Luke 23 - Neh Nase Tsi Shokȣatakȣen 1880 (4 Gospels by Joseph Onasakenrat)

Teȣasen asen-aton iaȣenre tcioteriȣasonterakȣen nʼOriȣa-tokenti tsini hoiaton Roiatatokenti Luc.

¹ Oksaok tontahatitane, nok Pilatne niiahonȣaiaten-haȣe.

² Nok tahontasaȣen ȣahonȣariȣarho, ronton: sakȣattokase kehiken sakonikonrataas nonkȣeokon ato-riioserako, nok rannhes nahonȣakariakso ne Cesar, Keristos ratatenatonkȣa ronontiio oni iaken.

³ Nok ne Pilat tahoriȣanontonse ȣahenron: ise ken iesanontiio ne Sitaeronon? Nok ne Iesos tonta-hoȣennaȣeron ȣahenron; akȣa atasierito tsinahoten ȣasiron.

⁴ Pilat sasakaȣenhase ne ratitsihenstakȣeniios oni nonkȣeokon: iah othenon teketsenries nahonnhi-tseraientake ne kenh ronkȣe.

⁵ Ok eken senha tahonkȣisron, tsi ronton: tesa-konikonrharanis nonkȣeokon roteriȣanotaties kana-keraserakȣekon ne Jude Galile thotasaȣe tsiniiore ne kentho.

⁶ Pilat ȣahasennaronke Galile, ȣahariȣanonton Galileanronon kenh nahaiatoten.

⁷ Ȣahotokense tsi Herod raoianerenserakon roia-tontieton. Eh kati iahotori, Jerusalemke oni neneh ihreskȣe ne Herod neh nonȣe niȣenniseratekȣe.

⁸ Herod ȣahatsennonni shahoken ne Iesos: aseken onen ȣaonnise sihaskaneks nahoken ne tsi eso ioriȣake …ariȣaronkaskȣe ne raonha raiatatake; rerhakȣe kati enhatkatto kenh othenon ioriȣanerakȣat tsinenhaiere.

⁹ Eso kati ioriȣakc ȣahoriȣanon…onnionhase, iah tanon oni nenskat tethotati ne Iesos.

¹⁰ Nok no ratiisihenstakȣeniios oni ne ratiiatons, ȣathontenonhianite tsi nahonȣariȣarho.

¹¹ Kenh kaien ne Herod oni ne raonkȣeta, ȣaho-kenron ok oni tahoieron, ȣahatennhane kenraken ȣahonȣaseronniate nok Pilatne ionsahotenniete.

¹² Nok neh ȣenniserate ȣaiatenroseronni ne Pilat tanon ne Herod: tethiatastsȣenskȣe se nohenton.

¹³ Ethone ne Pilat iasakohnonke ne ratitsihonsta-tsiokon, ronaterionton, onkȣeokon nok ȣahenron:

¹⁴ Kenhiken ronkȣe hetsiseȣaiatte seȣaton ranen-raksata: nok akȣa ise seȣattonte tsi ȣahiriȣanonton-nionhase, iah nii othenon tekatkattos nahonnhikon tsiniiot tsi hetsiseȣariȣarhos.

¹⁵ Iah oni ne Herod: eh se ȣahi iehiiatorionne, nok iah othenon tethoiatonkȣen ne tahotentson narenheiate.

¹⁶ No kati ok nii nenkatennhane enhonȣasokȣa-ȣesson nok enhaiiatkaȣe.

¹⁷ Onen are siieiohe ne saiatat ahonsahonȣannho-tonko tsinihati ratinnhoton netsi ȣentanoronsere.

¹⁸ Akȣekon ok tontahotihenrete ronton: ehren hetsiatenhaȣit kehiken nok Barabas sastsennhotonko.

¹⁹ Neh rannhotonkȣenne nekenh kaien ne tsi onkȣe sakorio.

²⁰ Pilat sekon tontahatati, roskennhen naonsaho-tkaȣe ne Iesos.

²¹ Ok eken tontahotihenrete, ronton: tetsientannharen! tetsientannharen!

²² Nok tontahenron onen neh nasen-aton: oh ne kenh akȣa nahoten shoteriȣateȣaton? iah othenon tekestsenries nahonnhikon nahostonte arenheiate; neok kati nenhonȣasokȣaȣeshon nok bensiiatkaȣe.

²³ Nok tanon taonkȣisronne tsi ratiriȣanontons tahonȣaientannharen: takanerakȣatane oni tsi teho-tihenreta ne ratitsihenstatsi oni nonkȣeokon.

²⁴ Ethone onen ne Pilat tahariȣente etho naia-ȣenne tsini hatiriȣanontonskȣe.

²⁵ Ethone oni nonsahonȣannhotonko ne shoteriȣateȣatonne, aseken eh ki oni nihatiriȣanontonskȣe nok ȣasakotsiakȣarisien ne Iesos.

²⁶ Nok nonen sihonȣasarine, saiatat ȣahonȣaonkariake, Simon ronȣaiasts Cyrenean-ronon ahotiasakotastse ne Iesos.

²⁷ Kentiokoȣanon nonkȣeokon ronȣanonteratiene oni tsionathonȣisen, iontatonstskȣenaiaakhonnionno nok teionsenthosere ronȣannhatens.

²⁸ Nok ne Iesos tontahatkarhateni nok ȣahenron: Jerusalem-ronon, tosa teseȣasentho nii akeriȣake; ise tanon teseȣatatasonthos, nok oni neh ne ietsiienhokonha.

