Luke 13 - Neh Nase Tsi Shokȣatakȣen 1880 (4 Gospels by Joseph Onasakenrat)

Agenh-aton iaȣenre teioteriȣasonterakȣen Oriȣatokenti tsini hoiaton Roiatatokenti Luc.

¹ Ethone oni otiake netho ionkȣene, oriȣakȣekon sahonȣarihoktase tsini hotiiataȣenhon ne Galilean-ronon nehne Pilat sakoȣenthon nok ronationkȣaron-niatakȣen ne nihoti nekȣensa.

² Iesos tontiisakoȣennaȣeron, ȣahenron: Iseȣere katiken senha ne rotiriȣaneraakskonne neh nahonȣa-tiierase tsiniiot notiako Galileanronon?

³ Iah eh teiot; nok tanon kȣarori, ne iah tontaiso-ȣatatreȣatane ehse oni nise nenseȣahiataȣen.

⁴ Tokaʼsʼoni nehne iseȣere ne satekon iaȣenre ni-ionkȣetake teiakoiatorarakon oni ronaȣentaon sakani-katienenne ne Siloe, senha teiakotenstson nasakore-ȣate ne Raȣenniio tsiniiot notiake ne Jerusalem-ronon?

⁵ Iah oni neneh; nok tanon no iah tentsiseȣatatre-ȣatane ehse oni nise nenseȣaiataȣen.

⁶ Kenh oni nahaiere tsi ȣatesakoriȣakentonkȣen: Saiatat ne ronkȣe ȣisonkoȣa rotkȣirote raotehenrakon, khare onen rahisakhe nok iah othenon tehotsenrion.

⁷ Nok ȣahaȣenhase ne ratsitsiaienthos: onen neh asenniioserake sitkahisakhes kehiken iokȣirote, nok iah othenon teketsenries: itsiak kati; nahoten aho-riȣa ok seȣatieren tiiotonȣentsiatieronkȣen?

⁸ Nok ne ratsitsiaienthos tontahoȣennaȣeron, ȣahenron: Saianer, ioniotak niha sekon nonȣa ioseratatie, niare enkterotasionko nok enȣakitonti.

⁹ Tokat nonȣa enȣaianiionten ioniotak ki; tokat iah ethono ki enkaiakon.

¹⁰ Enskat oni aȣentatokentike ononsatokentike sakotatihakȣe.

¹¹ Etho ȣahaken tsiothonȣisen nonen satekon ia-ȣetire niioserake siiotienni notkon, onen oni iah teska-kȣenies ehneken iaonsontkatho tsinateionoȣiiakon.

¹² Iesos iahennonke nok ȣahenron: kien sahsie-ȣentane tsi sanonȣaktani.

¹³ Iathonisnonsaerhase; sontiatakȣarisi oni sakaie-ȣentane, nok tehononȣeronnionskȣe ne Niio.

¹⁴ Kenh kaien ne ratsihenstakȣeniio neh nonȣe niionterennaicntakȣa oia nontahotierase tsi aȣonta-tokentiko sahatetsiente ne Iesos, tahatati kati ȣahenron; Iaiak ȣahi nonta iotoriȣison naiakoioton; otho-nonȣe kati aonteseȣe naonsaietsitsiente nok tosa nʼaȣentatokentike.

¹⁵ Nok ne Roianer tontahoȣennaȣeron, nok ȣahenron: Tesanonȣaraȣenrie! iah kenh teietsinorensions naȣentatokentike neseȣatsenenhoken naiestsineka-nontenra?

¹⁶ Iah kati totkariȣaiori naȣentatokentiko aonsa-konȣanerensi enskat nʼAbraham sakoienha nonon satekon iaȣenre niioserake siioneron notkonseraksen.

¹⁷ Neok ne tontahalinekȣentarenno neronȣariȣa-iakskȣe; nok nonkȣeokon tehiontenonȣeratonnionskȣe tsi iontkattos nioriȣanerakȣatenion tsini haierhakȣe.

