Matthew 13 - Neh Nase Tsi Shokȣatakȣen 1880 (4 Gospels by Joseph Onasakenrat)

Asen-haton iaȣenre teioteriȣasonterakȣen.

¹ Ok neh sahenniserat satontahaiakenne ne Iesos kanonskon, kaniatarakta sahatien.

² Nok kentiokoȣanen ȣahonȣaiatorenne, nese ȣaonni kaonȣakon iahatita, nok eh tahatien, nok nʼonkȣeokon atsiaktatie tekanenraton.

³ Nok eso ioriȣake ȣasakorihotasiase tekariȣaken-tonkȣenke tsi ȣahenron: Saiatat ne raienthos ȣahaia-kenne ȣahaienthosera.

⁴ Nok tsi rohienthonhatie, otiake nonatsia ohahak tatie ȣakakerontane; otsitenhokonha ȣakonneke.

⁵ Nok otiake oststenrakȣentarake ȣakakerontane tsi non nʼiah eso teiokenrahere. Akȣa neneh oksaok takateronten aseken nitkaienha.

⁶ Nok nonen sontakarakoten ȣakontiatastsa; nok tsi iah nakon tetioteronte akȣaki onstsa.

⁷ Nok otiake ohiktokon iakakerontane; takonteia-ron nohikta nok ȣahotirio.

⁸ Nok otiake tsinonȣe niionȣentsiio iakakerontane, nok ontonnisa: skanatsia ȣateȣatenniaȣeke, otiake iaiak niȣasen, otiake asen niȣasen onteiaron.

⁹ Onka tehaontakarontakȣen naharonkate, raronk.

¹⁰ Ethone no raotiokȣa ȣahonȣateranentakten, nok ȣahonniron: oh niiotieren tsi neok ne tesheriȣaken-tonkȣenni?

¹¹ Tontasakoȣennaȣeron, ȣahenron! ne ki tsi ietsiiaȣi nise naeseȣariȣaienterhane ne karonhiakeka, nok ne rononha iah tehonȣanaȣi nahatiienterhano.

¹² Aseken Sekon enshonhion ne roien, enshotiesten oni; kenhkaien nʼiah othenon tehoien, ieioho akȣekon enshoiiȣakȣa tsinikonha roienha.

¹³ Noh kati ȣaonni neok ne tekheriȣakentonkȣen-ni, ne ȣahi tsi enhontkatho iah tiiatahatikaraientane, iah onitahotinikonraientane.

¹⁴ Rononhake kati tahoȣennaierite tsinihaȣen ne Rotokensehakȣo Isai, Raȣen; Enseȣathonletie, ense-ronke nok iah ki taeseȣanikonraientane, oni tenseȣa-kaneratie enseȣatkatho iahki tiiataeseȣakarahientano.

¹⁵ Aseken iotokoton tsi roneriasaniron nekonh rononȣentsiate; iohniron tsi tehonhontakaronte, tehonatateronȣekon oni: Ratitsanis ne ratikarake aontkathote, nok tsi tehonhontakaronte ahonronkate, nok raoneriane ahotinikonraientastakȣe, nok iah taonsaontatreȣatane, iah oni nii taonsakhetsientane.

¹⁶ Ionataskat tanon nise seȣakara, aseken kontka-thos; ionataskat oni ne seȣaonta aseken konronkas.

¹⁷ Aseken oriȣiio tsi kȣarori, kentiokoȣanen Roti-tokensehakȣe, oni ne thotiriȣaieriskȣe, ronaskanekon naontkatho tsi nahoten seȣatkathos, nok iah tehonat-kathon; nok oni nahonronke tsi nahoten seȣaronkas nok iah tehonaronken tsinise niiot.

¹⁸ Seȣataonsatat kati nise tsinahoten kenton ne raiein…hos:

¹⁹ Ne tsi rotaonsate no ronkȣe ne Niio raoȣenna, nok iah tehonikonraientas, Ranikonraksen tare nok ȣahanensko tsinikon kaienthonne raȣeriane: neh ȣahi neneh roton, nohahakta ionatsiakerontaon.

²⁰ Nok kenh kaien noststenrakȣontarako ieioien-taseron, neneh roton, ne rataonsatasts noȣenna, akȣa oni ȣahatonnharen tsi ȣahaiena.