²⁹ Aseken ienȣatenniseriheȣe nonhiontonheke: Iakotaskasts ne iah teionteȣetons, oni ne iah teioti-ȣiraientaon nok oni ne iah teionaststaronte.

³⁰ Ethone onen ienhiahironnion tsi ionontenion: Kaseȣatenontienent; oni tsi ionniaronnion: Takȣaia-taset.

³¹ Tokat nonȣa eh nakonȣaierase noiehtase, oh kati nehneh nenhkonȣaierase noientakaion?

³² Teniiase oni ne tenonkȣetaksenskȣa iahonȣa-tiiatenhaȣe nenskatne iahonȣatirio.

³³ Nonen siiahonneȣe tsi iohnontokeronte etho nonȣe nahonȣaiasakestsko, nok oni no teniiase, saiatat tsi raȣeientctakon nok no saiatat sanekȣati.

³⁴ Ratonhakȣe ne Iesos: Rakeni! Shetenr! Katiken ronaterientare tsini hontierha. Ethone oni onen ȣahonttitiiikhonhase ne raoȣenksonha, nok ȣahatiȣastotsi.

³⁵ Etho oni kakenniotakȣe teiekiineronnion; oni ne ratikorasson tihonȣaieronhakȣe, ronton: Sakoiatakennhaon notiake: ratatiatakennha tanon nonȣa onen ne Keristos, oni Niio Roienha akenhake.

³⁶ Oni ne Sotar thihonȣaieronhakȣe, akta niiahonne nok iotsitsiatken ȣahonȣanekiinonte.

³⁷ Rontonnes: Nene aiesanontiioke ne Sitaeronon satatiatakennha nok sasatateniakent.

³⁸ Ehneken tsi rotenontsistate iosȣenkiiranenta-konne, nok eh kaiaton, Grek, Ronton, tanon Hebraik kaȣennonttikȣen, Saton: Neh Kehiken ne sitaeronon Ronȣanontiio.

³⁹ Saiatat ne ronkȣetaksenskȣa oni ne ronahriskonhon, niatekon raȣennihakȣe, rosentanionnis raton: neh ne Keristos nasiatoten asatatiakakennha, nok oni nii.

⁴⁰ Nok tahatati ne saiatat, ȣahoriȣaston ȣahenron; Iah kenh tetsestsanis ne Niio ehse oni niso niiesariȣenton?

⁴¹ Ehse nii nateiontiatenstson; aseken ehki niion-keninnhikon; nok nerahonha iah othenon tehoston-ton.

⁴² Nok iahatati tsi roiatenton ne Iesos, ȣahenron: Seȣenniio! aonsaskeiarane nonen saiatanerakȣatsera-kon natentese.

⁴³ Iesos tontahoȣennaȣeron ȣahenron: oriȣiio akȣa oriȣiio tsi ȣakonrori tsi onȣa kenh ȣenniserate enteni-kȣekhene karonhiakon.

⁴⁴ Neh nahoten ne iaiak siioȣiȣtahehatie onȣentsiakȣekon taiokaraȣe tsiniiore ne tioton.

⁴⁵ Onterakȣaton, Ononsatokentike oni iohniata-rentonhakȣe asennon ȣateȣatoren.

⁴⁶ Ethone ne Iesos ȣathohenrete Ȣahenron: Rakeni sakonhion nakatonnhests; akȣa neok ȣahateȣen-nokten nok ȣahatonniseraton.

⁴⁷ Tsinahaȣenne tsi ȣahatkatho ne Sotarkoȣa, ȣa-hononton ne Niio, nok ȣahenron: oriȣiio tsi thoriȣa-iorikȣe ne konh ronkȣekenha.

⁴⁸ Tsi oni niiakon ne iakotenroronne sahontkatoseron tsi nahaȣenseron, sahontentionko nok rontaton-stskȣenaiahakhonnionne.

⁴⁹ Konh kaien no ronȣaienterine, oni tsionathon-ȣisen neh ne Galile thonȣasoronton ihsi niiore thonnete tehatikaneronnion tsiniiaȣens.

⁵⁰ Nok saiatat ne ronkȣe Sose ronȣaiasts, ratsion-haiens tronkȣetaieri oni roianere.

⁵¹ Nʼiah othenon tohoriȣanonȣelmn tsini hotiriȣison oni ne raotiȣeienna; Arimathée thanakerekȣe Sitaeronon raonatenata, neh oni nenskat ne rorha-rekȣe ahatkatto ne Niio raonakerasera.

⁵² Pilat ȣahoiatorenne, nok ȣahoriȣanontonso no Iesos raoioronta.

⁵³ Sahoiatanentahsi ne kaiasake, ohniatarahane ȣahoȣenonni, nok kenstenrarakon eh ȣahoiatata, tsi-nonȣe nareko nonȣenton onka tetiontatiataten.

⁵⁴ Neh ȣenniseratenionkȣe neh nonȣe tsinonȣe ni-iekȣatakȣas, oni onen siȣentanoronsere.

⁵⁵ Kenh kaien ne tsionathonȣisen Galile thonȣaseron ne Iesos, ȣahonȣasere ne Sose ȣakontikahenhion tsiniiossonhioten tsinonȣe nahaien ne Iesos raoieronta.

⁵⁶ Nok sakontenti, oni ȣakontikȣatako ȣenhiena-konhonsson; kenȣentatie ȣakontorissen naȣentato-kentike, tsiniiot tsi iotsiate ne kaianerensera.