Matthew 25 - Neh Nase Tsi Shokȣatakȣen 1880 (4 Gospels by Joseph Onasakenrat)

Teȣasen nok ȣisk Teioteriȣasonterakȣen.

¹ Neh testiatieren ne Karonhiakon tsiniiot noieri nikontiiatasetserake Kontihaserenhaȣinontie ȣathon-ȣateiatane ne Rotiniakhe.

² Ȣisk nikonti tkonnonkȣetaieri, nok ȣisk oni nikonti tiiotiteha.

³ Kehiken tiiotiteha neok iakontihaȣe ne iehasera-rakȣa iah ne kenhie.

⁴ Kenh kaien ne konttokha oksaok neneh tio-nenhienaten iehaserarakȣake.

⁵ Nok tsinikariȣes roniskȣas naraȣe, ȣaotiserenta-rane nok iahotitaȣe oni.

⁶ Neh nahoten nasonthen ontsaroko ionton: onen kenh tare ne Hetsiseȣarhare, ȣaseȣe kati iatetsiseȣa-terat.

⁷ Akȣekon kati ȣakontkestsko nok ȣakonttasera-seronni.

⁸ Ȣakonniron ne tiiotiteha: Takȣenhiehnon iah nekenh teionkȣatekse.

⁹ Nok ne konttoka tahonniron: iah taonton na-kȣenhiehnon onȣaʼsʼ enʼsʼ naha entionkȣatoktase; ȣasene seȣatatninonsera tsi tiontenninontha.

¹⁰ Tsi kati nikariȣes iatekontiiatakonte onen ȣa-raȣe; nok ne iohnatateȣeiennentaon iaonnete iahon-taȣeiate tsi ȣaienniote nok tontaiennhoton.

¹¹ Nok onaken eh skonne ne tiiotiteha, ȣakonni-ron Seȣenniio! Seȣenniio! takȣannhotonkȣas!

¹² Tontasakoȣennaȣeron Sahenron: oriȣiio tsi iah tekȣaienteni.

¹³ Seȣaterharat kati iah se ȣahi teseȣaterientare kah niȣenniserate tsi oni niioȣistahe entre nʼOnkȣe Roienha.

¹⁴ Aseken akȣa neh sateiot tsiniiot ne ronkȣo ratentionhe, iasakohnonke ne raonnhatsera, ȣasakori-honten ahatinikonraraketsinihoien.

¹⁵ Nok saiatat ȣisk nikaȣistake tahaon, saiatat tekeni, saiatat enskat: tsiki nithonttoka: nok oksaok Sahatenti.

¹⁶ Kehiken ȣisk nikaȣistake roiena, ȣahatenti, nok ȣahakarhateniale tsiniiore ȣisk niiathatentsa.

¹⁷ Etho oni neneh nahaiere ne tekeni tehoiena, tekeni oni neneh iathatentsa.

¹⁸ Kenh tanon kaien ne skaȣista roiehna, ȣaron-ȣentsiokȣate nok eh ȣahasete.

¹⁹ Kariȣestsinahe onen saraȣo ne Ronȣaianer, nok ȣasakokentseratironten.

²⁰ Eh ȣathatahno ne ȣisk nihoȣistaiena, ȣahona-tonhase ne ȣisk natehotentson Sahenron: Saianer! ȣisk nikaȣistake takatakȣenniaionni eh kati oni nikon ȣakeiaron ne saȣista.

²¹ Nok ne Roianer Sahenron: ioianere tsi seȣeien-niio; kenh sane niioriȣaha nok ki taseriȣaierite eso kati enkonrihonten: satonnharen raotonnharatsera-kon ne Saianer!

²² Onen neh eh isre ne tekaȣistake roiehna nok Sahenron: Saianer tekaȣistake takatakȣenniaionni, nok oh oni nikon ȣakeiaron.

²³ Nok ne Roianer Sahenron: tsi sennhatseriio, kenh sane niioriȣaha nok ki sariȣatoken, eso kati enkonrihonten: satonnharen raotonnharaserakon ne Saianer:

²⁴ Kenh kaien ne skaȣista roiehna, eh ȣathatane ȣahenron: Saianer! ȣakaterientare tsi niseniakastste, tsienthokȣas tsi nonȣe niah tesaienthon seroroks tsi nonȣe niah tatesareniaton.

²⁵ Ne ȣahonni onkteronne nakonȣistontiense, oken-rokon kati ȣakasetonne; kenh kati sokh…ȣi tsinikon ne saȣenk.

²⁶ Nok ne Raoianer tontahoȣennaȣeron: ȣahen-ron; kati…atseraksenskȣa, saterientarakȣe, tsi kienttokȣas tsinonȣe iah teȣakientton, keroroks oni tsinonȣe iah tateȣakareniaton.

