Matthew 18 - Neh Nase Tsi Shokȣatakȣen 1880 (4 Gospels by Joseph Onasakenrat)

Satekon haton iaȣenre teioteriȣasonterakȣen.

¹ Akȣa neok iononteratietane, ȣaonȣaiatorenne ne raotiokȣa, rontonne: Onka enthonȣakoȣanen nonen Karonhiake?

² Nok no Iesos, raksaa iahononke, rahotinenrihen ȣathotaste.

³ Nok Sahenron: oriȣiio tsi kȣarori, tokat iah taten-seȣatonnhatenionhe, iah oni eh tentsiseȣaiatotensere tsiniiot nʼeksaokonha iah ki taeseȣataȣeiate ne karon-hiake.

⁴ Nese ȣahonni onkakiok enhanitente tsiniiot kehi-ken raksaa, neh tohiken takoȣanen ne Karonhiake.

⁵ Nok onka kiok enhoteȣeienton neh nihateksata ii aksennakon, akȣa ii rakateȣeientons.

⁶ Kenh tanon kaien ne sakoriȣaientatennis neh niieksatotens nehne tiakaȣetakon naksennakon; senha ioianere ne kanenioȣanen aonȣanenhianiion-thase nok kaniatarake iaonȣaiatonti.

⁷ Iakotontestennire nonkȣeokon ne kariȣaientaten-nisera; etho neneh tsi tenhiontateriȣaieniatenniheke; nok ki rotentasere neronkȣe nensakoriȣaientaten.

⁸ Nene toka sasnonsa ok neʼsʼne sasita sariȣaienta-tenni, stoskar, nok ihnon iasatieseron: aseken senha ioianere, asastsinokatane, skati oni asenentsontatie iasataȣoiate ne Karonhiake, tsiniiot no tetsiaron tasa-sitontake oni tasenenstsontonke nok otsirake iaiesaia-tonti.

⁹ Tokat oni sakara sariȣaientatonni stako nok ihnon iasati, aseken senha ioianere onsti akenhatie iasata-ȣeiate karonhiahkon; tsiniiot ne tetsiaron taskara-take nok tsi tiotekhaonȣe asatetsirate.

¹⁰ Seȣanikonrarak, tosa ietsikenron ne niieksatasa, aseken ȣakȣarori: kehiken raotironhiakeronon, tiot-kon onȣe tehonȣakonsakanere ne Rakoniha karon-hiake thenteron.

¹¹ Aseken nʼonkȣo Roienha ne saskennhasere tsi nahoten ioieshaonne.

¹² Oh niiot nise tsi teseȣaiatoreta? ne ronkȣe en-skat teȣenniaȣe ronaskȣaien teiotinakarontonha, nok enskat aontiataton, iah onte kenh ok eh tasakotsia-kȣarisi, ne tmtonniȣasen tioton oni iaȣenre, nok onon-toharnkoson niiare ahaiatisakha ne iotiatatonhon?

¹³ Nok nentiotokentane enshaiatatsenri, oriȣiio tsi kȣarori tsi senha neh enhatonnharen, tsinihotonnha-here tsi tesakokanere ne tioton nikontiiatasen tioton oni inȣenre iah temnatiatatonhon.

¹⁴ Etho kati oni neneh nithonikonroten ne Etsise-ȣaniha Karonhiake thenteron, no tosa oni enskat aieiesha nekonh niiakasa.

¹⁵ Tokat tsiatatekenha enhianikonraksate, ȣas, hestsre tsiaron otasetonke, tokat enhiataonsatatse ten-setsenikonratsa ki.

¹⁶ Nok nʼiah tenhiataonsatathe, teionkȣetake sa-tonkȣetaȣentat noriȣiio akenhake, tsi nenhonathon-teke ne teniiase, ok nʼesʼnasen.

¹⁷ Tokat iah othenon oriȣa tasakaonni, kentiokȣa srori; nok nesekon iah tenhataonsatatire ne kentiokȣa, satennikonranentasi tosa oni serhek roriȣiioston kenh.

¹⁸ Akȣa oriȣiio tsi kȣarori, tsinahoten onseȣane-ronke nonȣentsiake entkaneren ne Karonhiake, oni tsinahoten enseȣanerension entkanerension ki oni no Karonhiake.

¹⁹ Ȣakȣarori oni, ioiohe ne teniiase skariȣat onh-nonni tsinikon enhniriȣanonton akȣekon entesakaon ne Kakeniha Karonhiake thenteron.

²⁰ Aseken tsinonȣe nihonatkonnison teniiase ok neʼsʼ nasen nihati, eh se kiatare.

²¹ Ethone Tier ȣahoteranentakten, nok ȣahenron: Saianer! toh niioriȣake enshinikonrhense nenhakoni-konraksate nonkiatatekenha? tsiatak onteken niiori-ȣako?

²² Tontahenron ne Iesos: iah takonrori nakiron tsiatak niioriȣake; tsi tanon nikon no tsiatak niiori-ȣako no tsiatak niȣasen.

²³ Ne ȣaonni ne testiatieren ne Karonhiake Tkana-keraseraien tsiniiot ne Ronontiio, ȣasakokontserati-ronton no raonnhatsera okon.

²⁴ Nonen Shontahatasaȣen ȣahakontseraseronni: saiatat eh ȣathonȣataste neh nʼoieri niȣenniaȣehetse-rasen Talent, rotkarotakȣe.

²⁵ Nok tsi iah othenon tehoien nahakariakte: ȣaha-tennhane naonȣatenninon, oni ne rone, nok oni ne sakoienhokonha nok neh aontkariakte tsinikon rot-karote.

²⁶ Nok no rannhatsera ȣathatontsotonnmn rasitak-ta ne Roianer ronitentase, raton: Saianer! asaterharate nok akȣekon enkonkariakse.

²⁷ Ȣahonikonkararon ne Roianer nok sahotkaȣe akȣekon oni ȣahaiatonko tsinihotkarotakȣe.

²⁸ Akȣa tanon neok tsi ionsakaiakenne ne kenh rannhatsera, eh ȣatiaterane enskat ne ronatenro ens-katne oni rotiiote, enskat toȣenniaȣe kȣenis rokaro-tani: ok sihakontatie iathohonriake ratonne: takkari-aks onen tsinikon konkarotani.

²⁹ Kenhkaion ne ronatenro rotentsihon ȣathaton-tsotonnion raton: saterharat nok onkonkariakse.

³⁰ Iah tanon othenon tehotnonsataton okeken ȣa-hatennhune ȣahonȣannhoton tsiniiore iahakarokten.

³¹ Oriȣiio onte tsi ȣahotinikonraksen no ronatiake tsiniiot tsi ȣahontkatho; eh kati saonneto nok oriȣa-kȣekon saonȣarori ne Roianer tsi nahaȣenne.

³² Oksaok no Roianer ionsahatonnhane ionsaonȣen-nonke nok ȣahaȣenhase: sennhatseraksenskȣa akȣekon nii konhiaȣi tsinikon satkarotakȣo aseken ȣaske-nekon.

³³ Iah katiken taioianerenhon natsitenron ne tsia-tenro tsiniiot tsi kontenron nii?

³⁴ Ȣahonakkȣen no Roianer, nok ratiriton ȣasako-naskon tsiniiore ienhakarokten tsini hotkarote.

³⁵ Etho oni nene nentsiseȣaierase ne Rakoniha Karonhiake thenteron, nʼiah soȣeriasakȣekon tataon-sesoȣatatenikonrhensere tsi nateseȣatatenikonrak-sata no seȣatatekenokonha.