Matthew 12 - Neh Nase Tsi Shokȣatakȣen 1880 (4 Gospels by Joseph Onasakenrat)

Tekenihaton iaȣenre teloteriȣasonterakȣen.

¹ Ethone ne Iesos ȣathahetiiakon onatsia kaien-thojeron Aȣentatokontiko; ȣahontonkariako noraotio-kȣa ok kati neh ȣahatiratoskare nok ȣahonneke.

² Ȣahonniron no Pharisian tsi ȣaontkatho: ȣatia-ȣonro naȣentatokentike eh naieiere tsinihatiierha ne Sentiokȣa.

³ Tontasakoȣennaȣeron, nok ȣahenron iah kenh tosoȣaȣennanotha tsini hoieren ne David oni no rao-tiokȣa Saontonkariako?

⁴ Oh nihoieren tsi iehotaȣeiaton Niio raononsakon, ȣahanatarake ne Ronȣaȣenniiostakȣa, iah se sane te-hoȣenk narake iah oni ne raotiokȣa, akȣa neok ro-nonhaa ne Ratitsihenstatsi?

⁵ Iah oni kenh teseȣaȣonnanotha no Kaianerense-ra tsi iah tehotinnhis no Ratitsihenstatsi nʼononsato-kentike ahotiioten nʼaȣontatokentike?

⁶ Aeseȣaterientarake tsi ȣakȣarori, tsi senha raia-tanoron nonȣentsiake nonȣa ihres tsiniiot nʼOnonsa-tokenti.

⁷ Nese karihonni iah taietsiriȣenton no iah teia-konnhikon naeseȣaterientarake tsinahoten kenton no kenh Oȣenna: Atanitenrat teȣakatonȣentsioni iah nʼatateȣenniiosta,

⁸ Aseken no Niio Roienha rahoȣentsi iʼaȣentato-kenton.

⁹ Sonsahatenti netho, tsi ronterennaiontakȣa ni-ionsare.

¹⁰ Saiatat eh raiataratie skati ronentsakenheion; neh ȣahatiriȣakenserakȣe naonȣariȣarho, ȣahonȣari-ȣanontense ȣahonniron: iah kenh teȣatiaȣenre na-ȣentatokentike aonsaiontatetsente?

¹¹ Tontasakoȣonnaȣeron, ȣahenron: onkakiok tsi-nitsion Osonȣakon iakaiatenne ne raotsenen, iah on-tekon oksaok taonsahaiatatako aȣontatokentike sane ȣenniserato?

¹² Eso onte ȣahi tetiattihen tsi natekanoron nʼon-kȣo ok no noh katsenen. Ȣatons kati naontaieriȣaie-rite nʼaȣentatokontike.

¹³ Ethone kati onen ȣahaȣonhase ne ronkȣe: sa-nentsakȣarisi, ȣahanentsakȣarisi nok sahaieȣontane.

¹⁴ Sahatiiakenne ne Pharisian, ȣahonȣatsienhaien, ohonte nahatiiere naonȣario.

¹⁵ Nok tanon ne Iesos sakohnikonraienteritsihon, oksaok sahatenti; nok kentiokoȣanen ȣahonȣasere, aksekon oni niiesesakotsienthakȣe.

¹⁶ Nok sakonnhosehakȣe nahatirihoȣanate.

¹⁷ Naontakaierite tsimhaȣen no Rotokensehakȣe Isaï.

¹⁸ Iahiiatori nakennhatsera, no riiatarakȣen rino-ronkȣakoȣa neok oni ȣakonȣeskȣata; enhiion nakeni-konra, neh ensakorori ne Niio raonakerasera nʼon-kȣeokon.

¹⁹ Iah tahateriȣatekȣaseke, iah tatahohenretake, iah oni onka taonȣaȣonnaronko hahaȣennotatietsi tekanatokenhaton.

²⁰ Iah oni tahasȣato no sekon nikaienkȣarotonni-ons tsiniiore niienhasenniase no kaianeren.

²¹ Akȣekon ok nonkȣo enhonȣasennaniahesen.

²² Saiatat etho ȣahonȣaiateȣe otkon rotienni, toha-ronȣekon iah oni tehatati, nok sahotsiente: akȣa ki iah othenon tatetiotokte, rothare oni tehatkathonnions.

²³ Akȣekon ok ȣahakonerako nok iontonhakȣe: iah kennaha neh tekenh ne David Roienha?

²⁴ Nok tanon tsi ȣahonaonsonkoto ne Pharisian; ȣahonniron are neneh: kehiken akȣa Beelsebul ok ahosennakon ȣesakotekȣatakȣa nonatkonseraksen nese ȣahi tkonȣatkonserakȣeniio.

²⁵ Nok tanon ne Iesos Sakohnikonraienteritsihon ȣasakaȣenhase, ȣahenron: tsini kanakeraserake nʼiah skariȣat tekenh iah ki othenon taonsakaieronnihake, tsini kanatake oni tsini kaȣatsirake ne iah skennen, iah othenon taioteriȣatentiase.

²⁶ Nekati kehiken, nonȣa; Rotkonseraksen ahon-sahoiatinekenȣe ne ratkonseraksen, akȣakati ȣahi tatehotiriȣate: oh kati nenhiotonhatie tsi onhnina-kereke?

²⁷ Nok tokat tokensko Beelsebul ahosennakon tsi sekheiatekȣata nonatkonseraksen, kahkati nithati-has no ietsiienhokonha tsi sesakohnatekȣata? nese ȣaonni ok rononha tentsetsiiatorete.