²⁷ Teiotonȣentsiohonne kati tsi ieȣistaiontakȣa iahesaientake, nok tsi naonsonka iaonsonktakȣen akenikȣekonhatie tsinikon aioteiaronke.

²⁸ Ehtsiseȣaȣistakȣa kati, nok neh satsitsion noieri nihoȣistaien.

²⁹ Aseken skatson iakoien tsiniiakoien, enshonhion nok sekon enhoientane; kenh tanon kaien niah othenon tehoien ienkaeȣe oni tsi nihoienha enhon-ȣakȣa oni neneh.

³⁰ Astste kati iatsiseniiatonti niah othenon tekan-nhatserasta tsi nonȣe tetiokaras; eh oni nonȣe naten-hionsenthoseron, tenhionnokaraniehonheke oni.

³¹ Ne nonen tentre nʼOnkȣe Roienha enthoiata-nerakȣatonhatie, tenthonȣanitiokȣatontie oni ne raoronhiakeronon okon, nok ethone enhennistskȣaren ne raonistskȣaratseranerakȣatserakon.

³² Nok akaonȣentsiakȣekon nonkȣe raohenton enhionteroroke, nok tensakoiataiestasi, tsikiniiot ne teiotinakarontonha ranonhne, tesakokhasions notinn-hetien tanon ne Kontitsinn.

³³ Tsi raȣeientetakon ensakoiatohestsiakȣe notinn-hetien, nok ne kontitsinn sanekȣati ensakoiatohests-takȣe.

³⁴ Ethone ne Ronontiio ensakaȣenhase tsiniiakon tsi raȣeientetakon iakoiatontieton: karo kasene ise ne Kakeniha hetsiseȣaiatateriston, seȣataȣeiat tsi nonȣe niietsinaktaseronnienni sontontonȣentsiata-saȣen.

³⁵ Aseken ȣakatonkariakon, nok takȣanonten; ȣakeniatathenhon, nok takȣanekanonten; ȣakiesha-onhatieskȣe, nok takȣateȣeienton.

³⁶ Akenekon kenhne, nok takȣaseronni; ȣakenon-ȣaktanihakȣe nok takȣatkense, kennhotonkȣe nok ieskȣaiatatsenrion:

³⁷ Ethone entiahiron ne tiakoriȣaieri: Saianer! Katke nikȣaken nasatonkariakseke, nok akȣanonten; ok ne ens aesaniatathenseke nok akȣanekanonten?

³⁸ Nok katke nisaiesȣaonhatieskȣe, nok kȣateȣeien-ton ok ne ens sahnekon kenhne nok kȣaseronni?

³⁹ Katke nikȣaken aesanonȣaktaniheke, ok ne ens asennhotonke nok akȣatkenseron!

⁴⁰ Tentesakoȣennaȣeron ne Ronontiio enhenron: Oriȣiio, Oriȣiio tsi k…arori tsi niioriȣake etho niie-tsiierase nʼakȣa niieiakaha nakatatekenha iise eh niskȣaierase.

⁴¹ Ethone oni neneh ensakaȣenhase ne sanekȣati iakoiatontieton: Seȣariȣaston! ehren iseȣet nok ȣasene tsi tiotekhaonȣe, eh nonȣe nihonȣanaktaseron-nienni notkonseraksen oni ne raotiokȣa.

⁴² Asoken ȣakatonkariakon, nok iah teskȣanonten, ȣakeniatathenhon nokiah teskȣanekanonten.

⁴³ Ȣakieshaonhatieskȣe, iah teskȣateȣeienton, Akenekon kenhne nok iah teskȣaseronni; ȣakenon-ȣaktanihakȣe, kennhotonkȣe iah teskȣatkense.

⁴⁴ Ethone oni neneh tenthonȣaȣennaȣeron, en-thonniron: Saianer! katke nikȣaken, asatonkariak-seke, aesaniatathenseke, aesaieshaonhatie, sahnekon akenhake aesanonȣaktaniheke ok ne enʼsʼ asennho-tonke nok iah takȣaiatakennhaon?

⁴⁵ Tentesakoȣennaȣeron, enthenron: Oriȣiio tsi kȣarori tsi iah enskatha eh teietsiiatierase enskat ne niiakasa, iah ki oni nii eh toskȣatierase.

⁴⁶ Nok noh kehiken tsi tiakoronhiakenonȣe niien-henhien; kenh kaien ne iakoianere enhiontonnharana tsi nonȣe ne tiakonnhe onȣe no oni tsiniionhenȣe.