Luke 5 - Neh Nase Tsi Shokȣatakȣen 1880 (4 Gospels by Joseph Onasakenrat)

Ȣisk-aton nateioteriȣasonterakȣen Noriȣatokenti tsini hoiaton Roiatatokenti Luc.

¹ ONEN are kentiokoȣanen ȣahonȣaiatorenno iontaonsatathe ne Niio raoȣenna, Genesareth kaniataraktatio shire.

² Iahatkatho tekaonȣake atsiakta tkaonȣaien, ehtiioke ronneskȣe, shonharohareskȣe ne raotihonȣeia, Simon kati rahoonȣakon iahatita.

³ Nok ȣahenron: ostonha isiniiore sathonhiontakȣat, eh tahatien nok ȣasakotati nonkȣeokon.

⁴ Nok nonen saharihokten, ȣahaȣenhase ne Simon: Kaniatarhen niiahase, nok saharonti sataharo.

⁵ Tontahenron ne Simon; asontakȣekon ionkȣaiote iah othenon teiakȣaskokȣen; nok ki sane tsi ise tasatati sekonki enseȣakaharonti.

⁶ Eh kati nahaiere, nok tsiniiaȣetoȣanen ȣahoti-naȣi akȣa skanorons tahonatahariakse.

⁷ Iasakohnonke ne rontenro nahonȣatiienaȣase ihsi nehne niiore tatihonȣaientakȣe. Eh ȣahonneȣe, tetsiaron ȣahonthonȣike sekon skanorons ahonatnekitahase.

⁸ Tsiniiot tsi ȣahatkatho ne Simon Tier, ȣathoton-tsothase Iesos, raton: Seȣenniio! Ehren asete ne kiatakta: aseken ȣakeriȣaneraakskon.

⁹ Aseken eso tsi tahatonneke, oni nerontenro, tsi-nahaȣenno tsi ȣahontaharoko; akȣa ok sathotiiataȣen ne Sak nok oni ne San Zebedé sakoienhokonha nehne Simon rontenhrotieskȣe.

¹⁰ Ethone ne Iesos ȣahaȣenhase ne Simon: Tosa sateronn; ihsi enkahaȣite onkȣe iakonnhe oni ensesho iariokaȣinesheke.

¹¹ Nok nonen siionsahonrarho, akȣekon ok eli taontsiakȣarisi nok ȣahonȣasere.

¹² Enskat kati tsinikariȣes etho nonȣe natehoststekafenhaties tsi kanataienton, oh ȣathonterano roststaȣis, tsi ȣahoken no Iesos, ehtake ȣahatiatonti nok ȣahoneken, raton: Saianer! ok tasanonton nasere aonsakieȣentane.

¹³ Oksaok ne Iesos iathonisnonsaerhase, ȣahenron: neh ikere aonsasieȣentano; nok oksaok sahaieȣentane.

¹⁴ Nok ȣahotiaȣenratse nonkakiok tesakorori. Ȣas, tanisa ȣahenron, nok shenatonhas ratitsihenstatsi, nok satkaf tsi sasieȣentane tsini horiȣataton ne Moïs, neneh ȣene ahononnien;

¹⁵ Nok tanon tsi isinison ȣahosennoȣannhaonhatie, ok kikeh nontaiotiokoȣannhaonhatie nahonȣataonsatate nok notiake nonsasakotsiente tsi iakononȣaktani.

¹⁶ Nok tanon karhakon iehatasetakȣe, nok roterennaientakȣe.

¹⁷ Khare kati are onen tsi sakotatis, raiataratie ratistskȣaronniontie ne Pharisien, ratiianerenseronni nehne Galile, Jude, nok oni Jerusalem nithonenonseron etho ronatahonsate, nok oni no Niio naosastensera etho ontotasi naonsaionton ne iakohnonȣaktani.

¹⁸ Etho ȣahonneȣe tehonȣaskȣenhaȣi roiatakenheion, ronesakonhaties kahnonȣe iahontaȣehiatakȣe, nok rahohenton iahonȣanaktaien.

¹⁹ Ȣahotiioha kati kahnonȣe iahonȣaiatinion-takȣen, sotsi kentiokoȣanen, kanonsake kati iahatirathen, eh oni nonkati tahonsentakȣe tsi raiationni ne roiatakenheion akohenton nonkȣeokon tsi renteron ne Iesos.

