Matthew 10 - Neh Nase Tsi Shokȣatakȣen 1880 (4 Gospels by Joseph Onasakenrat)

Oieri-haton nateioteriȣasonterakȣen.

¹ Ethone no Iesos iasakononke ne tekeni iaȣenro nihati raotiokȣa, ȣasakokȣeniatseron, naonsasakohna-tekȣate nʼotkon aiakohnatienni, oni aonsasakotitsiente tsiok naiakohiataȣenseke.

² Kentho ratisennare no tekeni iaȣenre nihati: Simon tonȣakoȣanen, tier Shonȣanatonkȣen; tanon nʼiatatekenha San.

³ Philippe, Bartholemi, Atonȣa, Ȣatio rakarota-sionskȣe; Sak Alphé roienha; Lebbé Tadé ronȣana-tonkȣon.

⁴ Simon kanaenronon; tanonne rotenninon, Sitas Iskariot.

⁵ Ȣasakaȣenhase no raotiokȣa tsi iasakotori; ȣa-henron: tosa tanon eh niiahaseȣe tsi ratinakerenion ne kaiatonni ratisennaiens, iah oni tsi rohnatenataien ton ne Samaritanronon.

⁶ Israerrononke ok tanon teseȣaststekafa saietsiia-haharat ne iakohiatatonhon.

⁷ Enseȣatonheke nʼonen enhietsiiatatisheke: Onen akta taȣe ne Niio raonakerasera.

⁸ Saietsitsient nʼiakononȣak tanionni oni no iako-ststaȣis, Saietsiionnhet nʼiakaȣenhoion; iesontenraton, Sasetenrat ki.

⁹ Tosa soȣarorok noȣistanoron, oȣista oni aontake no sanatatserakon.

¹⁰ Tosat iaseȣaiarenhaf no kaneka niienhensoȣe, tekeni oni taheseȣatiataȣitseraientake, ahta, nok oni natennists; aseken tehotentson nahonȣanonte ne ra-iotenseriio.

¹¹ Nok ne kakiok nonȣe tkanataion ienseȣatenato-ronne, Seȣariȣisak onka iakorihonte naiesateȣeienton, etho oni tsiterontak tsi niiore onsesatenti neh nonȣe.

¹² Tesatenonȣeraton kakiok nonȣo ionsataȣoiato: onsiron: Skennen kenhak ne kenh kanonskon.

¹³ Tokat entiakoriȣaieriko ne iakohnonsote enhia-korane ne skennen, nok ne iah, iseke tonteȣo.

¹⁴ Kakiok nonȣo, tsiok oni nonȣe iah tenhietsinak-totaniro iah oni taiontaonsatate ne saȣenna, ensesara-sitokoȣe nonen tentesiakenne neh nonȣe.

¹⁵ Oriȣiio tsi kȣarori tsi senha onhioteseroȣanaton neh nonȣe, tsiniiot ne Gomor oni ne Sodomo nonen tontesakoiatoretane tsi nenseȣatonȣentsiarisi.

¹⁶ Etho niiot tsi iakȣatori tsiniiot no toiotinaka-rontonha okȣahotsorokon iakonȣanatori, Soȣatateni-konrarak kati seȣanikonriiohak oni.

¹⁷ Seȣatatenikonrarak kati nonkȣene nonkȣati; aseken enhietsiiatinionte tsi rontkonnisahata, enhon-tennhane oni aiotsisokȣaȣeson tsi ronterennaientakȣa.

¹⁸ Oni ii akerihonniat enhietsiiatenhaȣison raho-tihenton ratikorason noriȣiio ahonnonni tsiki niiot nonkȣeokon.

¹⁹ Nok tanon nonon onhietsiiena, tosa teseȣatate-nikonrharon tsi nahoton aeseȣenron, tsi oni naoseȣa-iere tsi aoseȣatati: aseken enkȣaȣonnon neh nonȣe nenkahaȣi.

²⁰ Aseken iah ise taeseȣatati, Ehtsiseȣanihase rao-nikonra onseȣatatiato nethone.

