Luke 22 - Neh Nase Tsi Shokȣatakȣen 1880 (4 Gospels by Joseph Onasakenrat)

Teȣasen tekeni-aton iaȣenre teioteriȣasonterakȣen Oriȣatokenti tsini, hoiaton Roiatatokenti Luc.

¹ Onen thoha siiakaeȣe tsiniȣentanorons no iah teȣattenkȣaton, oni konȣanatonkȣa Shotonnhestston.

² Kenh kaien ne ratitsihenstakȣeniios oni ne rati-iatons ratiriȣisakskȣe oh onte akȣa nahatiiere naonton ahonȣario; asoken sakotistsaniskȣe nonkȣeokon.

³ Ethono onen nʼOtkonseraksen ȣahonikonrata ne Sitas Iskariot ronȣanatonkȣa saiatat tsinihati ne tekeni iaȣenre Nihatikȣekon ne Iesos.

⁴ Neh tohiken eh ȣa: ete nok ȣathatitharen nerati-tsihenstakȣeniios oni ne ratiriȣakȣeniios tsinenthaierate tsi ensakoteȣentotase.

⁵ Toh kati onte neneh nontahontsennonni nok ȣahonteriȣisa oȣista enhonȣakariakten.

⁶ Nok oh niiot tsi ȣasakorharaststen; neok oni sresakskȣe naontiesenne ok oni tosa akȣa akariho-ȣannha tsi ahoiena.

⁷ Onen kati nonȣa neh iaontenniseriheȣe tsini ienataronnis ne iah tekasherhatkenton eh oni nonȣe ni-ȣenniserate nenkonȣario teiotinakarontonha oȣira neneh Shotonnhestston.

⁸ Iesos iasakotori Tier, tanon San ȣahenron: ȣasene Senikȣatakoha nahoten enteȣako naeteȣaierite tsi-niȣatenientcn ne shotonnhestston.

⁹ Tontaniron; Kah kati nekonh nonȣe ienhiake-nikhonni?

¹⁰ Iesos tontahenron: no nonen ienseninatarane tenseȣaterane ne ronkȣe onekanos ratsetenhaȣi; hotsiseniser, nok iatsiataȣeiat tsinonȣe ienshataȣeiate.

¹¹ Nok hotsisenirori ne ranonsakȣeniio, seniron: Roianer iateriȣaniotennihatie: kah iaken nonȣe ni-iohnaktaien tsinonh nataiakȣastskaon nakitiokȣa ne Shotonnhestston?

¹² Tionaktoȣanen tionaktaien oni kanonsaseronni tsi nonȣe nentsiseninatonhase; etho kati nonȣe nase-nikhonni ne Shotonnhestston.

¹³ Oksaok ȣaiatenti, nok akȣekon eh niiot tsi ȣa-nitsenri tsinithoioren tsi tesakorori, etho kati nonȣo nanikhonni ne shotonnhestston.

¹⁴ Nok nonen siiakaheȣe, atekkȣarastserakta ȣarehte, oni ne tekeni iaȣenre Ratikȣokonno.

¹⁵ Ethone ȣasakaȣonhase, ȣahenron: eso tsi ȣakaskanekon ne sekon enskat iataonseteȣatonto kehiken shotonnhestston ohenton nakeronhiakon.

¹⁶ Aseken ȣakȣarori tsi iah sekon tateskastskaonne, tsiniiore nohenton akanane rahonakeraserakon ne Niio.

¹⁷ Nok ethono ȣatrakȣo ne katse ȣahaiatateriste, nok ȣahenron: Teseȣak nok seȣatatiakhonhas.

¹⁸ Aseken ȣakȣarori tsi iah teseknekirane nonenharakeri, tsiniiore ienȣaȣe ne Niio raonakerasera.

¹⁹ Ethone onen kanatarok saharako, ȣahaiataferiste oni neneh, ȣathaiake, tasakaon nok ȣahenron: Neh kehiken nakieronta no iestsiiateȣentotase; eh naseȣaier nii akeiaratserakon.

²⁰ Etho oni neneh nahaiere ne kastse nonen saha-tikkȣentane, tasakaon, ȣahenron: Kehiken kastse neh nase tsi kakȣatakȣen akonekȣensako ne oni ne ietsinekȣensariso.

²¹ Kenh sane sekon nonȣa nateiatiatonts ne raka-tenninonre.

²² Akȣa ki ok iatekakonte tsi satentionhe nonkȣo Roienha tsini kariȣataton; nok ki tanon rotentasere onka ne ronkȣe enhotenninon.

²³ Onen neneh ȣathontateriȣanontonnionhase onka onto ienhoterasȣaksenno tsinihati neh niion-haiere.

²⁴ Rotitharakȣenne oni onka onte senha tsinihati enkaiatanoronke.

