Luke 6 - Neh Nase Tsi Shokȣatakȣen 1880 (4 Gospels by Joseph Onasakenrat)

Iaiak-aton teioteriȣasonterakȣen nʼOriȣatokenti tsini hoiaton Roiatatokenti Luc.

¹ Enskat are aȣentatokentike konȣanatonkȣa tekeniaton tiotierenton, onatsia kaienthon ȣathatihetiiake, onen kati ne raotiokȣa ȣahatiratoskare nok ȣathonsaranie oni ȣaonneke:

² Onen are taontasaȣen otiake ne Pharisian ȣahonniron: oh niiotieren kehiken eh niseȣaierha tsinaholen ȣatiaȣenre neh naieiere naȣentatokentike?

³ Tontaaakoȣennaȣeron ne Iesos, ȣahenron: Iah kenh nonȣenton teseȣaȣennanote tsinihoieren ne Taȣit sahatonkariake, oni ne rontenrotiene.

⁴ Toh nahaiere tsi iahataȣeiate ne Niio raonon sakoti, nok tsi ȣatrakȣe ne kanataranoron, ȣarake, tasakaon oni ne rontenrotiene, saeto sane ratitsihenstatsi ok raonaȣenk nahonneke?

⁵ Nok sahenron: Raiatakȣeniio kati oni nonkȣe Roienha akȣekon tsi Iaȣentatokenton.

⁶ Tsi are oia saiaȣentafokentane, sahataȣeiate tsi ionterennaientakȣa nok ȣasakotati, saiatat etho raiatare rosnonsakenheion tsi raȣeientetakon.

⁷ Neok ne ȣahonȣatennikonraren ne ratiiatons oni ne Pharisian katesiken enshotsiente kenh naȣentatokentike, neh naontahatiierate ahonȣariȣarho.

⁸ Nok tanon ne raonha sakonikonraienteritsion: ȣahaȣenhase ne rosnonsakenheion, Satkestsko, nok kanonsihen natestann: tahatkestsko nok otho iathatane.

⁹ Ethone onen ne Iesos Sahenron: Tsioriȣat enkȣariȣanontonse: ȣatiaȣenre kenh naontaieriȣaierite naȣentatokentike, ok nes naonsaionteriȣateȣate? aiontatonnhete nonkȣe, ok nes naiontateriio?

¹⁰ Nok nonen akȣekon sasakokahenhion; ȣahaȣenhase ne rosnonsakenheion: sanenstsakȣarisi. Eh nahaiere; nok eh nonsahasnonsiione tsiniiot ne skati.

¹¹ Nok tsi nahotisense ȣahonterientisakhon oh onte, naonȣaierase ne Iesos.

¹² Eh oni nonȣe siȣenniseratenion onontoharako niiahare ȣahaterennaienna, akȣa oni ok iatharhente roterennaien.

¹³ Nok nonen saorhenne, iasakohnonke ne raotio-kȣa, nok tekeni iaȣenre nihati Sasakoiatarako, neh ne ȣasakonatonkȣe, Ratikȣekonhatie;

¹⁴ Kenhnihotisennotens: Simon, nehoni ne Tier ronatonkȣen; tanon ne iatatekenha Andre; Sak tanon San; Philip tanon Bartholemi.

¹⁵ Ȣatio tanon Atonȣa; Sak Alphe roienha; Simon Zelotes ronȣanatonkȣakȣe.

¹⁶ Jude Sak rokenha; nok Sitas Iskariot nehne ronkȣetaksenskȣa.

¹⁷ Ethone onen tontahonnontastsnente nok tsi ionontaientaon iatonsahatane ronȣanonteratie ne raotiokȣa raotitiokȣa, oni iotiokȣatsanit niatoionkȣetotenson. Jude-ronon, Jerusalem-ronon, oni ne kaniatarakta tiakotentionkȣen Tyr-ronon oni Sidon-ronon akȣekon neh ieniente nahonȣaȣennaronke oni naonsaionton tsi iakohnonȣaktanionni.

¹⁸ Akȣekon oni notkonseraksen iakohnatiennine saieieȣentaseron.

¹⁹ Akȣekon ok oni iakoskennhenne ne nehok ne laiakohiatosere raotseronniatne, Aseken Tkaiakenskȣe ne raotanitenrat neh tsiakotsientakȣe.

²⁰ Ethone ne Iesos ȣasakotkatto ne raotiokȣa, nok Sahenron: Seȣataskat nise seȣentent aseken seȣaȣenk ne Niio raonakerasera.

²¹ Seȣataskat ise nonȣa seȣatonkariaks: Aseken hentsiseȣahtane: Seȣataskat ise nonȣa teseȣasenthos: Aseken hentsiseȣanikonriione.

²² Henseȣataskastston nonen henhietsisȣenseron nonkȣeekon, oni henhietsiiatinekenȣe ne raotitiokȣakon, henhietsiienratonhase oni henhietsisennatonte anios ihken iakosennaksen onkȣe Roienha rahoriȣake.

²³ Seȣatonnharonnion neh nonȣe niȣenniseratenion oni seȣatonȣessonnion: Aseken koȣanen tenseȣateriȣa serakȣase Karonhiake; ehse oni nehne nisakotiiera sehakȣe ne Sakotinihokonkenha ne Rotitokenseakȣe.

²⁴ Seȣententasere tanon nise seȣatsokoȣa; aseken seȣaketes ne seȣanikonriiotsera.

²⁵ Seȣententasere ise nonȣa seȣahton! Aseken entsiseȣatonkariake. Seȣententasere ise nonȣa seȣaiesson! Aseken entsionshenanion nok tenseȣasenthoseion.

