Matthew 17 - Neh Nase Tsi Shokȣatakȣen 1880 (4 Gospels by Joseph Onasakenrat)

Tsiatakhaton iaȣenre teioteriȣasonterakȣen.

¹ Nok iaiak nonta onakonko, Iesos ȣasakoiaton-haȣe ne Tier, Sak, San iatatekenha, nok tsi tiotaseton niiasakoiatenhaȣe, Onontoharako.

² Nok rahotihenton etho ȣathatteni; eh nahakon-sotenne tsiniiot ne karakȣa, nok ne raotseronniat oh nakenrakenne tsiniiot noniete.

³ Nok etho ȣahonȣatiken, ne Moïs, Oni Elie, teho-tithare.

⁴ Ethone tahaȣonninekenne ne Tier, ȣahenron: Saianer! ioianere ne kentho aeteȣonterontake; ne kati nasathontatseke Asen naeteȣatatoseroten, enskat nise Saȣenk, enskat Moïs nok enskat nʼElie.

⁵ Sekon ok nihotaratie teiotsikerathe ȣahakorho-roke nok eh takaȣenninekenne, ȣaton: neh kehi-kenne Riienha Rinoronkȣa onȣe hetsiseȣataonsatat kati.

⁶ Tsinahoten ȣahonronko ne raotiokȣa, akȣa ehtake ȣahatiiatakerontane tsi nahonateronhienton.

⁷ Nok tanon ne Iesos eh niiahare, iasakoiatoriane-ron; raton; teseȣatann tosa oni Seȣateronn.

⁸ Nok tsi tonsahontkakȣarisi iah onka nakoren teseshakotiken raonhatsiȣa ok ne Iesos.

⁹ Nok nonen satontahonanontastsnentonhatie, ȣasakotiaȣenratse ne Iesos, ȣahenron: Tosa onka ietsirori tsi nahaȣen tsi ȣeseȣatkatho, tsiniiore iensha-tonnhete nʼOnkȣe Roienha.

¹⁰ Nok no raotiokȣa ȣalmnȣariȣanontonse ȣahon-niron: oh niiotieren tsi ronton no ratiiatons Elie tenthahente?

¹¹ Nok ne Iesos tontasakoȣennaȣeron; ȣahenron: tokensko neneh tsi Elie tenthahente, nok oriȣakȣe-kon enȣhakȣatako,

¹² Nok tanon kȣarori tsi onen rokȣathon no Elie, nok iah tehonȣaientereon, tsi tanon nithatinonȣes nilmnȣaierase, eli kati oni nene nenhoiataȣen nʼOnkȣe Roienha enhonȣaronhiakente.

¹³ Ethone ne raotiokȣa ȣalmtinikonraientane tsi Saȣatis rotonhakȣe.

¹⁴ Nok nonen sonsahonneȣe tsi kanenraien, Saiatat akta Sarete nok rahohenton ȣathatontsoten.

¹⁵ Nok Sahenron; Saianer: atsitenre ne riienha raȣennitaronnis, akȣa ihken tsi rotent, iotkate nʼotsi-rake ienhentakerane, oni naȣenke.

¹⁶ Nok iehiiataktaton tsinonkȣa ne sentiokȣa, iah tehotikȣenion naonsahonȣatsienton.

¹⁷ Ȣahenron ne Iesos tsi tontahoȣennaȣeron: Ise ne seȣatennoȣentastskon oni seȣanikonraksen? tohnekenh nenȣe entoȣakȣekonhatieseke? oni ok tenȣakeron iaȣeronhatio? kenh kinioh nontatsia-tenhaf.

¹⁸ Nok tahakȣisron ne Iesos tsi ȣahatteten notkonseraksen, oksaok sakaiakenne, oksaok oni sahaie-ȣentane.

¹⁹ Ethone ne raotiokȣa otasetonkeha, tsiȣahonȣaia-torenno oni ȣahonȣariȣanontonse, ȣahonniron: oh niiotieren tsi iah nii teionkȣakȣonion aonsaia-kȣatekȣaton.

²⁰ Tontahenron ne Iesos: ne tsi sotsi seȣatenno-ȣentastskon, Aseken oriȣiio tsi kȣarori, araohna ehnaonske tsi aonteseȣetakon tsini kanatsia notsi-nekȣar ieienthotha, aeseȣenhase kehiken iohnonte: kenh nonkȣati niare niihahase; ehse niienhenȣe; iah oni othenon taeseȣanoronseheke.

²¹ Nok tanon kehiken nikannroten, akȣa neneh aterennaient, tanon aȣentontieton ok entsioiatine-kenȣe neh niȣatkonseroten.

²² Nok sekon Galilé sitreskȣe, ȣahenron ne Iesos: ienkaeȣe nʼOnkȣe Roienha, onhonȣaiiatsiakȣarisiase nonkȣeokon.

²³ Nok enthontennhane aonȣario, nok tanon asen-haton nenȣata enshatonnhete, ȣahotinikonraksen ne raotiokȣa.

²⁴ Nok nonen Siiaonneȣe Capernaiim, Tier ȣahon-ȣariȣanontonse ne ratikarotasions; ȣahonniron: iah kenh tehakariaks ne Didrakme ne Iaianer.

²⁵ Tontahenron; enh: nok nonon Sonsahntaȣeiate ne kanonskon, tahohnenne tahorori ne Iesos; tsi ȣahenron: Oh nise niiot tsi tesiatoreta, Simon. Onka Sakotikaraiennis ne Rotinontiiosson? Sakoti-ienhokonha kenh, katen neneh teiontaȣenrie?

²⁶ Tier ȣahenron: neneh ok tiiakaonȣentsinte; tontahenron ne Iesos; iah kati othenon teiakokaraien neksaokonha?

²⁷ Nekiok oni ne tosa aiethiriȣaientaten, ȣas kaniatarake niiahare, nok iasarionti, neh nenteȣatie-rente enseskoko testskaraf etho ensetsenri enskat stater, neh iasheion ne sateionkeniriȣake.