²¹ Iah tanon teiotoronto no rahonhako, ne se ȣahonni iah tatekaȣishastste: kaȣenniioʼkʼȣahorane kanikonraksensera, atatkenronniatseraʼsʼoni, akari-onniate nʼoȣonna akȣaʼsoksa ȣahatatenikonrotako.

²² Kenh kaien nohiktokon iekokerontaon, neneh, roton, rotaonsataton ne Niio Raoȣonna, neh tanon tehonikonrharanis nonȣentsiakeka, tsioni niiorihoten natsokoȣatsera, neh konȣarios noȣenna, nok iah tiieȣatonnisaas.

²³ Kenh tanon kaien ne tsi tionȣentsiio ieiokeron-taon? neneh roton, ne rotaonsate nʼOȣenna, roni-konraientas, ȣatonnisahas, ȣatoiarons oni, otiake enskat teȣenniaȣe, otiake iaiak niȣaȣsen, oni nasen niȣasen.

²⁴ Sekon are oiah tonsasakoriȣakentonkȣen, ȣahen-ron; akȣa neh testiatieren ne Karonhiake tkanake-raseraien, ronkȣe Kanenhiios ȣahaientho raonȣent-siake.

²⁵ Nok tanon tsini kariȣes rotitas ne kannhatsera, onen tare ne Rosȣens, kanenhaksen eneken tontahoti tsi kaienthon nok ȣahatohestste.

²⁶ Nok nonen sontakaontonten, oni ȣakanatsio-haren, onen ȣahotikentane ne kanatsiaksen.

²⁷ Nok ne rannhatsera ȣahonȣaiatorenne ne Ronȣaianer, nok ȣahonniron: Saianer, iah kenh naha ne tehsaienthon ne kanatsiio; kahkati nontakonne ne kanatsiaksen?

²⁸ Tontahariȣaseraka, ȣahenron: neh ȣahi ne raksȣens eh nihoieren, tontahonniron ne kannhatsera; asathontate kati ken eh iaiakȣe nok aiakȣako ne kanenhaksen?

²⁹ Nok tontahenron; tosa: Onȣaʼsʼ naha tsi ense-ȣakȣenhatie ne kanenhaksen enseȣanioton-ko oni neneh ne kanenhiio.

³⁰ Ioneronhatie tetsiaron tiateiaron tsiniiore ien-ȣatonnisa; nok tsini ieienthokȣas, enkheienhase nakennhatsera: neh niare taseȣatierent seȣako ne kanatsiaksen nok seȣenthokonnianion naontsahaton-hake; akenonsoharake tanon niiasoȣahaf ne kanatsiio.

³¹ Ohia are tonsasakoriȣakentonkȣen; ȣahenron: neh teskiatieren ne Karonhiake tkanakeraseraien tsiniiot, otsinekȣar kanen ieienthota, onkakiok ȣatra-kȣe nok raonȣentsiake ȣahaientho.

³² Neh tiaonhaa nitkanenhaa tsinikon ne kanen-sonha: nok tanon nonen ioteiaron ne senha Skoȣanen tsiniiot notiako, akȣa oni karonta iaonton; iakaeȣe ki notsitenhokonha ahonenrokon kontsinakonnis.

³³ Sekon are ohia tonsasakoriȣakentonkȣen, ȣa-henron: neh teskiatieren ne Niio raonakerasera, tsiniiot ne iosherhatken: tsiothonȣisen asen natkaieste nʼothesera tanon ne Iosherhatken tsiniiore akȣa ienȣattenko.

³⁴ Akȣekon tekariȣakentonkȣentserakon tsinikon ne Iesos ȣashakorori nʼonkȣeokon, iah othenon tesha-korori ne iah tatakariȣakentonkȣen.

³⁵ Ne naontahoȣennaierite ne Rotokense, tsi raȣen: tenkastskȣeksi nok tenkeriȣakentonȣe: en-kerihotasionko neneh sontontonȣontsionni siioteri-ȣaseton.

³⁶ Ethone are ne Iesos sasakotkenrate nonkȣeokon nok kanonskon niionsare, ȣathonȣanenronni no rao-tiokȣa nok ȣahonniron: takȣanikonraientaten nahoten kenton toh ihken Kanenhaksen skaienthon.

³⁷ Tontasakoȣennaȣeron, ȣahenron: tohiken ka-nenhiio raienthos, nehne Onkȣe Roienha.