²⁸ Nok tanon tokat nonȣa Niio raonikonrake tsi ȣekheiatekȣata nonatkonseraksen, oriȣiio kati tsi onen seȣaiatorenhon ne Niio raonakerasera.

²⁹ Oh naiaȣonno ne ronkȣe iahotaȣeiaton ne roiata-niron oni ahonenskȣenhaton, ne iah niare tenhoneren-khe ne roiataniron? ethone onen enȣaton enhonen-skȣenhaton.

³⁰ Onka iah teiakenikȣekon akte kinihotieraton, nok ne iah tateion keniienaȣakon tsi keroroks, ratie-satha.

³¹ Nese ȣaonni ȣakȣarori, akȣekon niienȣaton naonsaiontafonikonrhense nonkȣe akoriȣaneraaksera; kenkaien nenhonȣanikonraiesate ne Rotkon Roni-konratokenti iah neneh tetsiontatenikonrhensere.

³² Nok onkakiok raȣennake roiesatakȣen nʼOnkȣe Ronȣaienha enshonȣanikonrhonse, nok tanon onka enhonȣaiesate ne Rotkon Ronikonratokenti iah taon-saonȣanikonrhense ne kentho onȣentsiake iah oni non-ȣen ton.

³³ Ne ens oni ne seȣaton: ȣahiio, neki tsi karontiio, ȣaiaksen, neki tsi karontaksen, aseken kaikne kiok entieien teristakȣe tsini karontoten.

³⁴ Seȣaȣatsiraksenskȣa, oh nahoni naiaȣenne naon-takariȣaierike tsi aeseȣatati, akȣase tsionkȣetaksen, aseken tsinitkananon naȣeriane eh kiniiot tsi ienȣatati naȣennasa.

³⁵ Tronkȣetaieri akȣaki neok tatakȣas tsini tioia-nere tkananon ne raȣeriane; nok ne ronkȣetaksen neh ki tatakȣas tsini teȣahetken ne raȣeriane.

³⁶ Nese ȣaonni kȣarori: tsi neh tonhiontatiatore-takȣe nonkȣe nʼonaken teȣenniseronte tsinikon tia-kotati ne kaȣennaksen.

³⁷ Aseken saȣenna entsisarihokeȣate, saȣenna oni ensariȣente.

³⁸ Ethone onen otiake ne ratiiatons oni ne Pharisian ȣahonȣonhase: Saianer! oriȣiio tsi iakȣaskaneka ne takȣakanerarake ioriȣanerakȣat tsi nasiere.

³⁹ Tontasakoȣennaȣeron, ȣahenron: Kaȣatȣirak-senskȣa oni kanakȣaiesen, kariȣanontons enskat ne ioriȣanerakȣat, iah ki tanon takonhion no ioriȣane-rakȣat neok tsi nihoiataȣenhon no Rotokensehakȣe, Jonas;

⁴⁰ Aseken asen nonta asen oni niȣasontake tsionn-hoȣane kaiatakon iehaiatitakȣe ne Jonas, eh kati oni nehneh nenhiaȣenne nʼOnkȣe Ronȣaienha, asen nen-ȣata, asen oni niȣasontake onȣentsiakon ienhentoron-take.

⁴¹ Ninivronon enkonȣariȣasten no kenh kaȣatsirate tsi nonȣe Kaiatoretatserateȣonniserontake: aseken ne rononha Jonas raoȣennako shonatatreȣatakȣen: nok nonȣa ne kenh ihres Senha raiatanoron tsiniiot ne Jonas.

⁴² Entieronon Konȣakorakoȣa enhiakoriȣasten oni enhiakoriȣente nekonh kaȣatsirato. Aseken naonha Onȣentsiokten tsi ontaonsatatha ne Salomon raottok-hasera: nok nonȣa kenhihres senha isinonȣo tsini aiatoten tsiniiot ne Salomon.

⁴³ Katke tenthonȣaiakenȣe ne ranikonraksen tsirotiennine ne ronkȣo, onȣentsiathensne tenhastste-kafa raȣesakonhaties ahaorishentane, iah tanon taha-tsenri.

⁴⁴ Ethone enhenron: eh ienske tsi teȣakenensoto, tsinonȣe teȣakiakenhon. Nok nonen ensraȣe, ȣahat-katho, ononsoskon isken, tsionheȣen oni skaraseston.

⁴⁵ Ehren sarete, nok tsiatak nihati ionsasakohon-karon ne senha tehotinakaratsanit tsiniiot neraonha, eh saonneȣo oni ionsahontaȣeiate akȣa oni sahontenak-tonni; nok ne kenh ronkȣe ienseȣatohestste tsi nenshaiese; eh kati oni neneh nonhioiataȣen ne kenh kaȣatsirate kaȣatsiraksonskȣa.

⁴⁶ Nok sekon ok sishakotarani nonkȣeokon, astste tontahatitane ne ronistenha oni ne tehontennontere, ronȣaiatisakonhatie tahatitharen,

⁴⁷ Nok iahonȣarori ȣahiron: kenh astste thonh-nete sanistenha oni teseȣatennontere iesaiatisaks taeseȣatharen.

⁴⁸ Ȣahenron tsi tontahoȣennaȣeron, neh nikaȣen-noten tahaȣenninekenne: Onka nakenistenha, onka onine teiatennontere?

⁴⁹ Nok iahatsiatate tsinonkati ne raotiokȣa, ȣahenron: neh kehiken akenistenha, neh oni teiatennontere.

⁵⁰ Aseken onkakiok enthonȣanikonraierite ne Rakoniha ne Karonhiake thenteron, neh tohiken onkiatatekenha, oni onkia tennosenha, oni akenistenha.