²⁰ Sahatkatto tsinithonetakȣen, ȣahaȣenhase ne roiatakenheion: Sonkȣe, Sonterakeȣe ne sariȣanera-aksera.

²¹ Oksaok are ne ratiiatons oni ne Pharisian ȣahonniron ne rahonerientakon; Oriȣiio kehiken ronkȣe tsi rateȣennaiesatha, onka nakoren eniekȣeni entsiorakeȣe no kariȣaneren nook ne Niio?

²² Nok tanon ne Iesos Sakonikonraienteritsion, ȣasakaȣenhase, ȣahenron: ohniiotieren tsi eh nikanikonroten seȣanontonnions?

²³ Kah nikaien senha ȣatiesen: ok neno aiahiron sonterakeȣo ne sariȣaneraaksera: ok neh naiahiron satkestsko nok satenti?

²⁴ Neh ki ok oni naeseȣaterientarako tsi rokȣenin-tseraien nonkȣe Roienha onȣentsiako aonsashakorakeȣase no kariȣaneren; ȣahaȣonhase ne roiatakenheion: II ȣakonrori, satkestsko satketat nesanakta nok sasatenti tsi tisanonsote.

²⁵ Ne nakȣa oksaok, tehatikaneronnion tsi tontahatkestsko neroiatakenheion ȣahatrienonni ne raohnakta nok sahatenti tehononȣeronnionno ne Niio.

²⁶ Akȣekon ok taiontonnekhon, nok tehonȣanon-ȣeronnionskȣene Niio; iontonhakȣe: Oriȣiio tsi onȣa kenh ȣenniseratenion ȣeteȣariȣaronke tsi nahoten ne iah nonȣenton tetiakoriȣaronken.

²⁷ Nok nonen sonsahaiakenne, eh iahoken saiatat rakarotasions Levi ronȣaiasts, tsi iekarotasiata renstskȣahere, ȣahaȣenhase, taknonteratie.

²⁸ Akȣekon ok oh iekaien, tontahatane nok ȣahonontratie.

²⁹ Ȣatenniotatseroȣanen ȣahatennioten ne Levi raononskon, kentiokoȣanen ne ratikarotasions ratiiatare oni ne thiiete tsi ȣathonstskaon.

³⁰ Nok netho ratinakere ne ratiiatons oni no Pharisian ȣahonerientaksen tsi nahaiere nekenh ronkȣe, ronton: oh neh no niiotieren tsi teseȣatonsts ne ratikarotasions nok oni ne ionkȣetaksens?

³¹ Nok tanon ne Iesos tontasakoȣennaȣeron, ȣahenron: iah othenon tatohonȣatonȣentsioni ratetsiensts ne skennen tiiakonnhe, neh ȣahi nʼiakononȣaktani.

³² Iah tesekheiahaharatane tsinonkati kaianeren ne tionkȣetaieri, oni niakoianere, neh tanon ne iakoriȣaneraakskon.

³³ Ȣahonniron oni: oh nah niiotieren ne Saȣatis raotiokȣa tsi iotkate ronentontietha, ronterennaiens oni; ehoni neneh nihatiierha no Pharisian raotitiokȣa; nok nise Sentiokȣa tehonstskaons oni ratinekirha?

³⁴ Tontasakaȣenhase; Enȣaton katikenh naietsiionkariakte tsinihati sakohonkaraȣi ne roniakon, tsinikariȣes ratikȣekon ne roniakon?

³⁵ Nok ki tanon ienȣatenniserihcȣe ne ienhonȣaiatenhaȣe ne roniakon; ethone onen enhonentontiete.

³⁶ Nok kenh natontahaiere tsi ȣatesakoriȣakentonkȣen: iah naha onka ase teienanentakta nonen iokȣenniakaionhon; aseken nase enhionehare nakaion, oni tsi iah tetiatenro nase tanon nonen iokaionhon.

³⁷ Akȣa sekon neh sakat tsi iah katsotakaionne teienekarha notsitsiase; aseken nonekase tenkatsetanekare, nok enkanekaȣerontane nok oni ne katse onkaiesha.

³⁸ Ok eken tanon nonȣa nonekase katsetasetsike ki enkarake; nok eh nenteȣe tetsiaron enkeniniakenne.

³⁹ Iah oni onka nonekakaion ahanekira, nok oksaok aonsahariȣanonton nonekase; aseken raton: neh kanekiio nonekakaion.