¹⁸ Ratonhakȣe oni: Nahoten testiatieren ne Niio raonakerasera, oh onte oni nahoten taontakatenien-tensto?

¹⁹ Akȣa neh testiatieren tsiniiot neronkȣe raotehenrakon ȣahaientho otsinekȣar nikanenhoten; ȣaka-nio, nok karonta iahonton, ieiohe ki notsitenhokonha ahonenrokon etho konstsinakonnianions.

²⁰ Nahoten taontakatenientenste ne Niio raonakerasera?

²¹ Akȣa neh testiatieren tsiniiot ne ionttenkȣatta, ne tsiothonȣisen asen nikaksake ottosora ȣatkaieste, tsiniiore akȣa ienȣettenko.

²² Tehoststekatenhatieskȣe tsi ionatakȣenraron, Sakorionniennihatie, nok Jerusalem ȣathahohienhen-hatie.

²³ Saiatat ȣahoriȣanontonse ȣahenron: Seȣonniio! niiakonha kenh ne iontsennonniane Karonhiake.

²⁴ Tontahenron: seȣaskennha no tsinonkati nikannhohaha aheseȣataȣeiatakȣe, aseken kȣarori, kentio-koȣanen enhionteniente nʼiaiontaȣeiato nok iah ta-iekȣeni.

²⁵ Nok nonen enshataȣeiate ne Ronȣaniha, enshannhoton oni, ok astste ienseȣenterontake, ethone entiseȣatasaȣen enȣeȣannhohaiake, enseȣatonheke, Seȣenniio! takȣannhotonkȣas, nok ne raonha enthenron iah othenon teȣakaterientare kah nitiseȣenon.

²⁶ Ethone oni onseȣenron tsiatakta teionkȣas-tskaon ionkȣanekiren oni, nok onkȣanatakon tsi teka-natokenhaton Shoiatatiskȣe.

²⁷ Tentotsiseȣenhase: katon ki ȣahi iah tokȣaien-tori ehren saseȣet.

²⁸ Ethone onen tenseȣasenthoseron, tensoȣanoka-raniehon oni tsi enhiestsiken; Abraham, Isaak, Jacob, oni ne Rotitokense okon raonakeraserakon ne Niio, nok nise astste entiestsiiatonti.

²⁹ Tsi iateȣastsothos, oni tsi Tkarakȣinokons, ottoreke nok Entie nentienseron nenhiontekkȣaren rao-nakerasorakon ne Niio.

³⁰ Ethone okon enhiontharatate no iontatkenronnis, nok ehtake niienhentsien nʼiontatkonniensta.

³¹ Ok neh sahennisera eh ȣaonneȣe Pharisian ȣa-honniron: Ehren aonsasete aseken Herod ihrere aiario.

³² Tontahenron: satsiseȣaroriana tohiken ratsistso: Sekon nisekheiatekȣatanions nonatkonseraksen, nok nonȣa tanon nenhiorhenne enkeȣeiennentano tsi skatetsentanions, nok nasen-aton nenȣataenkatorissen.

³³ Nese ȣaonni ȣakateriȣaienni ki nakatenti nonȣa oni nenhiorhenne, nok tsi ientsiorhenne: Iahse ȣahi taonton nakte nonȣo narenheie ne Rotokense neok no Jerusalem Kanatakon.

³⁴ Jerusalem, Jerusalem ise ne sheiaȣenttos ne Rotitokense, nok shenenhioiaks no tiesatennietenni! toh niioriȣake ȣakatenienten nakheiataroroko no Seienhokonha, tsinikaierha ne kitkit tsi iakoiataroroks nakoienhokonha kaneraontsokon, nok iah tesathontaton.

³⁵ Nese ȣaonni ononsokon enȣaton tsi sanonsote; nok oriȣiio tsi ȣakonrori tsi iah taonsaskken, tsiniiore, ienkaheȣo nasiron: Ronȣasennaien ne Tare raosennakon ne Raȣenniio.