Matthew 15 - Neh Nase Tsi Shokȣatakȣen 1880 (4 Gospels by Joseph Onasakenrat)

Ȣisk-haton iaȣenre teioteriȣasonterakȣen.

¹ Ethone ne ratiiatons oni ne pharisian Jerusalem nontaonne ȣahonȣaiatorenne Iesos, ȣahonniron:

² Ohniiotieren tsi iah tehatiriȣaierists ne sontio-kȣa tsinihotiriȣataton ne rotikstenhokonkenha Iahse ȣahi tehontsiohares nʼonen tehonstskaonne?

³ Tontasakoȣennaȣeron, ȣahenron: ise ki ȣahi oni seȣariȣaiesata tsini horiȣataton ne Niio, tsini tsiseȣa-tateriȣisahani.

⁴ Aseken raȣen ne Niio: Shekonnienst, ianiha oni ne sanistenha. Raȣen oni naha: onkakiok ensa-koiesate roniha ok nene ronistenha, ronȣario,

⁵ Nok nise seȣaton: tokat nonȣa enhokenrense-ronni ne roniha ok neʼsʼens ronistenha: tsinikon ensa-tonraseron, ise ensesatsennonniate.

⁶ Iah neok teken tsi iah tasakokonnienstane ne ronȣaienha, akȣa ki iah tahonnhiseraientane. Et kati niteȣes tsi ise seȣariȣisahatsera iorioton ne Niio Raoriȣatahton.

⁷ Akonȣara: Oriȣiio tsi thoriȣaieriton tsinitsise-ȣaiatanote ne Rotokensehakȣe Isai.

⁸ Tsi raȣen: Ratisehneʼkʼok ionksennaiens neok iaken ne iaken tsi ionkkonniensta; kenhkaien ne raoneri ih non neneh teiakȣatero.

⁹ Akȣa tanon ok seȣatieren oni kariȣaiesatonko tsi ionksennaiens; aseken neok sakorihonnienni tsini hotirihoten, tsioni nihotiriȣataton ne ronnonkȣe.

¹⁰ Ethone iasakononke nonkȣeokon, nok ȣasaka-ȣenhase: Seȣataonsatat seȣanikonraientann oni kehi-ken.

¹¹ Iah se neh tehoiatakhsatha tohokaronniatha oni no ronkȣe tsi nahoten rennekȣanons, neh tanon tsinikon tkaiakens tsi rasakaronte noh roiataksata oni rokaronniatha.

¹² Nonon neh sahenron, ȣahonȣateranentakton no raotiekȣa nok ȣahonniron, iah kenh tesattoken tsi oiah nontahonatierase ne Pharisian tsinahoten ȣasi-ron?

¹³ Nok tontahenron: tsinikon iohniote ne iah Rakoniha Karonhiake thenteron tenhoniotake, ons-kateriotsion.

¹⁴ Roneronhatie; ne ȣahi ne tehatironȣekon, toie-ronȣekon sakonasharine: tokat teharonȣekon enho-nenstaine ne teharonȣekon, tetsiaron ienniiatenne tsi teiontiakon.

¹⁵ Ethone Tier tahatati; ȣahenron: takȣariȣat-heten tsi nahoten Kenton nekenh tekariȣakentonkȣen.

¹⁶ Nok ȣahonron ne Iesos: Areko oni ken nise tese-ȣanikonraientas?

¹⁷ Iah kenh tateseȣaiatoretha tsi nikon ionnekȣa-nons tsi ieiatakon niiahonenonhatie, nok onakenke tsi tiotaseton ienskontiiakenne.

¹⁸ Kenhkaien tsinikon tkaiakens tsi iesakaronte, akaȣeriane teȣatenties, neh tohiken iakoiataksatha nʼonkȣe.

¹⁹ Aseken Akaȣeriane tkaiakens ȣahnontonnmntse-raksens; Atatahseton, Kanakȣaiesatsera, Kanenskȣen, Kanikonrhaton, ne oni nʼatatenratonnisera.

²⁰ Neh tohiken nakarihoten iakokaronniatha nʼonkȣe. Kenh kaien ne taionstskaon iah toiakotsio-hare, iah othenon teiakokaronniatha nʼonkȣe.

²¹ Ethone no Iesos ehren sarete neh nonȣe, Tyrne tanon Sidonne niiahare.

