Luke 9 - Neh Nase Tsi Shokȣatakȣen 1880 (4 Gospels by Joseph Onasakenrat)

Tioton-aton teioteriȣasonterakȣen Oriȣatokenti tsini hoiaton Roiatatokenti Luc.

¹ Ethone onen ne Iesos ȣasakoiatarako ne tekeni iaȣonre Nihatikȣekonne nok ȣasakokȣeniatseron nasakotikȣeni nonatkonseraksen, oni naonsasakotitsiente niakononȣaktani.

² Iasakotori asakotirionniennira ne Niio raonakerasera, nok aonsasakotitsiente niakononȣaktanionnis.

³ Ȣasakaȣenhase oni: tosa othenon iaseȣaha tsi seȣatentionhe, iah natennists, kaiare, kanatarok, iah oni noȣista; tosa oni tekeni teseȣatiataȣitseraientak.

⁴ Nok nonen kah kiok nonȣe ienhietsiiataȣeiaten, etho seȣenterontak tsiniiore tentiseȣatenti netho nonȣe.

⁵ Kakioknonȣe iah tenhietsiiateȣeientonne, sase-ȣarasitokef nonen tentiseȣaiakenne neh nonȣe nikanataien, neh tohiken enhotiriȣentakȣe.

⁶ Eh kati nehne nahatiiere, Sahontenti, ok tiiathonreni tsi ienakerenion, oni tsi iohnatakȣenraron, Sakotirionniennihatie oni sesakotitsientonhatie niakohnonȣaktani.

⁷ Ethone oni onen ne Herod rakora ȣahariȣaronke tsini haieranionskȣe no Iesos; nok iah teȣatons nahonikonratokenne, aseken otiake, ionton: San Shotonnheton.

⁸ Nok notiake ionton: Eli isro: nok sekon otiake iontonhakȣe; nehne thonatierenton thotitokenseha-kȣe shotonnheton.

⁹ Ethone no Herod ȣahenron: ȣakatennhaon ronȣaniariakon ne San: Onka kati ne kenh nonȣa kehiken neh nihaierha tsiniiot tsi karonkas? raskanekskȣe nahoken.

¹⁰ Nonen sonsahonneȣe ne raotiokȣa akȣekon sah-onȣarori tsi nahatiieranion, nok ne Iesos ȣasakoiatatiskȣate ihsi niiahonne Kanatakta ne Bethsaïda,

¹¹ Sahakotokense nonkȣeokon, ȣahonȣatisere; iahonȣatiiatastsenri, ȣasakerionnien ne Niio raoriȣasonha nok sasakotsientanion ne ionskanekskȣe naonsaionton.

¹² Nok nonen siiateȣastsothohsere, ȣahonniron ne tekeni iaȣenre Ratikȣekonne: Sasheiatori kehiken kentiokȣaien, tsi tkanataienton oni tsi tiakononsoton niiaonsaien eh iaonsaionnonȣete oni iataonsaionstskaon, iahse ȣahi othenon taieriȣatsenri tsinonȣe niteȣes.

¹³ Tontasakoȣennaȣeron ne Iesos, nok ȣahenron: Ise iestsinonth: tontahonniron: Serenkeno ȣisk ok nitsionkȣanataraien tanon tekentsiake: tohka kati aiakȣaninonra ne kanenrakȣekon aiakhinonte.

¹⁴ Neh nahoten ne ȣisk niȣenniaȣehotsorasen niionkȣetake. Ethone ȣasakaȣonhaso no raotiokȣa, ȣahenron: iestsirori, ȣiskson niionkȣetassenhatie tsi ionnitiokȣarorokhon.

¹⁵ Oksaok eh nahatiiere ȣahatinenraseronni.

¹⁶ Ethone ȣatrakȣo no ȣisk nikanatarake oni ne tekentsiake, Karonhiake iahatkatto, ȣahaiatateriste, iasakaon ne raotiokȣa niaonsasakotiiakhonhase nonkȣeokon.

¹⁷ Akȣekon ȣationstskaon ȣahakotane oni; tanon tekeni iaȣenro niȣatherako ȣakanane ne iotatenronhokonha.

¹⁸ Nok nonen raonhaa siionsonton nahaterennaien; etho oni nehne ratiteron ne raotiokȣa, ȣasakoriȣanontonse, ȣahenron: Onka ionkonnis nonkȣeokon?

¹⁹ Tontahonniron: otiake ki ionton, San, otiake oni, Eli, sekon otiake ionton, nehne thonatierenton thotitokensehakȣe saiatat Shotonnheton.