²¹ Ienkaheȣe nʼok ne noh teiatennontere enhori-ȣente kenheiatne, Roniha ne roienha, ratiksaokonha ensesakohnatkarhateni ne ronȣatiienha nok ensako-tirio.

²² Ii aksenna enhiotsisȣate nonkȣeokon; neok tanon enhatsennonni ne iatenrokten.

²³ Kakiok nonȣe tkanataion entietsikenronseronni, neh noia tetkanataien niionsaseȣo: aseken oriȣiio tsi kȣarori areko ok onȣentsiakȣekon tentisoȣenonton tsiniiore tentre ne Niio Roienha.

²⁴ Iah senha tethanontons ne ronȣarionnionni tsiniiot ne sakorihonnienni, nok oni ne rannhatsera tai-niiot nakȣa raiatakȣeniio.

²⁵ Ethose ok nithotte ne ronȣarihonnienni tsiniiot tsi rateȣeiensta, oni ne rannhatsera tsiniiot tsi ron-ȣannhas. Tokat nonȣa otkon ronȣanatonkȣen ne Raniserakȣeniio, toh kati onte akȣa senha niienshon-ȣatinatonkȣake ne sakoienhokonha.

²⁶ Tosa kati othenon seȣatsanisek. Aseken akȣe-kon niienȣatotasi ne iotaseton, oni niienȣaterihotasi tsinikon ne ioteriȣaseton.

²⁷ Teseȣariȣathet tsinahoten asatakon kȣarori, nok kanonsakeson tatesoȣnhenret tsinikon tekȣatsiaon-ni.

²⁸ Tosa seȣatsanisek tsinahoten aiorio noieronta, iah tanon taiorio natonnhests; neh tanon seȣatsanisek tsinahoten aiotirio natonnhests oni noieronta nok o-tsirake iaiotiiatonti.

²⁹ Iah kennah tekatsitenserake tiiatekehnes nʼens-kat kȣenis? Akȣekon sane etsiseȣaniha sakoȣenniio tsi konnes.

³⁰ Ieioho oni akȣekon ȣasheton tsinikon seȣanon-kȣisorote.

³¹ Tosa kati seȣateronsek senhase ise seȣaiatano-ron tsiniiot notsitenhokonha.

³² Onka iah tenhakatehasere nonkȣene, iahki oni nii taontahiiatehase raohenton ne Kakeniha Karon-hiake thenteron.

³³ Nok tanon nenhakatonnhiiase nonkȣene, ten-thiiatonnhiiase ki oni nii tsi thenteron ne Kakeniha.

³⁴ Tosat seȣerhek skennen ken kien ne nonȣentsia-ke; iah neh tekienne ne skennen, asharokoȣa tanon.

³⁵ Aseken tekhekhasionhe ne iatatienha, tiatatien, ha, oni ne tiatatsafa.

³⁶ Neh oni enshonȣasȣenseron nakȣa rahonnha-tseraokon.

³⁷ Onkakiok senha roniha, ok neʼsʼ ne ronistenha senha sakonoronkȣa tsiniiot nii iah tatehakeriȣatson; ok neh sakat ne senha roienha ok neʼsʼ ne roienha senha sakonoronkȣa tsiniiot nii iah othenon tateha-keriȣatson.

³⁸ Oni no iah tenhatketathe no raoronhiakensera nok ahakianenhaȣo iah othenon tatehakeriȣatson.

³⁹ Oni nenhononstaton tsi ronnhe, enhotonse; neh tanon enshatsenri nenhakateȣentotaso.

⁴⁰ Onka tenhiahrhoton, tenhakarhoton; nok no tenhakarhoton tenhorton ki no takatennieton.

⁴¹ Onka rotokense tonhorhoton tsiniiot tsi roto-kense; oh ki niiot tsi tenhonȣariȣasorakȣase tsiniiot no rotokense, nok ne thoriȣaieri enhokonnienste, eh ki nenhonȣatonraseronse tsiniiot ne thoriȣaieri.

⁴² Nok oni ne skaȣisa ok onekanos aonȣanekanon-ten saiatat nakitiokȣa; oriȣiio tsi kȣarori tsi iateka-konte tenhoteriȣasorakȣaso.