²⁵ Nok tanon ne Iesos ȣasakaȣenhase, ȣahenron: Rotinontiiosson akȣa ok tisakotiȣenniio nonkȣe okon; nok ne ronȣatiriȣaȣi iesesakohnaststerista ronȣatina-tonkȣa thotiriȣaieri.

²⁶ Iah tanon nise etho taiohton: ok ekenh tanon ne senha raiatanoron eh nithatattat tsiniiot nakȣa niieraha, oni ne rariȣakȣeniio tsiniiot no rannhatsera.

²⁷ Kah nikaien senha raiatanoron, neh atekkȣaratserakta renstskȣahere ok ne ens ne rakȣaherha? Neh ȣahi natekkȣaratserakta renstskȣahere? Tsi ki nonȣa nʼii niiot seȣentiokȣihen thikistskȣahere tsiki niiot no rakkȣaherha.

²⁸ Ise oni ȣahi ne ionkȣariskonhonhaties tsinahe ȣakeronhiakenhaties.

²⁹ Ne kati ȣaonni ȣakȣatakȣenniaienhase ne kana-kerasera tsiki niiot tsi rakatakȣenniaienni ne Rakeniha.

³⁰ Nenskatne iataonseteȣastskaon iaonsoteȣane-kira oni akatekkȣarane akenakeraserakon; Nok ȣanistskȣaratseranoronke aonteseȣenstskȣarake taies-tsiiatoretako ne tekeni iaȣenre nihotitarake nʼIsraerronon.

³¹ Ȣahenron oni ne Roianer: Simon! Simon! Iah tehatorissens nonessonronon renekha naiasheȣe tsiniiot nonatsia.

³² Nok ki tanon konhiaterennaienni, ne tosa aesari-ȣanoronse: Ne kati oni nise nonon tensatonnhateni enseriȣiioston, shenikonranirat Seȣatatekenokon.

³³ Tontahenron ne Tier: Saianer! ȣakatateȣeien-nentaon akonhiariskonte, tokat tsi iontatennhotonkȣa, ok oni ne kenheiatne.

³⁴ Iesos tontahoȣennaȣeron, ȣahenron; Tier ȣa-konrori, tsi iah taontontati ne kitkit nonȣa kenh ȣenniserate nʼiah niare asen taskatonnhiiasere tsi askienterihake.

³⁵ Nok sekon tontasakaȣenhase: othenon kenh tiseȣatoktani ne Seȣaiatoskons siiakȣatori? Tontahon-ȣaȣennaȣeron: iah othenon.

³⁶ Nok tontahenron; onen kati nonȣa irastst ne ronatatseraien, nok oni ne roiaraien, nok onka iah tehossaraien nassarekoȣa rotenninon ne rahotiataȣit nok enskat rassaraninon assarekoȣa.

³⁷ Aseken ȣakȣarori tsi iatekakonte oni noneh oh niiaȣensere, oni enkahnane tsini kaiaton nii kiatatake. Eh nontahonȣatato tsiniiot ne tsiakoteriȣateȣaton. Asekon oriȣiio onȣe tsi onen eh niiaȣensere tsiniiot tsi teȣatrori nii akeriȣake.

³⁸ Nok tontahonniron: Saianer! kenh ȣahi tekeni toionkȣassaraion nʼassarekoȣa. Nok tontahenron: ethoki tsinikon.

³⁹ Onen are Sahatenti onontoharako olivier niiahare, nok ȣaonȣasere ne raotiokȣa.

⁴⁰ Nok nonen siiaharaȣe neh nonȣe, ȣasakaȣenhase: Seȣaterennaien aiaȣens tosa aeseȣasenni ne kanikon-rotakȣen.

⁴¹ Isi niiore niiahare, neh nahoten nenskat iaiakoh-nenhionti, nok iathatonstsoten nok iahaterennaien.

⁴² Raton: Rakeni! asathontatseke ehren askhaȣi-ten kehiken kastse! Tosa ki sane ii tsiniȣakenikonro-ten naiaȣenne, ise tanon tsini tisanikonroten!

⁴³ Nok Raronhiakeronon Karonhiake nontare ȣahonikonranirate.

⁴⁴ Nok ne rahonha Skanorons iahrenheie onen senha tahakȣisronne tsi roterennaien; nok ȣathatari-henseronkote akȣa ȣakanahotonnion tsiniiot nʼone-kȣensa.

⁴⁵ Tonsahatane sahaterennaientako, oh niionsare tsi thatiteren ne raotiokȣa, ionsaraȣe rotitas tsini hotinikonraksens.

⁴⁶ Ȣasakaȣonhase: oh niiotieren kenh seȣentas? Seȣatkestsko, nok seȣaterennaien aiaȣens tosa aese-ȣasenni ne kanikonrotakȣen.

⁴⁷ Sekon ok nihotaratie etho ȣahonenrakotote, nok neh ranenrisere ne Sitas ronȣaiastskȣe, nok Iesos ȣahoteranentakten ne tahonoronkȣanion.

