Luke 12 - Neh Nase Tsi Shokȣatakȣen 1880 (4 Gospels by Joseph Onasakenrat)

Tekeni-aton iaȣenre teioteriȣasonterakȣen Oriȣatokenti tsini hoiaton Roiatatokenti Luc.

¹ Onen are akȣa iah tetsiotiatohests tsini iotiokȣatsanit ȣahonȣaiatorenne, ȣasakaȣenhase ne raotiokȣa: Seȣanikonrarak tosa Seȣarann ne Pharisian rahonat-tenkȣatha neh nʼakȣa aoskon neok no iontkonȣaro-roksta.

² Aseken iah tekaien neioteriȣaseton ne iah taka-tokensere; iah oni ȣene taontonsere ne kariȣaseton.

³ Nese ȣaonni, tsinikon asatakon entiseȣaȣennine-kenhon akȣekon kasȣathetserakon entsiseȣarȣaronke; nok tsiniioriȣake notasetonke tenshetsiaonni kanonsakenhiastson enskarihoȣanaton.

⁴ Nok ise onkȣatenro kȣarori: tosa othenon Seȣatsanisek tsinahoten iohrios noieronta nok iah senha teiokȣeniatseraien nʼihsinonȣe tsi nakaiere.

⁵ Enkȣarori ki tanon tsinahoten aeseȣastsaniseke: neh seȣatsanisek tsinahoten iakorios, nok onakenke Onesson iaiakoiatonti; neh tohiken seȣatsanisek.

⁶ Iah kenhnaha tekeni kȣenis tiiatekenes no ȣisk nikatsitenserako? nok sane iah oni nenskat teshakoiatanikonrhens ne Niio.

⁷ Icioho akȣekon ȣasheton tsinikon seȣanonkȣ serote, Tosa kati seȣateronn senhase ise seȣaiatanoron tsiniiot notsitenhokonha.

⁸ Kȣarori nonȣa, Onkakiok enhakeriȣanirastso nonkȣene, enshoriȣanirastse ki nonkȣe Roienha nonen ienraȣe tsi tkentiokȣaien no Niio Raoronhia-keronon okon.

⁹ Oni nenhakatonnhiiase nonkȣene, enshonȣatonn-hiiaso oni ne raonha rahotihenton no Niio Raoronhia-keronon okon.

¹⁰ Onkakiok enhokenrenseronni nonkȣe Roienha, enȣaton nenshonȣanikonrhense; kenhkaien nenhon-ȣasennaiesate ne Ronikonriioston iah nehne nonȣen-ton tihiahonsaonȣanikonrhense.

¹¹ Nok nonen enhietsiiatenhaȣison tsi rontcron-naientakȣanionkȣa, tehatiiatorethake, Ratikoranesson, tosa seȣateronn, oni aeseȣatennikonrisako nahoten aeseȣenron.

¹² Aseken Ronikonratokenti hentsitsion tsinahoten enseȣenron neh nenkahaȣi.

¹³ Saiatat kanenrakon tahatati, ȣahenron: Seȣenniio! hestsrori rikenha teiakeniiak tsini ionkeni hien.

¹⁴ Iesos tontahoȣennaȣeron, ȣahenron; Onka ionkeriȣaȣi ne takeniiatoretase, ok no ens ne takenik-hasiase?

¹⁵ Sekon enhenron: Seȣatkatto, tosa seȣaskennha-sehak: aseken iah othenon taiakoiatakennhaste ne tohkiok oni naontaiakostsokoȣahakc.

¹⁶ Nok ȣatesakoriȣakcntonkȣen, ȣahenron: Saiatat naha ne rokȣatsekoȣa ȣahotonnien.

¹⁷ Ratonhakȣe ne raonikonrakon: oh naha nenkiere? iah teȣakenaktaien kahnonȣe nakateȣeienton tsinikon enȣakatonnisahase.

¹⁸ Khare onen ȣahaterientatsenri, nok ȣahenron: kenh kinaha nakiere, enskenonsarisionko tsi kien-takȣa, nok kanonsoȣanen nenskenonsonni, nok akȣe-kon eh enkionte tsinikon enkienttoko.

¹⁹ Nok entkenhase nakatonnhests: Akatonnhests, onen ȣahi eso iosorake tsinikon satateroroki; Satorissen kati onen, tesastskaon, snekira, satekkonni tanon-nonȣa onen.

²⁰ Nok ne Niio raton nehne: sentent iah tesani-konrat! Onȣa kenh ȣasontate entsiesariȣanontonse ne Satonnhests; onka enȣastste tsinikon saroron?

²¹ Etho nenhoiataȣen no raonhaa tihatateroroki, nok iah tehokȣastse tsinonkati ne Niio.

²² Ethone ȣasakaȣenhase ne raotiokȣa: Neh ȣaonni ȣakȣarori: ne tosa taeseȣatatenikonrharen ne tsionnhekȣen, nahoten aeseȣake, oni aeseȣatseron-niate.

²³ Aseken atonnhests senha kanoron tsiniiot natennatsera; nok oieronta tsiniiot no ȣatseron niatta.