²² Skaiatat tsiothonȣisen eh ȣahokotote Kanaan-ronon nakaiatoten eh nonȣe nikanakerokȣe, ȣatiohen-rete ȣakenron: Saianer! David Iaionha! askitenre; iakotentsihon keienha otkonseraksen iakotienni.

²³ Iah othenon tethotati; nok ne raotiokȣa ȣaon-ȣatoranentakten nok ȣaonȣariȣanokon, ronton: sasa tokȣat, sotsi ȣahi teionkȣnteriontnkariatha.

²⁴ Tahenron tsi iahatati: neok se tionkȣatorieton, naonsakheiahaharate nʼIsraerhaka rotiiatatonhon.

²⁵ Nok tanon naonha senha akta niiahahe nok ȣa-honitenten; ȣaton: saianer! takiatakennha.

²⁶ Tontnhaȣennaȣeron ȣahenron: iah se tetkari-ȣaieri neksaa akonatarok taiokȣe nok erhar oȣira akonȣatinonte.

²⁷ Tontahenron, akȣa neneh tokensko Saianer! nok kisʼenʼsʼ sane nʼerhar oȣira konneks onʼsʼ tsinit-kaniserens ne sakotsenenhokon raotekkȣarane.

²⁸ Ethone ne Iesos tontahiiȣonnaȣeron, Sahenron: O, tsisathonȣisen! koȣanen tsi tisetakon; eh kati niia-ȣenn tsini saskaneks, nok oksaok sakaieȣentano nako-ienha.

²⁹ Nok sahatenti ne Iesos noh nonȣe, kaniatarakta Galilé Saraȣe; ȣahanontarahno nok onontoharako ia-hation.

³⁰ Nok niateionkȣototenson eh ȣaonȣe tsi renteron; iontatiatenhaȣinontie, ne iontsinokata, tieronȣekon, iah teiontati, iakoiatakenheion, sekon ȣeso noiasonha tsini iakoiatuȣens; rahsitakta ne Iesos ȣaontatiteron, nok sasakotsiente.

³¹ Ne kati ȣaonni nonkȣesonha iakonerakȣonha-onskȣe tsi iontkattos, tsiontati nʼiah teiontatihakȣe, ietsieiataieri nʼiakoiatakenheionne, ihtsiens nʼiah teienskȣe, tsiekens oni ne teieronȣekonne; nok ȣa-tbonȣanonȣeronnion nʼIsraerhaka Ronȣaniio.

³² Ethone no Iesos iasakononke ne raotiokȣa, nok ȣahenron; oriȣiio tsi khetenre kehiken tekanenrison: onenseȣahi neh asen nonta ȣiionkȣariskonhonhatie eh oni nahe iah othenon tekakkȣasonrionhatio; nok iah oni tekere raonentakon tsi aonsakheiatori; onȣaʼsʼenʼsʼ naha ohahakeson enhonatakenrokȣase.

³³ Nok taonniron ne raotiokȣa: kah kati naontaia-kȣahaȣe ne kenh nonȣe karhakonkoȣa niatakaieri, aiakotaten oni neh nikentiokȣa.

³⁴ Nok ne Iesos ȣasakoriȣanontonse ȣahenron: toh nikon seȣanataraien? tontahonniron: tsiatak, tanon tokara nikentsiake.

³⁵ Ethone are onen ȣasakorori nonkȣeokon no Ehtake aiontien.

³⁶ Ȣatrakȣo ne tsiatak nikanatarake oni ne kentsi-onk, ȣahaiakon ȣathononȣeraton no Niio, nok rao-tiokȣa iasakaon nok nerononha onkȣeokon ionsasa-konon.

³⁷ Nok akȣa akȣekon ȣationstskaon ȣahakotaneoni, nok sonteroroke ne iotatenronhokonha, akȣa tsiatak niȣatherake ienatararakȣa tsinikon ȣahotatenre.

³⁸ Tsiniiakon neh nonȣe nationstskaon neh onto nahoten no kaieri niȣonniaȣehoserasen, iah teȣasseton ne tsionathonȣison iah oni neksaokonha.

³⁹ Nok nonen satonsasakoreniate nonkȣe okon kaonȣakon ionsahatita, nok Magdala nonkȣati ionsa-hatonȣentsioronne.