²⁶ Seȣententasere ise ne tenhietsirensaronnion nonkȣeokon! Ehse oni nehne nisakotiierasehakȣe ne sakotiniokonkenha ne Rotitokensetseraksenskȣe.

²⁷ Ise tanon nonȣa kenh takȣathonte, ȣakȣarori: ietsinoronk ne iestsisȣens; ietsiiatakennha ne ietsiiatakȣasȣens.

²⁸ Ietsiiataterist ne ietsiriȣasȣens, nok ietsiiaterennaienhas ne teietsiionnharikhons.

²⁹ Nok nenhiaranonsaiake sahtsienhas ne skati; nok onkakiok aliiatiataȣitserakȣa tosa hetsennhes niahahaȣe ne sathasteren.

³⁰ Akȣekon niiasheion nahoten enhiesariȣanontonae; nok tosa saseriȣanonton tsinahoten ieiakoha ne saȣenksonha.

³¹ Eh nasheieras nonkȣeokon tsinitesenonȣes naiesaierase.

³² Aseken neneok ashenoronkȣake ne Iesanoronkȣa, nahoten ensatonnrakȣate? Aseken ne ionkȣetaksen sakotinoronkȣa oni neneh ne ronȣatinoronkȣa.

³³ Oh oni nahoten asalonnrakȣate neneok asheiatsennonniatenniheke ne iesatsennonniatennis? Ehse oni nehne nihatiierha ne ionkȣetaksen.

³⁴ Oni, neneok ashenihasseke ne iesanihas nahoten asatonnrakȣate? Aseken tehontatenihas oni ne neh ne ionkȣetaksen, akȣaski ens ok sateiaȣenhonhatie.

³⁵ Neh kati ȣahonni iestsinonȣehak ne ietsikenronnis, ietȣinoronk, ietsihni oni, nok tosa othenon saseȣarharek; koȣanen tenseȣateriȣaserakȣase, nok ethone oni enhietsinatonkȣake Niio Henekentsi sakoienhokonha; aseken rotanitenron tsinonkati ne ionkȣetaksen.

³⁶ Seȣatanitenraskonhak kati, tsiki nihotanitenraskon ne Etsiseȣaniha.

³⁷ Tosa teietsiiatoret nakoren: iah ki oni nise tataietsiiatorete, tosa ietsiriȣent nakoren iah ki oni nise taietsiriȣente; sheion, nok entsiehson.

³⁸ Sheion, entsieson; akȣa oni enȣatoniententseriiohake tsi entsiesatenienthase, enȣatsioron, akȣa oni tenhiontaniraton nok sekon onȣataȣenratseke, aseken ok ki keh natentiesaierase tsi entiesatennietase tsinise nenaheierase.

³⁹ Sekon are oia tonsasakoriȣakentonkȣen, ȣahenron: ahonton konh ne teharonȣekon oni teharonȣekon ahossarine? iah ontekenh tenitsiaron tiianiiatenne tsi teiontiakon?

⁴⁰ Iah ȣahi senha tehaiatanoron ne rateȣeiensta tsiniiot ne rorionnienni; nok ki tanon ne roriȣatoken ienraȣe tsinithotte ne sakorionniennis.

⁴¹ Oh nah oni niiotieren tsi neh satkattos ne tsiatatekenha rokarisen onaonskeri; tanon iah nise tesattokas ok iateionaharohare ne Sakarisen?

⁴² Enȣaton kenh natsienhase ne tsiatatekenha: kekenho, skoko tanon niare ne sakarisen, iah nise tesattokas ok iateionaharohare sakarisen? Akonȣara! neh tasatierent sasoko ne sakarisen, ethone ensanontonnion toh nasiere tsi aonsasoko ne tsiatatekenha rokarisen.

⁴³ Oriȣiio tsi karontaksen no iah teȣahiio ne ȣaianiiontta; oni karontiio neȣahiio ȣaianiiontta.

⁴⁴ Aseken kaikhne entieien terestakȣe tsini karontoten: iah ȣahi ohiktake teȣaianiiontta ne ȣisonkoȣa, iah oni ȣahi tsiokareteske tekanenharaniiontta.

⁴⁵ Raȣeriane tatakȣas kariȣiios ne tronkȣetaieri, tsiki niiot ne ronkȣetaksen ne kiok ne kariȣaksen tatakȣas ne raȣeriane; aseken tsiniiot tsi iteȣat naȣeriane eh ki niiot tsi ieȣatatis naȣennasa.

⁴⁶ Oh nahoten ahoriȣake tsi seȣaton: Seȣenniio! Seȣenniio: iah se teskȣaȣennarakȣa.

⁴⁷ Enkȣarori tsinahoten teshiatieren, ne rakeniahesen, tehakeȣennakanere, oni rakeȣennanoronkȣa.

⁴⁸ Neh teshiatieren tsiniiot ne ronkȣe ratenonsonni, ȣahakenrokȣate tsiniiore tiostenrakȣentare nok etho thahenstskȣaren; iah othenon takakȣeni nothenon nahaiere nonekanos aseken iohniron tsi tkenstskȣahere.

⁴⁹ Nok ne saiatat rakeȣennaronken oni nehneh iah ki tehakeȣennanoronston, akȣa neh teshiatieren, neh ok okenrake tontahorontonti tsi ȣahatenonsonni; aseken neh nenteȣatierente tenhiononko nonekanos enkanonsienenno; nok tenȣatenonhianite tsi nenhiaȣenne.