Luke 16 - Neh Nase Tsi Shokȣatakȣen 1880 (4 Gospels by Joseph Onasakenrat)

Iaiak-aton iaȣenre teioteriȣasonterakȣen Oriȣatokenti tsini hoiaton Roiatatokenti Luc.

¹ Ratonhaȣe oni ne Iesos: saiatat ne rostsokoȣa enskat ronnhatseraien ne rororoki ȣahonȣariȣarho rotiesatenni no raoȣenksonha.

² Iahononke, ȣahaȣenhase: oh nahoten keriȣa-ronkas nise sariȣake? Skontseraseronni kati tsiniiot tsi saterihonte; aseken iah ki sekon noia kenh tiiaon-sasiere nakaȣonk sonha.

³ Ȣahenron no kenh raroroks no raȣerientakon: oh natenhiaȣennekenha onense ȣahi no raiatakȣeniio sahakeriontako tsi Kaststeristakȣe ne raoȣenksonha? iah takkȣeni nonȣentsia kenh nakiere, nok katehens ne takastsarite.

⁴ Ȣakatorientare tsi nenkiere naontetsenri ne taionkarhoton tsi rotinonsoton nonen entsionkerion takȣen.

⁵ Ethone akteson tsi iasakohnonkhon ne ronatkaroton, ȣahoriȣanontonse ne rahente, ȣahenron: Toh nikon iakarotani nakkosȣe?

⁶ Tontahenron: Enskat teȣenniaȣe nikanakȣake kenhie. Nok ne raroroks tontahenron: Satsiena no saiatonsera, nok kenh sanistskȣaron oiah sasonni ȣisk ok nenseȣassen.

⁷ Tihaiatate sahoriȣanontonse: ok nise, toh nikon satkarote? Enskat teȣenniaȣe nikaȣinotserake onatsia. Nok ne raroroks tontahenron: satsiena ne saiatonsera, nok oiah Sasonni ne satekon niȣassen.

⁸ Nok ne Rostsokoȣa, ȣathorensaron ne raonnhatsera iah tehoriȣatoken, neh tsi nihaȣeiente tsi nahaiere, aseken nonȣentsiakekha akoienhokonha senha iontatenikonrare tsinikariȣes iakonnhetie, tsiniiot ne kasȣathetsera akoienhokonha.

⁹ Nok nii kȣaroris oni, seȣatenroseronni ne ȣastso-koȣatseraksen, aiaȣens nonen enseȣatokten, taiestsi-iarhoton rahotinakeraserakon iatekakonte.

¹⁰ Onka roriȣatoken tsinonȣe niioriȣaha roriȣato-ken ki tsinonȣe niiorihoȣanens; nok no iah tehoriȣa-token tsinonȣe niioriȣaha, iah ki tehoriȣatoken tsinonȣe niiorihoȣanens.

¹¹ Tokat kati nonȣa iah tosariȣatokenne tsinonkati ne ȣastsokoȣatseraksen, onka kati enhiesatakȣennia-ienhase noriȣiio, ȣastsokoȣatseriio oni?

¹² Tokat oni nonȣa iah tesariȣatokon tsinonȣe nakoren akoȣenk, onka kati entieson ne saȣenk?

¹³ Iah tahakȣeni ne rannhatsera tekeni taokosȣe-tseraientake; aseken tokat saiatat enhosȣen, nok enhonoronkȣe ne saiatat; tokat enhokonnienste saiatat, enhokenron ne saiatat iah kati oni niso taonton ne Niio hatsiseȣaiotense tanon Otkon.

¹⁴ Tsinihati ne Pharisian ronataonsatokȣe tsinahoten ȣahenron ok tahonȣaieron aseken rohnasken-nhasene ne rononha.

¹⁵ Ȣasakaȣenhase kati: Iseȣere kinise Seȣaianerese nonkȣene; nok tanon ne Niio akȣekon raienteri tsini seȣeriasotens; Aseken tsinikon ioriȣanoronsta nonkȣe okon akȣekon roriȣaston ne Niio.