²⁰ Ethone kati are onen tontahenron: nok nise, Onka iseȣere nII? Tier tahatati, ȣahenron: ise ne Keristos Niio Iaienha.

²¹ Ȣasakotiaȣenrastse tanon nahontrori.

²² Sekon are sahenron: Iatekakonte tsi eso enharonhiaken nonkȣe Roienha, enhonȣateȣentete ne ronaterihonton, ratitsihenstatsi okon oni ne ratiiatons; ienkaheȣeoni henhonȣariote, nok ki tanon Asen-aton nenȣata enshatatonnhete.

²³ Ok oni akȣekon thisakaȣennihakȣe: onkakiok enhienrheke rinonieratie, akȣaniare iontatateȣentet nakaonhatserakon, iontketat nakoiasa tsi ȣentatenion, nok ionkianenhaf.

²⁴ Aseken nenhienonstate tsi iakonnhe enhiahiheie; nok nenhionkateȣeiitetase tsi iakonnhe neh enhiakonnheke.

²⁵ Oh nahoton onrastste ne roiikȣe nonȣentsiakȣekon tahatentsa, nok ok raonha, tahatateriio ahatatatonte oni?

²⁶ Aseken onka enhionkatohase, ok ne ens nakeȣenna, enshotehase ki oni nehne nonkȣe Roienha nonen tentre rahotiiatanerakȣatserakon ne Roniha oni ne raotironhiakeronon okon.

²⁷ Oriȣiio tsi kȣaroris, tsi ratiiatare nonȣa no kentho ne iah tahonniheie ohenton nahontkatto ne Niio raoiatanerakȣatsera.

²⁸ Satekon nonta neh sithaȣen, onontoharako ȣahaterennaionna iasakoiatenhaȣe ne Tier, Sak tanon San.

²⁹ Tsini kariȣes roterennaien eh ȣathatteni, nok ȣakenrakenne ne raotseronniat eh nahaȣenne tsiniiot tsi ioronhrote.

³⁰ Nok teniiasse ȣathatitbaren neh ne Moïs tanon Eli.

³¹ Akȣaoni ihken tsi rotiiatanerakȣat, neh rotitharakȣon tsi nenhiaȣenne tsi ienrenheie Jerusalemke.

³² Kenh kaien ne Tier oni ne rontenrotiene eh na-hotiiataȣen tsiniiot nakȣa ihken iakoserentaras; nok nonen sonsahatiie iah tiiaieriȣahoȣe tsini hoiatanerakȣat tsi sahonȣaken eh oni nehne niiot ne teniiasse.

³³ Akȣaonen sateshontekhasionhe, onen tahatati ne Tier, ȣahenron: Saianer! ioianere ne kentho aheteȣenterontake: Asen kati niteȣatatoseroten enskat ise saȣenk, enskat Moïs, tanon enskat Eli: iah tehottoken tsi nahoten Sahenron.

³⁴ Sekon ok nihotharatie, eh iotsikeraratie nok taiakorhoroke, onen senha ȣahotiteron ne.

³⁵ Etho otsikerakon takaȣenninekenne ȣakenron; Neh kehiken ne Riienha Rinoronkȣaonȣe: Hetsiseȣaȣennarakȣak.

³⁶ Akȣa neok ȣaknȣennentano raonhaa aonton ne Iesos. Akȣekon ok ȣahatjriȣasete iah oni onka tesakotirori nethone tsiniiot tsi ronatkatton.

³⁷ Tsi ȣahorhenne onen satontahonontastsnentonhatie iotiokȣatsanit ȣathonȣaterate.

³⁸ Saiatat tsi ni kentiokȣa tontahohenrete, ȣahenron: Seȣenniio! ȣakonneken hatsitonre ne Riienha neok oni enskat Ȣakeȣiraien.

³⁹ Nok otkon rohienas, ok ens tontaiaȣentsi ȣathohenrete; ehtake henhoiatisereson, entkaȣaststotonnion rasakon. Akȣa ens Serenkeneha tenshonikonrote nonen enhaiatentane.

⁴⁰ Khenekenni ne Sentiokȣa naonȣatsiente iah ki tehotikȣenmn.

⁴¹ Tontahenron ne Iesos: kanoron ki oni ne iako, tennoȣentastskon oni niakaȣeriasaksen! Toh nekenh akȣa nenȣe enteȣakȣekonhatioseke ok oni tcnȣakeron iaȣeronhatien: karo nontastsiatenbaf no hetsienha.

