Matthew 23 - Neh Nase Tsi Shokȣatakȣen 1880 (4 Gospels by Joseph Onasakenrat)

Teȣasen-asen iaȣenre aton Teioteriȣasonterakȣen.

¹ Ethone ne Iesos iahatati tsinonkȣati nonkȣe okon oni ne raotiokȣa.

² Sahenron: Ratiiatons oni ne pharisian Moïs raonistskȣarane ratistskȣahere.

³ Tsikati nahoton enhietsiriȣatatse naeseȣariȣa-noronkȣe, seȣariȣanoronk eh oni naseȣaier; tosa ki tanon teietsiiateȣeiennak, aseken neok ne ronton, iah ki eh tehatiierha.

⁴ Aseken karienoȣanens, iorienakste oni ratirie-nonnis nok sakotiketasts nonkȣeokon; iah tanon ne rononha kenh tehatiierha, Sekonʼsʼ enʼsʼ oni neok nʼiataonnisnonsaren.

⁵ Akȣa oni neok, neok ronesakon ne taonȣatiren-saronste nonkȣe okon ne rahotiȣeiennake: Aseken kennoȣanens ronaninaniionton, oni ȣakoses tekafa-sontakȣen ne rahonatiataȣit.

⁶ Neok ronesakon tsinonȣe niiotkonniens tsi ȣatenniole, oni tsi ronterennaientakȣa.

⁷ Tahonȣatinonȣeratonseke nʼonkȣeokon tsi ion-kȣeno, nok almnȣatinatonkȣake nʼonkȣeokon, Sonkȣa-ȣenniio!

⁸ Tosa tanon nise aietsinatonkȣake: Sonkȣa-ȣenniio! Aseken Keristos ok raonhaa hetsiseȣarihon-nienni nok nise akȣekon tiieseȣatatekenha.

⁹ Tosa oni onka sbenatonkȣak ne kentho onȣen-tsiake iahniha: Aseken enskat ok Sanisen, nehne Karonhiake thenteron.

¹⁰ Tosa oni aietsinatonkȣak Sonkȣarionnienni, Keristos se ȣahi hotsiseȣarionnionni.

¹¹ Okeken tanon onka tsinitsion akȣa anioh rata-tonnis neh seȣatatennhatseronnion,

¹² Aseken nenhatatkonnienste enhonȣakenron nok nenhatalkenron, enhonȣakonniensto.

¹³ Nok ki tanon nise seȣententasoro ne Soȣaiatons oni Pharisian Akonȣara! iestsinnhotonse nonkȣeokon naiontaȣeiate ne Karonhiake; iah ki tanon oni nise teseȣataȣeiatane, iah oni toiotsiiaȣis niienre iakata-ȣeiat, nʼiaiontaȣeiale.

¹⁴ Seȣontentasero ise no Seȣaiatons oni pharisian Akonȣara! iestsinonskarihatons ne iakotereons neh seȣariȣakensorakȣa tsini seȣaterennaiontaktseres; ne se ȣahonni senha kareȣatatsoroȣanen enseȣatreȣa-takȣe.

¹⁵ Seȣententasere ise ne Seȣaiatons oni Pharisian Akonȣara! Aseken onȣentsiakȣekon nitiseȣetha ne taietsiriȣateni; nok nonen tenhateriȣateni tenȣatia-seren tsisenha ranesonronon enhaton tsiniiot nise.

¹⁶ Seȣententasere ise ne teieronȣekon ietsiiasarine! Seȣatons enʼsʼ: iah othenon tekariȣa nʼononsatokenti aieriȣanirastte; kenh kaien enhiakonontannhake nenhieriȣanirastste tsiniiostston noȣistanoron.

¹⁷ Teseȣanonȣaraȣenrie oni teseȣaronȣekon! Kah nah nikaien senha kanoron: oȣistanoron, ok ne neh Ononsatokenti no se ȣahi ionoronstakȣen noȣistanoron?

¹⁸ Oni Seȣatons enʼsʼ ȣahikon; onkakiok onhari-ȣaniraststo tsi Iotsienharakȣa, iah othenon teiotieren; kenh kaien kariȣa naieriȣanirastste tsinahoten kaere.

¹⁹ Teseȣanonȣaraȣenrio oni toseȣaronȣekon! Kani-kaien naha senha kanoron, tsiniiot neh kaere, ok ne neh Ietsienharakȣa kariȣanoronsta tsinahoten oh kaere?

²⁰ Neh kati nonka enhariȣaniraststo tsi Iotsien-harakȣa neh ki enhariȣaniraststo oni tsinikon noh kaere.

