Luke 17 - Neh Nase Tsi Shokȣatakȣen 1880 (4 Gospels by Joseph Onasakenrat)

Tsiatak-aton iaȣenre teioteriȣasonterakȣen Oriȣatokenti tsini hoiaton Roiatatokenti Luc.

¹ ETHONE ne Iesos ȣasakaȣenhase no raotiokȣa: iatekakonte nehne tsi tenhiontateriȣaientaten; nok rotentasere onka enshakoriȣaientaten.

² Senha ioianere tsi katheta ȣatenenhiarakȣa ahon-ȣanenhianiionthase nok kaniatarhen iahonȣaiator i, tsiniiot nasakoriȣaientaten enskat nʼeksaokonha.

³ Seȣatatenikonrarak kati: tokat tetsiatennonte…o enhianikonraksate, hestsiatteten; tokat enshatatre-ȣate, sasanikonrhen ki oni nise.

⁴ Tokat tsiatak niioriȣake seȣennisera aianikonraksate, nok ok oni khe niioriȣake tahontare nok aiarori ahenron: skatateriȣastani, sasanikonrhen.

⁵ Ethone no Ratikȣekonne ȣahonȣenhase no Roianer: Takȣaiestas ne teȣotakon.

⁶ Nok ne Roianer tahenron: arahona tsini kanenha notsinekȣar nikatsinetaroten niȣa aesoȣaientake ne teȣetakȣen: Iah othenon tehken aeseȣenhase kehiken kerhite: ȣatenaharostsi nok kaniatarake iekaniotann; nok ensoȣaȣennarakȣe.

⁷ Onka oni tsinitsion ahonnhatseraientake kenȣen-tatie ahoioteke ok ne ens katsenen asakononnatieseke, nok iahoken tontare oksaok ahaȣenhase: atek-kȣaratserakta iset nok tesastskahon.

⁸ Toka kenh ahaȣenhase: Takekhonnien, sateniionten, nok takckkȣacrhas tsiniiore ienȣakatane oni onȣakehniatanaȣen; Ethone onen nise tensastskaon ensnekira oni?

⁹ Neh kenh enhatonnrakȣate ne konh kannhatsera tsi eh nahaiere tsiniiot tsi ronȣannhaon? ikere iah onte.

¹⁰ Eh kati oni niso niiot, nonen enseȣariȣaierite tsi neniestsinnhaon, seȣenron: iah othenon teiakȣa-tonron; aseken neki ok nonkȣaiotensera ionkȣaioten-hon.

¹¹ Nok nonen Jerusalem siiahaȣenonhatio tsite-hontonȣentsiakhenhatie ne Samari tanon ne Galile niiahare.

¹² Onen thoha siiaraȣe ionatakȣenrare, oieri nihati rotiststaȣis ȣathonterane, ihnon kati ok tontahatitane.

¹³ Nok ȣathotihenrete, nok ȣahonniron: Iesos, Saianer! askȣentenre.

¹⁴ Nok nonon sasakoken, ȣasakaȣenhase: ȣaseȣe, Ratitsihenstatsine iahasene. Nok tsniiore niiahone-nonhatie eh sahatiieȣentane.

¹⁵ Nok saiatat, akȣa neok Sahattoke sahaieȣentane, sahakoto tehononȣeronnionne ne Niio tsinihaȣenna raȣennotatie;

¹⁶ Nok rasitakta ne Iesos sahatiskȣentaron teho-nonȣeratons. Samaritan tohiken nakaiatoten.

¹⁷ Ethono ne Iesos tahatati, ȣahenron: Iah kenh toshotiieȣentaon noieri nihati, kah kati niiehonenon ne tioton sekon nihati?

¹⁸ Neok kenh kehiken nok thihate tontahononȣera-tonne ne Niio.

¹⁹ Ethone ȣahaȣenhase; testann, nok sasatenti; neh sesatsiente tsi tisetakon.

²⁰ Onen oni Pharisian ȣahonȣariȣanontonse, katke enȣaȣe ne Niio raonakerasera, tontasakoȣennaȣeron, ȣahenron: iah nah sotsi ok ihnon, taontontrori nonen onȣaȣe ne Niio raonakerasera.

²¹ Iah oni naha taiahiron: Kenh ȣahi ihres; ok ne ens kenh ȣahi itres. Aseken nonȣa teseȣaiatokens-son ihȣes ne Niio raonakerasera.

²² Ȣasakaȣenhase oni ne raotiokȣa: ienȣatenniseri-heȣe tsinonȣe nenseȣaskaneke naoseȣatkatho enskat oni nonkȣe Roienha raȣennisera; nok iah kitanon teseȣatkathosere.

²³ Nok enhietsirori enhiahiron: kentho ihres; tokas oni kenh nonkati itres. Tosa ki tanon eh niiahasene, tosa oni ietsinonteratieson.

²⁴ Asoken tsiniiot nateȣancnnekaraȣe, tekaron-hiiakta tsi kahniararha, eh kati oni nehne nenhiaȣenne nonon tentre nonkȣe Roienha.

²⁵ Niarekȣe ki tanon eso enharonhiaken, enhonȣa-teȣenteto oni ne kenh kaȣatsirate.

²⁶ Tsiki niiaȣenhon Noë sihotenniseratenion; eh kati oni nehne nenhiaȣenne nonkȣe Roienha enho-tenniserateke.

²⁷ Teiakostskaonkȣe oni ienekirhakȣe, iakohniakskȣe oni teiontateniaktennihakȣe tsiniiore iahata-ȣeiato no Noë rahohonȣakon; nok tonhnohton akȣekon oni ȣahakorio.

²⁸ Eh oni niiaȣenhon sihotenniseratenion ne Lot: teiakostskaonkȣe, ienekirhakȣe, iehninonskȣe, ion-tenninonskȣe, ieienthoskȣe, nok iontenonsonnianion-skȣe.

²⁹ Nok tanon nonon sontahaiakenne no Lot tsi kanataien ne Sodom; Otsire iontenatentasta tekaieston ȣahokennore akȣekon ȣahakorio.

³⁰ Etho kati oni nehne nenhiaȣenne nonen ienȣa-tenniseriheȣe nonkȣe Roienha raȣennisera.

³¹ Neh nonȣe teȣenniserate, onka kanonsake en-haratake, nok ne raoȣenssonha kanonskon tkakeron, tosa tethastsnent naonsahakoha; nok ne kahotakon ienhreseke, tosa shakoha tsinahoten tkaieri ne kanonskon.

³² Saseȣeiarann tsini ioiataȣenhon ne Lot ronekenha.

³³ Onka enhaskennha tsi ronnhe, enhotonse; nok nʼenhateȣentete hensronnhete.

³⁴ Ȣakȣarori neh nonȣe teȣasontate teniiase onhni-nastseke skanaktatne: saiatat enhonȣaiena, nok enhonȣatkaȣe ne saiatat.

³⁵ Tekeniiase tsionathonȣisen enskatne enkenithetake: skaiatat enkonȣaiena nok enkonȣatkaȣe ne skaiatat.

³⁶ Teniiasse kaehtakon enneseke, saiatat enhonȣaiena, enshonȣatkaȣe ne saiatat.

³⁷ Tontahonȣaȣennaȣeron ȣahonniron: kah ne kenh nonȣe Saianer eh nenhiaȣenne? Tontahenron: akȣa tsi ok nonȣe nenhioiataststokotonke nonkȣe kenha eh oni nonȣe nenkontkennisa nʼAkȣeksokon.