¹⁶ Kaianerensera tanon Rotitokenseakȣe ȣatatiene tsiniiore ne San. Nok eh nahe tiotasaȣe onon kariho-ȣanaton ne Niio raonakerasera; akȣekon ok oni iakoskennhen niaiontaȣeiate.

¹⁷ Senhase ȣatiesen taontohestste tsi karonhiate oni tsi ionȣentsiate tsiniiot ne skaiatonkȣa aiohsense tsini kaiaton ne kaianerensera.

¹⁸ Onkakiok enshatekȣatc ok ne ens tenshiatekhasi nok oia enshoniake, enhariȣanerake kentesera, nok onkakiok enshatateniakten ne skonȣatekȣaton enhariȣanerake kentesera.

¹⁹ Saiatat oni naha ne rokȣastsekoȣa; neok no kanoronson rastseronniatakȣe, neok oni ne niateska-kkȣiiosson irakskȣe ok tiiateȣenniserake.

²⁰ Saiatat oni nerotent Lazar ronȣaiastskȣe tsi ronnhokaronte ne rokȣastse rahiationnikȣe, raiata-kȣekon roststaȣiskȣe.

²¹ Raskaneksȣe narahona neh ahrake ne tkaniserens rahotekkȣarane ne rokȣastso, iah tanon onka tehonȣaȣiskȣe; erhar ok eh kontikȣattoskȣe nok kontikanonetskȣe tsi roststaronnion.

²² Khare onen Sarenheie ne rotent, Ratironhiakeronon iahonȣaiatenhaȣe ranaskȣakon nʼAbraham; Sarenheie oni nehne ne rokȣastsekoȣa nok ȣahonȣa-iatata.

²³ Nok nonen sihotetsiraton, oni Onesson roronhiaken, ȣahatarakestsko, nok ihnon iahoken Abraham, nok ranaskȣakon eh thotonnhahere ne Lazar.

²⁴ Ȣathohenrete, ȣahenron: Rakeni Abraham, askitenre, ahontastsiatori ne Lazar, aȣenke iataha-nisnonsoȣe nok ahatieȣenthotakȣe Rennasake; aseken iah tiiaieriȣaheȣe tsini ȣakeronhiaken kehiken kenh nonȣo otonkokon.

²⁵ Tontahoȣennaȣeron nʼAbraham ȣahenron: Kien saseiarann tsi sastsokoȣane nonȣentsiake nok ne Lazar eso roieshaon, onȣa kati nehne nonȣa onen rotsennonni, nok niso ioronhiakentastsanit saronhiakentha.

²⁶ Iah ki oni neok toioriȣa ioshonhioȣanen tsi ioton-ȣentsiiakon ne teionkȣakhasiaton; nese ȣaonni iah teseȣatons ne kentho iaiontenti nok eh iaien tsi tesiteron, iah oni neh aontaiontenti nok kentho nahontaien.

²⁷ Nok nerokȣastse, ȣahenron: ȣakonneken kati Rakeni Abraham, iahonsastsiatori ne Lazar rakenineha.

²⁸ Aonsasakororiana ne ȣisk nateiakȣatennontere aontonsseke tosa aiakȣariskon.

²⁹ Tontahenron nʼAbraham: sakotiȣennenhaȣe ne Moïs oni ne Rotitokense, neh ratiser.

³⁰ Sekon tontahenron ne rokȣastse: tosa, rakeni Abraham; toka se nonȣa enshontatreȣate nonka kiok iakaȣenheion ahonsahonȣatiroriana,

³¹ Nok nʼAbraham tontahenron; tokat iah ten-hontahonsatathe tsini honen ne Moïs oni ne rotitoken-senakȣe, iah kisenha tahontahonnetakȣe naonsasakotiken aonsaiontonnhete niakaȣenheionne.