²¹ Nok nʼononsatokenti enhariȣaniraststo, Ononsa-tokenti ki enhariȣaniraststo, oni neh renteron.

²² Nok onkakiok tsi tkaronhiate enhariȣanirastste, Niio raonistskȣara enhariȣanirastste oni netho rensts-kȣahore.

²³ Seȣententasere ise ne Seȣaiatons oni Pharisian Akonȣara! Akȣa neneh ionerakȣat akȣekon oni niieseȣakariaks tsiniiore nʼohontesonha; nok isi ietsiseȣare nakȣa kontiriȣakȣeniios tsinonkȣati ne Kaianerenseratokenti: neh ȣahi tohiken, ateriȣakȣa-risiontsera, atanitenron, Teȣetakon, neh kehiken teioionȣentsiohonne aeseȣaststeniaronke, tosa ki-neneh sane aeseȣariontion notiake.

²⁴ Ietsiiasarine ne teieronȣekon! Seȣanonȣaken-ststa ne kenh nikatsinonȣasa, nok ieseȣatiatanekȣa-nons nʼoniakȣaer.

²⁵ Seȣententasere ise ne Seȣaiatons oni Pharisian Akonȣara! Akȣa neneh ionerakȣat nastste nonkȣati aeseȣanoharonion nakerasonha oni no katsesonha, nok tanon ne nakon titkahere, kanenskȣdi, oni kanonȣaratonsera.

²⁶ Pharisian teseȣaronȣekon! Katsetakon nonkȣati taseȣatierent Seȣanohare, tosa oni aiohrak nas-tste nonkati.

²⁷ Seȣententasere ise ne, Seȣaiatons oni Pharisian Akonȣara! Akȣa eh niseȣaiatoten tsi ieiatatarionʼsʼ-ihken kakȣatakȣen karaseston, akȣa kiʼsʼ enʼsʼ anio ioȣeienston nʼastste nonkȣatikȣen nok ki tanon no nakon titkaskenrhahere oni ostienhokonkenha non-kȣeokon.

²⁸ Akȣa kis enʼsʼ anio oni nise seȣaianere astste nʼonkȣene nok ki tanon ne nakon, seȣaiati nʼaionta-tieron oni ne kariȣaneren.

²⁹ Seȣententasere ise ne Seȣaiatons oni Pharisian Akonȣara! Aseken ietsiiatatahas ne Rotitokense, Nok tsiseȣakerakȣa tsi ratiiatatarion ne thotiriȣaie-riskȣe.

³⁰ Nok seȣatonʼsʼ enʼs; iah nonȣenton tiiaionkȣa-riȣanonȣehontsi ronȣanaȣenthon ne Rotitokense-hakȣe.

³¹ Oriȣiio kati tsi seȣaterientare tsi ise seȣasotsera no Sakonaȣenthon no Rotitokense.

³² Nok ise seȣamihnonhatie tsinikon thonatok-tani no ietsinihokon kenha.

³³ Oniare, kaȣatsiraksenskȣa! oh nenseȣaiere na-onseseȣaniakenne tsi tiotekha nʼonesson?

³⁴ Aseken naontakȣatennietase, Rotitokense, thononkȣetaieri oni ratiiatons, aietsiiaȣentho se are, aiotsiiasakestsko, aietsisokȣaȣesonnion tsi seȣa-terennaientakȣa, nok aietsisereson aietsinaskȣenha-ȣison tsi seȣanataienton.

³⁵ Naeseȣateriȣaketate tsinikon ionekiren nonȣen-tsia no kanokȣensanoron, tiotasaȣe tsi thonȣario nʼAbel, tsiniiore ne Zakari Barachi roienkenha, akta t…i ietsienharakȣa hetsiseȣario.

³⁶ Oriȣiio tsi kȣarori, akȣekon ise entsiseȣarano.

³⁷ Jerusalem, Jerusalem, ise ne Sherios ne Rotito-kense nok ietsinenhioiaks ne tekheiatories! Toh niioriȣake ȣakatenienten aonsakheiataroroke no Sheienhokonha tsiniiot ne kitkit kaneraontsokon iakoiatasetha nakoienhokonha, nok iah teseȣathonta-ton.

³⁸ Onen kati Ononsokon enȣaton tsi seȣanonsote.

³⁹ Aseken kȣarori tsi iah teseskȣakensere ohenton tsiniiore ienseȣenron: ahonȣanenton ne tare raosennakon ne Raȣenniio.