³⁸ Nok ne kaehta neh tsi ionȣentsiate; kanenhiio Niio sakoienhokonha, kanenhaksen otkon sakoienho-konha.

³⁹ Nok no Rastsȣens, otkonseraksen ȣahi, tsiniie-ient hokȣas, tsi nenseȣatonȣentsiarisi; nok ne ratiien-thokȣas, Raoronhiakeronon ȣahi nehneh.

⁴⁰ Tsi kati niiot tsi teieiestasions ne kanenhaksen nok otsirake iakoties, etho oni nehneh nenkaieren nʼonen enȣatonȣentsiokten.

⁴¹ Onkȣe Roienha enteshakotori ne Raoronhiake-ronon okon, neh tenshatiiestahsi ne Kariȣaiesatatsera ne raonakeraserakon, nok oni ne iakoriȣare no ȣaho-tken.

⁴² Nok tsi tkanonkȣaien nʼonesson iensakotiiatonti, etho nonȣe natenhionsenthoseke oni tenhionnokaraniehonheke.

⁴³ Ethone onen ne tiakoriȣaieriton tenhionteron-ronten tsi niiot ne Karakȣa, raonakeraserakon ne Kon-ȣaniha, onka tehahontakarontakȣen naharonkate, raronk.

⁴⁴ Nesekon testiatieren no Niio raonakerasera tsi-niiot nʼoȣistanoron ȣasehton kaehtakon, ne ronkȣe ȣahatsenri, sahasete; nok tsi nahatsennonni sahatenti ȣahatenninon nion tsinihoien nok neh sahaninon.

⁴⁵ Nesekon testiatieren no Niio raonakerasera: tsiniiot ne ronkȣe raȣesakonhaties Kanenhianorons.

⁴⁶ Nok enskat iahatsenri nehne kanoron, saha-tenti, akȣekon ȣahatenninon tsinihoien nok ȣahaninon.

⁴⁷ Ne sekon testiatieren ne Niio raonakerasera: tsiniiot ne kaniatarake ȣaharontion, akȣekon taioie-nahatie.

⁴⁸ Nonen ȣakanane, ehtiioke niienhatihaȣe ne rati-tsiakȣas; onen eh enhontien tenhatiiestasi, rahotihon-ȣakon enhonneta no ioianere; nok ihsi ienshonati ne iotaksen.

⁴⁹ Etho nenhiaȣenne nonen enseȣatonȣentsiarisi: enthonne ne Raoronhiakeronon okon, nok tensakoti-khasi ne ionkȣotaksen tanon ne tionkȣetaieri.

⁵⁰ Nok tsi tkanonkȣaien nʼonesson ienshakotiiaton-ti, eh nonȣe natenhionsenthoseke oni tenhionnoka-raniehonheke.

⁵¹ Ȣahenron ne Iesos: Oriȣakȣekon ken ȣeseȣani-konraientane? tontahonniron, etho niiot Saianer!

⁵² Nok ȣasakaȣenhase ȣahenron: ne kati ȣahonni ne Raiatons nakȣa rariȣaienteri ne Niio raoriȣasonha, neh teshiatieren tsiniiot ne ronkȣe raorontotserakon tatakȣas noriȣase oni noriȣakaionshon.

⁵³ Nonen saharihokten ne Iesos ehren sarete neh nonȣe.

⁵⁴ Nok nonen sonsaraȣe raonakeraserakon, sakori-honnienniskȣe tsi ronterennaientakȣa; nok tsini iakonerakȣonhatonskȣe iontonnionskȣe: kah nehneh nithoha kehiken tsinihattokha, oni ne raokȣeniat.

⁵⁵ Iah kenh naha neh teken ne rasȣenkaraketas no Roienha? iah konh naha Onȣari tekonȣaiasts ne ronistenha, nok ne tehontennontere, Sak, Ȣose, Simon tanon Jude.

⁵⁶ Iah kenh kentekonnes ne rontennosenha? Kah kati nekonh akȣa nithahas ne kenhkaien neh nikari-hotens?

⁵⁷ Akȣa ihken tsi rontateriȣaientatennihako no raonhake, nok tanon no Iesos ȣahenron: akȣa raona-keraserakon ok tanon raononskon iah tehonȣakonni-ensta ne Rotokense.

⁵⁸ Iah oni ken eso tatehoieronnion neh nonȣe, sotsi ronateniioȣentastskon.