⁴² Akȣa neok iahatenti, ok naha notkon ȣahoiena neh oni ihken no iatiotiete; nok tanon no Iesos ȣahatteten notkon, nok sahotsiente sahoȣiron oni no roniha.

⁴³ Akȣekon ok ȣahakohnerako tsini kasastenseriio ne Niio raosaststensera. Nok tsi akȣekon ok iakori-ȣanerakȣaekȣe tsini haierhakȣe ne Iesos, ȣasakaȣenhase ne raotiokȣa Sahenron:

⁴⁴ Seȣataonsatat tanon kehiken nikaȣennotens: Aseken ienȣatenniseriheȣe nenhonȣaiena nonkȣe Roienha oni enhonȣatsiakȣarisi rahotisnonke ne ron-nonkȣe.

⁴⁵ Iah tehotinikonraientaon nahoten akȣa kenton neh nikaȣennoten, nok tehotinonhjanikskȣe ne tahontahonȣariȣanontonse.

⁴⁶ Onen nonȣa neh ȣahatitharakȣe oni ȣaonskennha onka senha akaiatanoronke.

⁴⁷ Nok tanon ne Iesos sakohnikonraienteritsion tsinithonnontonnions ne raoneriane, iahoiatatihentho raksaha nok raiatakta ȣathotaȣte.

⁴⁸ Ethono tasakaȣenhase: Onkakiok tenhonȣarhoton kehiken raksaha, iiki tenhakarhoton; nok oni onka tenhionkarhoton tenhonȣarhoton ki ne takatennieton; aseken neh nakȣa kenh nitraha tsinitsion, neh enkaiatanoronke.

⁴⁹ San tahatati, ȣahenron: Saianer iakhiken niso sasennakon skonȣanatekȣata nonatkonseraksen; iakhinnhese kati, netsi iah teteȣes.

⁵⁰ Tontahenron ne Iesos; tosa iestsinnhes: Aseken ne iah toionkhiriȣasȣase, ionkhiriȣaȣase ki.

⁵¹ Nok nonen thoha siiakaheȣe naonsahatenti tsi ionȣenteiate, akȣa tahateriontasa ne Jerusalem niiahre.

⁵² Ohenton iasakotori ȣahatiriȣaienna oni niahatinonsaseronni; ȣahontenti nok Samaritan thotinatakȣenrare eh iahontaȣeiate.

⁵³ Iah tanon thatethonȣarhoton netsi Jerusalem niiahaȣenonhatione.

⁵⁴ Sahontkatto ne raotiokȣa, Sak tanon San ȣaniron: Saianer! Asathontate kenh neh naiakȣaiore tsini hoieren no Eli, karonhiake naontontsirine nok aiakoȣentho?

⁵⁵ Tontahatkarhateni ne Iesos nok ȣasakotteten, ȣahenron: iah ki oni tateseȣaiatcreta tsiniiot tsi ieseȣaȣenninekens.

⁵⁶ Aseken iah neh tehaniente nonkȣe Roienha nahario nonkȣe akotonnhests, neh tanon nahoiatakennha. Akte kati niionsahonne.

⁵⁷ Nok tsi ronatentionhatie saiatat eh ȣahoketote, nok Sahenron: Seȣenniio! onkonnonteratieseke tsi ok oni nonȣo niienhense.

⁵⁸ Tontahoȣonnaȣeron, ȣahenron: Ionatsonhionton naha no tsistso, nok kontsinakonni notsitenhokonha; nok nonkȣe Roienha, akȣekon nehne iah tehoien nahoten ahatkonserakȣe.

⁵⁹ Nok tihaiatate, ȣahaȣenhaso: Taknonteratie. Nok ne konh kaien tahenron: Takenaktothas ki niare ahiiatatahannha ne rakenikenha.

⁶⁰ Tontahenron ne Iesos: eh kaientak naȣenheion-ta neh iontatiatata nakaȣenhoionta, nok ki nise ȣas serioȣanatana ne Niio raonakerasera.

⁶¹ Sekon are tihaiatate ȣahenron: Seȣenniio! enkonnonteratieseke; askenaktothase ki niare akeriȣaseronni tsi nahoten ȣakien.

⁶² Nok tanon ne Iesos tontahenron: Tsini iakon nonaken iatetsiekanere nonen iakotarakarhathonhatie, iah teiakotateȣoiennentaon tsi nonkati ne Niio raonakerasera.