Matthew 9 - Neh Nase Tsi Shokȣatakȣen 1880 (4 Gospels by Joseph Onasakenrat)

Tioton-haton natoioteriȣasonterakȣen,

¹ Sahatita nok tonsahaiaiake, saraȣe tsi thotenala.

² Saiatat roiatakenheion Kanaktake raiationnitie eh ȣahonȣaiatheȣe. Tehakanere ne Iesos tsinithone-takon, ȣahaȣenhase ne roiatakenheion: Sanikonra-nironhak kien! Sonterakeȣe ne sariȣaneraaksera.

³ Nok no ratiiatons tahonniron ne rahotinikonra-kon: oriȣiio tsi rariȣaiesatha kehiken.

⁴ Rotorientaratsihon ne Iesos tsini thotinikorra-ȣens, ȣasakaȣenhase; ȣahenron: oh niiotieren tsi ȣanon tonniontseraksen seȣanontonnions.

⁵ Kah nikaien senha ȣatiesen; naiahiron: Sonte-rakeȣe ne sariȣaneraaksera; tsiniiot ne, satkestsko, nok satenti?

⁶ Neh kiok oni aeseȣatokatakȣe tsi rokȣeniatse-raien ne Niio Roienha nonȣentsiake aonsaharakeȣo nʼiakohriȣaneren; Ethone ȣahaȣenhase, satkestsko, nok ionsashaf ne sanakta, nok sasatenti.

⁷ Tontahatkestsko nok sahatenti.

⁸ Akȣekon ok ȣahakohnerakȣenhaton tsinahoten ȣaontkatho, nok ȣathonbanonȣeronnion ne Niio tsi eh nikakȣehniatseroten sakoȣi nʼonkȣe.

⁹ Sekon isiniiore niionsare ne Iesos, eh iahoken ne ronkȣe, Ȣatio ronȣaiasts, renstskȣahere are tsi raka-rotasiatha, iahatati, ȣahenron: taknonteratiesek. Tontahatenstatsi nok ȣahosore.

¹⁰ Tsinikariȣes tehotskakon ne Iesos, Ȣatio raononskon, eh iaontaȣeiate ne ratikarotasions oni nona kȣaiesentasonha, etho oni ne rononha takarane tsi ronatekȣahere no Iesos oni ne raotiokȣa nok ȣahon-tekhonni.

¹¹ Tsiniiot tsi ȣahontkatho ne Pharisien; ȣasako-tiriȣanon tonse no raotiokȣa, ronton: oh niiotieren tsi tehontonts ne etsiseȣakoȣanen, ne ratikarotasions oni ne ratinakȣaiesenhokonha?

¹² Nok tanon no Iesos rothontetsihon, ȣasakaȣen-hase: iah othenon tatohonȣatonȣentsioni ne ratetsi-ensts ne skennen tiiakonnhe, neh ȣahi tanon ne ia-kohnonȣaktani.

¹³ Ȣasene tanisa, oni ietsirori tsinahoten kenton ne kenh nikaȣennoten: atanitenron ikere, iah natate-ȣenniiotsera. Aseken iah neh tokheroriano ne tion-kȣetaieri aonsaiontatroȣato, neh tanon ne iakoriȣane-raakskon.

¹⁴ Ethone ne Saȣatis raotiokȣa ȣahonȣaiatorenno nok ȣahonniron: oh niiotieren nii oni ne Pharisian iotkate ionkȣentontietha, nok ne sentiokȣa iah teho-nentontietha?

¹⁵ Iesos tontasakoȣennaȣeron; tsinihati ronȣati-honkaraȣi tsi ȣatenniote, enȣaton kenh nahotinikonrak-sen seke tsinikariȣes ratikȣekonhaties ne rohniakon? ionȣatenniseriheȣe ki tanon ne ienhonȣaiatenhaȣe ne rohniakon, ethone onen enhonentontietahnion.

¹⁶ Neh oni sakat katke asehtsi nitiakohnanentak-takȣen nonen iokȣenniakaionhon: aseken enhione-haro ne kennanontaktakȣen tanon onen senha enhio-sonhioȣannha tsi teiorihon,

¹⁷ Iah oni katsotakaionne teiehnekarha nʼotsitsia-se, aseken tonkatsetarite nok enȣaȣerontane. Kat-setasetsikeʼsʼtanon ȣaheren notsitsiase iah nehne oh taiaȣenno.

