Matthew 4 - Neh Nase Tsi Shokȣatakȣen 1880 (4 Gospels by Joseph Onasakenrat)

Kaierihaton nateioteriȣasonterakȣen.

¹ Onen nonȣa ne Iesos karhakon iahotori no Ka-nikonra oh nonȣo iatahonikonraseren nʼotkon.

² Nʼonen sahaȣentontiete no kaieri niȣasontasen onen ȣahatonkariake.

³ Ethone oni onen ne Sakonikonrotakȣas ȣahotera-nentakten, ȣahenron: Toka Niio Iaienha akenhake, tsiron kanatarok Haton kehiken Kanenhiakeron.

⁴ Iesos tontahoȣennaȣeron, nok ȣahenron: Kaia-ton: iah kanatarok ok tenronnhekȣen no ronkȣe, nese oni tsinithaȣenninekens ne Niio,

⁵ Ethone notkon onatatokentike niiahoiatenhaȣe, nok ononsatokenti kanonsakenhiate iahostskȣaren.

⁶ Nok ȣahaȣenhase: toka Niio Iaionha akenhake, iasatiatent; kaiatonse ȣahi: tsi entesakotori ne raoronhiakeronon ratisnonke ensistskȣaratie tosa aesasi-takȣarase nʼonenhiake.

⁷ Iesos tontahaȣenhase: Kaiaton nah oni: Tsi iah tatatsenikonraseren no Iaianer, ia Niio.

⁸ Sekon notkon tionontoȣanen niionsahoiatenhaȣe, nok Oiiȣentsiakȣekon ȣahonatonhase, oni tsiniiotieren ne tekarensaron;

⁹ Nok ȣahaȣenhase: Oriȣakȣekon …iken enkon-hion, kaȣenniioki, onȣentsiake iatasatonstsoten, ask-sennaien.

¹⁰ Nok tanon tontahenron ne Iesos: ehrenset, sat-konseraksen! Aseken kaiaton, tsi entsennaien no Roianer, ia Niio, raonha ok oni hentseȣenniiostako.

¹¹ Ethone onen notkon ȣahotkaȣe, nok ok eh ka-nenraratie ne raoronhiakeronon oni ȣahonȣanonte.

¹² Ȣahariȣaronke ne Iesos tsi ronȣannho…n ne Saȣatis, Galilé niiahare.

¹³ Ehren oni Sarete ne Nazaretne, Capernaiim niionsare eh ionsahatien, kaniatarakta kanataien, tsi tetiatonȣentsianekhonhatie no zabulontanon Nephtali.

¹⁴ Ne are nehne niakaierite tsi nihalonhakȣe no Rotokensehakȣe Esai, raton.

¹⁵ Tsi ȣatonȣentsiate no Zabulon oni no Nephtali tsi ȣahohatatie ne teioniataroien, isinonkȣati no Jourdain, nehne Galilé niah teiakoriȣiioston.

¹⁶ Tohiken asatakon iakonnhetiene, kasȣathetso-roȣanen ȣaontkatho; nehoni nakȣa tiakononkȣisenne ne kenheiatne, ȣatiakosȣalheno.

¹⁷ Ethone oni onen ne Iesos tahatasaȣen ȣahateri-ȣanoton, oni ȣahenron; Saseȣatatroȣat aseken akta ihȣe ne Niio rahonakerasera.

¹⁸ Tsi tehoteniataratasehatie ne Iesos tsi kania-tare no Galilé, etho Sasakoken iatatekenhaha nehne Simon, Tier ronȣanatonkȣen, tanon André teiatennontere, iataharoskȣe, aseken nitsiaskȣaskȣe.

¹⁹ Nok iasakaȣenhase: karo kaseno, nok ii enke-non Onkȣe entsitsiariokaȣinesheke.

²⁰ Ok otho taiatsiakȣarisi ne raonahare, ȣahonȣa-sero.

²¹ Sekon ihsi niiore niionsare ehare Sasakoken iatatekenhaha oni nehne, Sak, Zepedé roienha tanon San teiatennontere, kaonȣakon niiati, tehonti no ronȣaniha Zepedé, satikȣatakȣas ne raonahare; nok iasakononke.

²² Ok etho taiatsiakȣarisi no raotihonȣeia oni no ronȣaniha, ȣaonȣasore.

²³ Nok ne Iesos telmststekafenhatieskȣo, tsini ȣatonȣentsia no Galilé, Sakotatihaties tsi kanonsoton nʼononsatokenti, rorihotasionhaties Oriȣatokenti Karonhiakeka, nok Sesakotsiontonhaties nʼiatokann-rotenson, tsi ok naiakoiataȣenseke nʼonkȣeokon.

²⁴ Nese ȣahonni ȣahasennoȣannha rahotinakera-serakon ne Syrian; eh onikenh iontatiatheskȣe nʼiakonnraronnion, niatekannrotenson, Otkon iakona-tienni, iakaȣennitaronnis, iakoiatakenheion: nok sesakotsionthakȣe.

²⁵ Nok kentiokoȣanon tahonȣanonteratiete no Galilé, Décapolis, oni no Jerusalem, Judée, nok oni nisinonkȣati ne Jourdain.