⁴⁸ Nok ne Iesos tahenron: Sitas enskat kenh ten-tseuoronkȣanion tsi hentsiatenninon nonkȣe Roienha?

⁴⁹ Ethone onen Sahonikonraientane tsini iaȣen-ssre ne raiataktontie ratiterontakȣe, ȣahonniron: Saianer! enhiakhiiassaroiake kenh?

⁵⁰ Saiatat kati tahassarohtsiate, nok ȣahoiente nehne ratsihenstatsikoȣa rahonnhatsera, nok iahohontiakte tsi raȣeientetakon nonkȣati.

⁵¹ Nok tanon no Iesos tahatati ȣahenron: rohne-ronhatie sekon nonȣa. Nok sahohontoten sahotsiente oni.

⁵² Ethone oni ne Iesos ȣasakaȣenhase ne ratitsi-henstakȣeniioe oni ratisennoȣanens nok oni ne rotik-stenhokonha ne ronȣaienasere, ȣahenron: ȣhoteriȣa-teȣaton kenh hetsiseȣaienasere tsi seȣassarenhaȣinontie nassarekoȣa oni ne kannhia?

⁵³ Niateȣenniserake sane teȣakȣekonhatieskȣe ononsatokentikoȣane nok iah teskȣaiona; onenki iakahoȣe ne seȣennisera, nok asatakonronon ahosaststensera.

⁵⁴ Onen ki ȣahonȣaiona nok iahonȣaiatenhaȣe, ratsihenstatsikoȣane iahonȣaiatinionte; nok ne Tier ok ihsi niiore thontare.

⁵⁵ Atehenrihen otho ȣahonlekato nok eh ȣahon-tion, eh oni neneh ȣahatien ne Tier.

⁵⁶ Skaiatat ne kannhatsera ȣahoken tsi eh roten-hion ne Tier, niare ȣathoiatoretanion nok ethone ȣakenron: Ne noriȣiio tsi neh kehiken saniiatat.

⁵⁷ Ȣahatonnhiie ȣahenron: tsi sathonȣisen iah othenon tehiienteri.

⁵⁸ Kenh ok nahe tihaiatate sahoken, ȣahenron: nehonte ȣahi seseniiatat tohiken; tontahenron ne Tier, iah ii tehken neneh akenhake.

⁵⁹ Ne nahoton nenskat ȣakaȣistaheke ohnakenke tihaiatate sekon sahenron: Neh onte noriȣiio tsi ok neh saniiatat kenhiken: Kalileanronon oni ȣahi neneh.

⁶⁰ Sekon are tontahenron ne Tier: Tiakariȣaken-niate sonkȣe! iah othenon tekeriȣaienteri tsi nahoten saton. Nok areko ok tiiehoteȣennokte nensok tontati ne kitkit.

⁶¹ Nok ne Roianer tontahatkarhateni ȣatlmtka-neren ne Tier; nok ne Tier Sareiarane tsi nithotati: ohenton naontontati ne kitkit asen nenskatonnhiiase.

⁶² Oksaok ne Tier Sahaiakenne nok ȣathasentho neh nakȣa ihken.

⁶³ Kenh kaien ne ronȣatienaȣaston ne Iesos, ok tihonȣaieronhakȣe oni ronȣakonrekhonskȣe.

⁶⁴ Ȣathonȣakarannhake nok ronȣakonreks, ronton: iatsienterenn onka ȣaesakonroko.

⁶⁵ Sekon eso ioriȣako tsinithatiioratakȣo tsi ron-ȣenratonnihakȣe.

⁶⁶ Nok tsi ȣahorhenno ethone onen ne ronaterionton ratitsihenstatsikoȣastson oni ratiiatons ȣahont-kennisa, nok tsi katsienhaien niiahonȣaiatenhaȣe.

⁶⁷ Nok ȣahonniron: takȣarori ise ken ne Keristos. Tontasakoȣennaȣeron: nok oni nakȣarori katiken entiseȣetakȣe.

⁶⁸ Tsi ki niiot nakȣariȣanontonse, iahse tataontas-kȣaȣennaȣeron, iah oni taonsaskȣatkaȣe.

⁶⁹ Iatekakonte ki nonkȣe Roienha tsi ienshensts-kȣarake tsi thaȣeientetakon oni roosastenserakon ne Niio.

⁷⁰ Akȣekon ok tahonniron: Niio kati kenh nekenhen Iaienha? tontasakoȣonnaȣeron ȣahenron: akȣa ki ȣahi ise oni neh seȣaton tsi neh rakienha.

⁷¹ Tontahonniron: nahoten sekon aonseteȣariȣisak-takeakȣaȣahi nonȣa ii ionkȣathonto tsini kaȣennoten tahaȣenninekonne.