¹⁸ Tsini kariȣes neh rohtarakȣen, rasennoȣanen eh ȣahoketoto rahohenton ne Iesos ȣahanitente ȣatha-tontsoten, ratonne: Kheienha onen tiakaȣenheion; karo ki tanon aontasete, nok sanisnonsaerhas nok en-tsionnheke.

¹⁹ Tontahatane ne Iesos, Sahne, oni ne raotiokȣa.

²⁰ Skaiatat ne tsiothonéisen onen tekeni iaȣenre niioserake siionnrakaionse, ȣahohnonterane, nok ia-kaiena tsi tetkakȣathon ne raotiataȣi.

²¹ Aseken teȣatonhakȣe naȣerientakon: neʼkokʼsʼoni ne raotiataȣitne iakiena enskieȣentanese.

²² Nok tontahatkarhateni ne Iesos, ȣathatkaneren nok ȣarenhase: tsiaken kien! nese sesatsiente tsi tisetakon. Nok oksaok sakaieȣentane.

²³ Nonen siiaharaȣe ne Iesos tsi thononsote ne rasennoȣanen, Sasakoken kentiokoȣanen rontoren-notha, otiake oni ronaterakareraston.

²⁴ Ȣasakaȣenhase: saseniiakonn: Katiken iaȣon-heion nese ok ne iotas. Nok ok taonȣaieron.

²⁵ Tsi kati akȣekon sonsahatiiakenne, ethone iaha-taȣeiate, iahanentsa, nok sontketsko.

²⁶ Ok kenh tiiakahaȣe tsi ȣateȣatoriȣaroni neh nonȣe.

²⁷ Onen shihotoheststonhatie ne Iesos, teniiase tenironȣekon ȣahonȣanonterane, tehotihenretane, iatonne: David Iaionha! takenitenr.

²⁸ Nok nʼonen siiaharaȣe kanonskon, ȣahonȣaiato-renne nok ȣasakaȣenhase, ȣahenron: tisenetakon ken tsi enkkȣeni tsinahoten seniriȣanontons niihne? ton-taniron: Oriȣiio onȣe, tokensko Saianer enskȣeni!

²⁹ Ethone kenh niiahaiere nikarake nok ȣahenron: Etho niiaȣenn tsinitisenetakon.

³⁰ Nok tonsanironȣeksi; ȣasakotiaȣenratse, ȣahen-ron: tosa onka ietsirori.

³¹ Nok tanon ne rononha, ok eh ionsaiatasaȣen, ȣathonȣarensaronnion tsini ionsane.

³² Akȣa onen sishoiakenhonhatie, eh ȣaonȣaiatheȣe iah tehatati oni Otkon rotienni.

³³ Oksaok sahatati nonen sonsakaiakenne nʼotkon, akȣekon ok ȣahakohnerakȣenhaton, ȣahahironnion: Areko nonȣenton etho tetiaȣenhon nʼIsraerrononke.

³⁴ Nok ne Pharisian ȣahonniron are nenehe: ot-konseraksen rohiehnaȣase tsi sesakotekȣatha nʼotkon-seraksen.

³⁵ Nok sane ne Iesos akȣekon nontahaȣenont…aha-tie tsi kanataienton oni iohnatakȣenraron, Sakotatis-kȣe tsi ronterennaientakȣani…kȣa, rorihoȣanatonha-tieskȣe nʼOriȣase Niio raoriȣatokentitsera, sesakot-sientanionskȣe oni niakohnonȣaktanionniskȣe tsi ienakerenion.

³⁶ Ȣasakotenre, nonen sahonikonraientane tsiniiot tsi ratinakere, ok tiiatehonarenihon aniosiken toioti-nakarontonha iah teiotiien no ranonhne.

³⁷ Ȣasakaȣenhase ne raotiokȣa: Oriȣiio tsi kaeto-ȣanen nok kenhnihatiha ne rotiiote.

³⁸ Hetsiseȣennitentas kati ne Rahetakȣeniio ahon-tasakotori kannhatesra tsi rohetaien.