Matthew 11 - Neh Nase Tsi Shokȣatakȣen 1880 (4 Gospels by Joseph Onasakenrat)

Enskat haton iaȣenre teioteriȣasonterakȣen.

¹ NONEN sahaȣeiennentano ne Iesos ȣasakoiane-renseron ne raotiokȣa, akte niionsare, nasakorihon-nien asakotati oni tsi ronatenataienton,

² Ethone oni no Saȣatis ȣaharonko tsini hatiera-nions ne Iesos, teniiase ne raotiokȣa iasakotori ahon-ȣariȣanontonse aniron:

³ Ise ken ne kariȣataton onȣentsiake entre, katon ohia enshakȣarhareke?

⁴ Tontasakoȣennaȣeron ne Iesos, ȣahenron: ȣaseno nok satsisenirori ne Saȣatis tsinaoten tsiatkathos oni-tsiaronkas.

⁵ Tsiekens no teioronȣekonne, tsiontenties ne iesi-naksen, tsiontons nʼiakoststaȣis, tsionronkas ne te-ionhontakȣekon, Tsiontonnhests niakaȣenheion, nok iontataronkatenti oriȣatokenti ne iakotent.

⁶ Iakotaska ne iah tenhiontateriȣaientatennire nii akeriȣake.

⁷ Nok nonen sonsaiatonti, Iesos Kanenrakon iahatati, ȣahenron; nahoten seȣatkenseronnonne karhakon? Okȣire kenh ne teȣatkarenrons tsi iahote?

⁸ Oh kati nekenhen nahoten seȣatkenseronnonne? rokȣenniatsanit kenh no etsiseȣakon? tsiniiot no ro-tinontiioson.

⁹ Oh kati nekonh akȣa nahoton? Rotokense onteken? enh, kȣarori tsi sakotoheststenni ne Rotito-kense.

¹⁰ Aseken raonha roton tsi ȣaton nʼoiatonsorato-konti: ienhiiatori nonhiahaaseronnien tsini ienhense.

¹¹ Oriȣiio tsi kȣarori, tsi iah sekon noiah tehona-keraton noh senha hahaiatanoronke tsiniiot no Saȣa-tis; nok sane neh nakȣa nitraha no Karonhiake sekon neneh senha ieshaiatanoron,

¹² Tsinahe thonakoraton no Saȣatis, othonahe sito-ȣaskonnhen no Karonhiake, nok neki no ratisaste rontkȣenies.

¹³ Aseken no Thotitokenseakȣe oni ne kaiatonsera-tokenli ok iarennakerate tehonȣarensaronnions.

¹⁴ Nok naeseȣatontatsoke tsihenkiron; nese ȣahi no Eli tontarene.

¹⁵ Ionronk ne tenhionhontakarontake.

¹⁶ Ohnahoten taontakheiatonientenste neh niion-kȣetoten? neʼsʼ teshontieren ne ratiksaokonha tsi iont-korontakȣa ratistskȣaronnion nok iesakotinonks no rontenrookon.

¹⁷ Ronton: ionkȣaonraȣaton nok iah tateseȣanon-niakȣon; ioterennatatitenrat ionkȣaterennoto nok iah teseȣatatitenranion.

¹⁸ Aseken ne saȣatis iah tohonekirenhaties iah oni tatehostskaonties; nok sane sekon ronȣenni: Rotkon-seraien.

¹⁹ Nok no Niio Roienha tehastskaons ranekirha oni; nok ronton: Shakoȣano, tsionekakaȣe, rontenro oni ne ratikarotasions oni nʼonakȣaiesentasonha. Nok ki tanon ȣene iotonhon natoriȣakȣarisionsera tsinon-kȣati no sakoienhokonha.

²⁰ Ethone onen tahatasaȣon ȣasakoriȣasten tsi-nonȣo eso natehoieronnionhaton nok iah toshonata-treȣaton, ȣahenron:

²¹ Sententasere Korasin, ise oni Betsaïta! Aseken, Tirne ok neʼsʼenʼsʼ Sidonne otho naioriȣanerakȣato-nionke tsi naonkieren, katkaron ahontahonatakenro-serhon tsinahonsahonatatreȣaton.

²² Nese karionni katon, tsi kȣarori: Tikenha tsi nensiikoteȣeiennatsanilon ne Tirronon, oni ne Siton-ronon, nʼonen tontesakoiatoretane tsinise niiot.

²³ Nok nise Capernaiim, ise enskat no iatosaketo-takȣo tsi toiesaronsaronskȣe, tentesenonkȣihse nʼones-son. Aseken tsinikon satkathon nʼioriȣakerakȣate-nion, aiotkathon ne Sodome sekon nah neh noiiȣa na-kanataientako.

²⁴ Nese ȣaonni kȣarori katon, tikenha tsi nonthon-ȣanakȣisronhase no Sodomronon nʼonen tentesakoia-toretana.

²⁵ Ethone no Iesos tontahenron: O konsennaiens Rakeni, ok tiseȣenniio tsi Karonhiate oni tsi Ionȣon-tsiato, ne tsi sheriȣasetenni noh nikarihotens ne ionto-khas oni no ienikonrasson, nok neh ne kenniiakasa shetokatenni.

²⁶ Eh niiot, O Rakeni, nohkitsi eh nitisanikonriio-hon.

²⁷ Oriȣakȣokon Rakoniha rakaȣi; iahonka tehon-ȣaienteri no Roienha, akȣa neok ne Roniha, toka ken onkakiok onshakororihake ne Roienha.

²⁸ Kaseno ise ne tosoȣaȣishenheion oni seȣaȣishen-ne, nok ii enkȣasnienon.

²⁹ Seȣatketat nakȣatientaniakt, seȣariȣaientorhann oni tsi teȣakeriȣaieri oni keriasiio, oni enseȣatsenri aotorisensera ne soȣatonnhests.

³⁰ Asoken iah toȣateriȣatore nakoriȣasonha, iah oni teiokste nakriena.