Matthew 14 - Neh Nase Tsi Shokȣatakȣen 1880 (4 Gospels by Joseph Onasakenrat)

Kaierihoton-iaȣenre Teioteriȣasonterakȣen.

¹ Ethone ne Ronontiio Herod ȣahosennaronko no Iesos:

² Nok ȣasakaȣenhase ne raosennaokon: Saȣatis ȣahi shotonnheton; nese ȣaonni rahaȣe ne Kakȣeniat ne ioriȣanerakȣat tsi nahaiere.

³ Aseken raonha Herod rotennhaonne ronȣann-hotonkȣe ne Saȣatis, Herodias ahoriȣa, neneh iatate-kenha Philippe ronekȣe.

⁴ Ne tsi raȣennihakȣe ne saȣatis; ȣatiaȣenro ne noh asatatenakonnien.

⁵ Akȣa thoianerasehakȣe nahatennhane ahon-ȣario; kenh ki tanon nonkati ieshatsaniskȣe ne tsi akȣekon ok nonkȣe tiakaȣetakonne tsi Rotokense ne Saȣatis.

⁶ Enskat kati tsi rotenniote ne ronontiio Herod, tsi niieskaes tsinihonakeraton, Kanonsihen ȣatkanon-niakȣe ne Erodias akoienha, nok thahaȣerientiio ne Herod.

⁷ Nese ȣaonni akȣa ȣahariȣanirate akȣekon enron, tsi nahoten, tsi oni nikon akariȣanonton.

⁸ Niare ionsaionikonraien nonistenha, ethone onon-ȣakenron: Akeratne aontakaratie tsi askon nonȣa ne Saȣatis raonontsi.

⁹ Ȣahonikonraksen ne ronontiio; nok ki tanon neh tsi rotateȣennaniraton, oni tsi ronathontenion nens-katne ronatekȣahere, ȣahatennhano kati naontakon-hion.

¹⁰ Nok iashakotori ȣahonȣaniariakha ne ȣaȣatis tsi nonȣe tannhotonkȣe.

¹¹ Nok akeratne karatie nʼonontsi, takonhion ne Kaiatase, nok onistenha ionsaiahon.

¹² Eh ȣahonneȣe ne raotiokȣa ionsahatihaȣe, oni ȣahonteȣeienton no raoioronta; nok ȣahonȣaroriana ne Iesos,

¹³ Sahariȣaronke ne Iesos ehren sarete neh nonȣe kaonȣakon Sahatita, eh nonȣe niiahare tsi nonȣe raon-haa iakenhake, nok nonen saheriȣaronkanion, taion-tentionko naktatiesonha kanataienton nok ȣaonȣasere ehtakesson niiahahen,

¹⁴ Nok sontahatitako ne Iesos kaonȣakon, iotiokȣa-tsani Sasakoken, nok ȣahonikonkararen raotanitenra-serakon, nok sasakotsentanion no iakohnonȣaktani-onni.

¹⁵ Nok nonen siiokarahane, ȣahonȣaiatorenne ne raotiokȣa, nok ȣahonniron: Karhakon ȣahi iteȣes, onen oni ontenniserokten; tonsassheiareniat kati, oni taonsaionreni tsi kanonsoton, aieninon oni niieks.

¹⁶ Tontahenron ne Iesos, iah tateiotonȣentsiohon naonsaiontenti, ise tanon ietsiion niieks.

¹⁷ Nok tontahonniron: ȣisk ok nikanatarake ion-kȣaien tanon tekentsiako.

¹⁸ Nok tontasakaȣenhase, kaseȣahaf kihasa.

¹⁹ Nok neh tahatierente ȣasakorori nonkȣesonha nʼohontake aiontien, ȣatrakȣe ne ȣisk nikanatarake oni no tekentsiako, nok Karonhiake iahatkatho ȣatho-nonȣeraton Niio, ethone ȣatlianatariakhon nok rao-tiokȣa tasakaon nok ionsasakotiiakhonhase.

²⁰ Nok akȣokon ȣationstskaon ȣahnkotane oni; nok tekeni iaȣenro niȣatherake sakanane ne iotaten-ronokonha.

²¹ Neh nahoton ne ȣisk niȣenniaȣehetserasen niion-kȣetake ȣationstskaon iah teȣaȣeton no tsionnthon ȣisen iah oni neksaokonha.

²² Akȣa neok onteȣeiennentane oksaok no Iesos ȣasakorori ne raotiokȣa, Kaonȣakon ahonsahontita nok ahonsahontatiteronna ihsi nakaniatarati tsinika-riȣes ne raonha tensesakoreniate nonkȣeokon.

²³ Nok nonen sahaȣeiennentane tonsasakoreniate, onontoharako niiahare tsinonȣe raonhaa akenhake, aontiesenhake tsi ahaterennaien; sekon etho nires onen taiokaraȣe.

²⁴ Kenh kaien ne kaonȣeia, onȣarok onte Kania-tarhen nateȣanistskarontaȣetane, aseken thotiȣeroka-ton.

²⁵ Nok onen siiorhenhonhatie, sasakononterane ne Iesos, onekakesson ihre.

²⁶ Nok ne raotiokȣa, ȣahonȣaken onekakesson ihre, ȣahonateronhienten ȣahonniron oni: ȣahonkȣa-tianeronne akȣa oni ȣathotihenrete tsi nahotiteronne,

²⁷ Akȣa ok tanon iononteratietane iahatati ne Iesos, nok ȣahenron: skennen seȣanontonnionhek; iise: tosa Kati othenon seȣateronn.

²⁸ Nok Tier Iahatati; ȣahenron: Saianer! neneh ise enkenhake, tsiron Onekakesson niieke iekef tsi tesete.

²⁹ Nok tahenron; kasts, nensok ne Tier tahatitako onekakesson niiahare tsi itrate ne Iesos.

³⁰ Nok tanon ȣahatsanike tsini ionontoȣanens io-nontakȣarontonties, onen ok oni siiahoiatenhonhatie, ȣathohenrete kati ȣahenron: Saianer! takiatakennha.

³¹ Nok tontahatsiatale ne Iesos nok ȣahoiena, ȣa-henron: ȣonkȣe sanikonrasto, ohniiotieren tsi ȣasaten-noȣente?

³² Akȣa neok saiatita kaonȣakon oksaok ȣatkaȣe-riiake.

³³ Ethone oni onen ne kaonȣakon ratiiatit ȣahon-ȣaiatorenne rontonne: tiakariȣakenniate Niio ȣahi Iaienha.

³⁴ Ionsahonrarho ihsi nakaniatarati, ionsahonneȣe tsi ȣatonȣentsiate ne Genesaret.

³⁵ Tsiniiore iabonȣaionterene nʼetho ratinakere, ȣathontoriȣareniate tsi ienakerenion naktatiesonha, nok eh ȣaontatiatheȣe tsiniiakon ne iakonnrarakȣe.

³⁶ Nok ronȣanekennihakȣe nasakaon arahonaʼsʼ enʼsʼ neok oni tsi totkakȣathon ne raotiataȣi iaieiena; tsiniiakon ne konniieiakoieren saieieȣentane.