Matthew 7 - Neh Nase Tsi Shokȣatakȣen 1880 (4 Gospels by Joseph Onasakenrat)

Tsiatak-haton nateioteriȣasonterakȣen.

¹ Tosa tesheiatoret nenserheke tosa taiesaiatorete.

² Aseken, ok eh nentsiesaierase tsinensheierase; oni tsi ontsiehsatenienthase nensheiatenienthase

³ Oh nah oni niiaȣens tsi sattokas onaonskeri ro-karisenne tsiatatekenha, iah nise tesattokas ok iate-iohnaharohare sakarisen,

⁴ Ok neʼsʼ nasiron: niare tanon tiatateken skohko sakarisen onahonskeri; nok niso nikaronta no sakari-sen.

⁵ Onkȣetaksenskȣa! neh niare sasoko nise sakarisen, ethone onsaterientisake oh nasiere aonsasoko ne tsiatatekenha rokarisen onaonskeri.

⁶ Tosa erhar ietsiiatiens noriȣatokentison, tosa oni no kȣiskȣis ietsiiatiens ne seȣanekorha; iotteront ne takonskȣaseronkȣate nok aietsiiatakari.

⁷ Soȣariȣanonton nok enhietsiion; Seȣesak nok on-seȣatsenri; seȣannhontishon nok enhietsinnhotonk-ȣase.

⁸ Aseken ronȣaȣis ne rariȣanontons; ratsienries ne resaks; ronȣannhontonkȣenni ne rannhohaiaks.

⁹ Onka nah neh nonȣa nʼonenhia ahontahaon ne roienha no kanatarok ahoriȣanontonse.

¹⁰ Nok ne kentsionk enhariȣanonton oniare onte-kenh henthaon?

¹¹ Tokat nonȣa ise ne tsionkȣetaksenhokonha eh niiore tsi Seȣakȣenion nʼioianere aontaietsiion ne ietsii-enhokonha; okkati onte akȣat niiot ne Karonhiake Tetsiseȣaniha tsi entesakaon tsiniiakon ronȣariȣanon-tonni I

¹² Tsini tesaskaneks naiesaierase ne tkariȣaieri, etho oni nise naseieras; aseken eh nikaianerenseroten eh oni nihotirihoten ne Rotitokensehakȣe.

¹³ Tatsiataȣoiat tsinonkati nikannhohaha; aseken ne Kannhohoȣanen oni teiohahakaron oneson iakoia-tenhaȣitha; Kentiokoȣanen oni noh nitiens,

¹⁴ Aseken nikannhohaha niiohaha oni ne Karonhiake iakoiatenhaȣitha; kenh oni niiakonha ne ietsenries.

¹⁵ Seȣatatenikonrarak kati, enhietsiiatorenne no rotitokensetseraksens, teiotinakarontonha onhohnati-atontakȣenhatie, nese naoskon Okȣaho oni tsini hati-nenskȣas.

¹⁶ Ratiȣeiennake kati entietsiienterestakȣe. Kanenharaniiontha kenhnaha nohiktake, Katen ȣison honionȣarake aonhianiionthake?

¹⁷ Nese ȣahi ne karontiio ȣahiio ki ne ȣaianiiontha; tsikiniiot no karontaksen ȣaiaksenki ȣaianiiontha.

¹⁸ Iah nonȣenton ȣaiaksen tiiaonhianiionten ne karontiio; tsikiniiot ne karontaksen, iah ki teȣaianii-ontha ne ȣahiio.

¹⁹ Tsinikarontake nʼiah teȣaianiiontha ne ȣahiio, enkaiakon nok otsirake enȣation.

²⁰ Ratiȣeiennake kati ok entiseȣaientereste.

²¹ Tsiniiakon ne ionkennis: Seȣenniio! Seȣenniio! iah tehontaȣeiatane ne Karonhiake; neok tanon no ronikonraieriton ne kakeniha karonhiakon thenteron.

²² Kentiokoȣanen enhionkenhase nʼothone teȣen-niserate: Seȣenniio! seȣennhor iah kenh naha ise tesasennakon tsi ionkȣatokensehakȣe? iah oni kenh ise tesasennakon totsiakhiiatekȣatanion nʼonatkonse-raksens? iah oni ken ise tesasennakon niatekon iori-ȣanerakȣatenion tsiniionkȣaieranion?

²³ Ethone tanon nii onen tentekheienhase; iah nonȣenton tetkȣaienterine ehren kati iseȣet tsi nonȣe nikiteron, ise ne seȣariȣaneraakskonkoȣa.

²⁴ Onkakiok rothonte tsinahoten katon, nok enha-teȣeienton, neh tenthiiatenientenste no ronkȣe oststenrake rotenonsonni;

²⁵ Enhiokennore, nok etho tenhiohnonke nenkana-ȣaronnionne, tenhioȣeratase oni, iah othenon taia-ȣenne aseken ioniron tsi kentskȣahere.

²⁶ Nok tanon nonȣa ne rothonte tsinahoten katon nok iah tahateȣeienton, noh tenthiiatenientenste, ne iah tehonikonra onesaronkȣake rotenonsonni.

²⁷ Nok nentiokennore, otho tenhiononko nʼoneka, tentioȣeratase oni, enkanonsienenno akȣa ihken ione-rakȣat tsi enȣatkenrenseronni.

²⁸ Akȣa ihken ionerakȣat tsi ȣahakohnorakȣenha-ton tsinihoianerenseriio nonen sasakotatiasi,

²⁹ Aseken eh ki nitiotte tsi sakotatis tsinihosast-stensera, nok iah tsinihatiierha ne ratiiatons.