishaȣe nakenonȣesera.

¹² Nok oksaok karhakon iahotori nʼOnikonra.

¹³ Kaieri niȣasontasen nikariȣes kontirio rohna-riskonhonhaties, nok ronȣaiatanonstatonhaties ne rahoronhiakeronon okon, eh oni nahe ȣateniontense-ronnes nʼotkon nahoni konrotako.

¹⁴ Onen sihonȣannhoton ne Saȣatis, Kalilene son-saraȣe no Iesos Sakorihonniennihatie ne Niio rahona-kerasera.

¹⁵ Ratonne: Onen ieiotenniserihe, akta oni onen ihȣe ne Niio rahonakerasera: saseȣatatroȣat, nok taseȣetak no Kariȣiio.

¹⁶ Onen kaniataraktatie sire no Iesos, Sasakoken iatatekenhaa, Simon tanon Antré iataharos, aseken nitsiakȣaskȣe.

¹⁷ Ȣasakaȣenhaso ne Iesos: takehninonteratiesek nok ii enkenirihonnien Onkȣe hentsetsiiataharosseke.

¹⁸ Ok eh taiatsiakȣarisi ne rahonahahre nok ȣahon-ȣasero.

¹⁹ Iah sotsi ihnon tiipshaȣenon, eh are ionsasakoken iatatekenhaa, Sak tanon San nene Zebedé Sakoionho-konha, kaonȣakon niiatit iataharaseronni.

²⁰ Iasakohnonke oni neneh: Ok oni neneh eh-taonȣatsiakȣarisi no ronȣaniha oni ne kannhatsera nok ȣahonȣasere.

²¹ Kafarnaim iahontenatorenne; tsi ȣahorhenno iaȣentatokenton, Ononsatokentike iahataȣeiate nok ȣasakori hon nion.

²² Aksekon ok iakohnerakȣenhatonskȣe tsinihat-tokhakoȣa, aseken iah eh tohaierhakȣe tsi Sakotatis tsinihatiierha no Ratiiatons, neh tanon raierathakȣe tsini hokȣeniatseroten.

²³ Saiatat eh raiatare notkonseraksen rotienni, tontahohenrete.

²⁴ Sahenron: Ah! Iesos Nasaretronon toh nate-tiattihen? neh kenh taseniente naskȣatonte? ȣakate-rientase onka niso: Ise ne Niio Iaienha.

²⁵ Nok tanon ne Iesos tahoteȣennakȣisronhase, ȣahaȣenhase: tastotek, satsiakenn oni tsinoiiȣe nisi-teron.

²⁶ Neso ȣaonni ȣaharonhiaken oni ȣathohenrete tsi sakaiakenne no rotiennine Otkonseraksen.

²⁷ Akȣekon ok iakohnerakȣaskȣe, iontonnionskȣe: oh nahaiatotenkoȣa ne kenh ronkȣe? ok tisakoȣenniio nonatkonseraksen, ronȣaȣennarakȣa oni.

²⁸ Neso ȣaonni ȣahasennoȣannha ne Kalilero-nonke.

²⁹ Nok nonen sonsakaiakenne. Sak tanon San ȣaonne eli Sahonnete tsi thotinonsote ne Simon tanon nʼAntre.

³⁰ Ethone niiotonkȣarhoskȣe ne Simon ronȣenn-honsa, kanaktake kaiationni; neh niare taontierente ȣatkonȣarensaronnion.

³¹ Ethone akta niiahare, ȣahanontsa nok ȣahakes-tsko, iokontatie Sakenton-kȣanoste; nok saioiohten.

³² Okarahane nonkȣati, onen siiateiotsothon eh ȣaontatiataroroke nʼiakononȣaktanionni niatekannrotenson,

³³ Iotiokȣatsanit tsi kannhokaronte iakoteroronne.

³⁴ Eso oni eh sasakotsiente niatekannrotenson iakononȣaktanitakȣe; nok sasakoiatinekenseron oni notkonseraksen iakonatiennine, nok sakotinhesehakȣe nonatkonseraksen nakontrori tsi ronȣaionteri.

³⁵ Nok, sekon ok tetiokaras ȣahatkestsko, tsinonȣe shatitken niiahare eh iahaterennaien.

³⁶ Nok ne Simon, oni ne rontenrotiene ȣathonȣa-karenhaȣe, nok ȣahonȣasere.

³⁷ Nok nonen Siiahonȣaiatorenne, ȣahonniron: akȣekon ok ise iesaiatisaks.

³⁸ Tontahenron: hennioh neh noiah tetkanataien niieheteȣe iakeiatati oni neneh; aseken neh teȣake-nienton tsi teȣakenon.

³⁹ Nese ȣaonni akȣekon niiehataȣoiatakȣe, nok sakotatiatakȣe tsi ronterennaientakȣa ne Kalile-ronon, nok sesakoiatinekenskȣe notkonseraksen iakoh-natiennine.

⁴⁰ Saiatat roststaȣis ȣahoiatorenne, ȣattotontso-thase tsi ȣahoneken, Sahenron: askȣeni nasere sit-sient.

⁴¹ Ȣathoniatasiharano no Iesos tsi ȣahotkatho, iathonisnonsaerhase, nok Sahenron; neh ikere satsie-ȣentann.

⁴² Akȣa neok iahateȣennokten ok eh tonhton tsi roststarakȣe nok sahaton.

⁴³ Ȣahotiaȣenratse nahatrori, nok sahotekȣate.

⁴⁴ Sahenron: senikonrarak tosa onka sherori; ȣas tanon shenatonnira ne ratitsihenstatsi nok asheni-konrasenniete tsi aseriȣaierite tsini hotenienten ne Moïs tsi tokensko sasaton.

⁴⁵ Nok tanon ne rahonha: ethok iahatasaȣen ȣa-thateriȣareniato oni ȣaharihoȣanate tsi nahaȣenne. Nese ȣaonni iah teseȣatonskȣe ne ȣene akenhatie tsi ratenatorenskȣe; tiotkon ok ihnon, tsi oni nonȣe sah-titken itreskȣe, sekonkiʼsʼ sane ok kenh titiaȣenskȣe ronȣaiatorenskȣe.