²⁴ Tescȣaiatoret tsini kontiierha ne tsiokaȣe: iah tekontiienthos iah oni tekontiienthokȣas, iah oni teiotinonsoton, nok sane akȣekon sakohnontens ne Niio: toh onte senha isih nonȣe niseȣaiatanoron tsiniiot notsiten hokonha.

²⁵ Onka oni tsinitsion nehne niiateshatastsnie ahakȣeni skaiosa nahatatneniestste?

²⁶ Toka nonȣa iah teseȣakȣenion neok neh konh niioriȣasa, nahoten kati seȣaststeristakȣa notiakes-son?

²⁷ Teseȣaiatoret tsi niiot tsi katsitsiararaks nohon-tesonha, iah othenon teiotiiote; nok sane kȣarori, tsi iah tihiehero ne Salomon rahoiatanerakȣatserakon eh nahokȣennianorakȣaton tsiniiot nononha.

²⁸ Tokat nonȣa eh niiore tsi tehasnie no Niio nonhontessonha, nonȣa kenh iohniote, nok enhiorhenne enkaiakon ihsi ienȣation; ise kati onteken akȣa iataiseȣaiatanikonrhen, seȣanikonrasto.

²⁹ Tosa kati saseȣatonhek: nahoten enhiakȣake? nahoten oni enhiakȣanekiia? tosa teseȣanikonra-netak.

³⁰ Aseken neh nonȣentsiakekha ok teiekanere iakesaks neh nahotenson; roterientaro se ne Etsise-ȣaniha tsi nahoten teseȣatonȣen tsioni.

³¹ Neh tanon taseȣatierent seȣesak ne Niio raonakerasera, nok ne kenh iohaȣiton akȣekon nehne ok tatontotsiseȣaȣentastse.

³² Tosa seȣateronn, seȣententsihon nitsion ok; thonikonriiohonse no Etsiseȣaniha naetsitsion ne raonakerasera.

³³ Seȣatenninon, tsini seȣaicn, nok ietsitenrat; seȣatȣistonni nonȣa ne iah teȣakaions; Karonhia-kekha astsokoȣastsera, tsinonȣe ne iah kenh tiiaha-tiiero ne sakonasetha, iah oni notsinonȣa takontitaksate.

³⁴ Aseken tsinonȣe nikaien ne seȣastsokoȣatsera, eh ki oni ienkaientake ne seȣeri.

³⁵ Seȣatiatannhenhak, nok iotekhak ne Seȣaha-serenhaȣe.

³⁶ Ietsinakeren tsiniiot ne ronȣarhare ne Ronȣa-ianer tahontare rotekkȣaranon, natahatiierekenha nok saok aonsaonȣannhotonkȣas kaȣenniio tenthannho-haiako.

³⁷ Ronataskat neh nihatinnhatseroten, ronȣarharo ne Ronȣaianer nonen ensraȣe! Oriȣiio tsi kȣarori, akȣa neok nenshatiatannhake nok enshakohnonte, raonha oni enshakokkȣaerhaso.

³⁸ Oriȣiio tsi ienataskat neh nikannhatseroten, tsi ki ok niȣatasontine ensraȣe tiotkon ki karhare, rona-tieȣate oni!

³⁹ Seȣatorientare ȣahi, nonka kiok aontahoterientarako tsiniioȣistahe enhonȣanonsorenne no sakoh-nasetta: Oriȣiio ȣahi tsi enhatieȣatcn nok enhaskennha tsini ohien.

⁴⁰ Eh kati oni niso naseȣaier, seȣatateȣeionnen-taonhak: aseken tsinonȣe ne iah tenseȣarhareke eh nonȣe nenraȣe nʼOnkȣe Roienha.

⁴¹ Tier tahatati, ȣahenron: Saianer! ii ok kenh ionkȣenton kehiken nikaȣennoten, katen Onkȣeta-kȣekon iakohton?

⁴² Tontahenron ne Roianer: Onka neh no ronkȣe ne Roianer ahorihontake asakoststeriste ne kannhatsera, asakokariakse oni tsi natehonatenstson.

⁴³ Rotaskat neh nikannhatseroten, roiotatie no raoiotensera nonen ensraȣe no Roianer!

⁴⁴ Oriȣiio tsi kȣarori: tsi enhorihonten ahaststeriste tsini hoien.

⁴⁵ Nok tanon tokat nonȣa netho kannhatsera enhenron, ne rahonikonrakon: Iah se naha iosnoro tatahontare ne Roianer: nok enthatatasaȣen enshakosokȣaȣesson asakokenrenseronni oni ne ratinnha-tsera, oni kontinnhatsera, nok ne raonha, ahanekira, tahastskaon, nok ahatatenonȣaratonte.

⁴⁶ Tohiken nikannhatseroten Raoianer eh nonȣe natentre tsi nonȣe niah tenhorhareke iah oni tehoterientare tsini ioȣistahe; Ehren enhoiatenhaȣito, nok enhaon tsinatehotenstson, iatenssakoieste ne iah te-iakoriȣateken.

⁴⁷ Nok kenh kaien ne rannhatsera ronikonraien-terhaon ne Raoianer, nok iah tehotaiaskennhaon na-honikonraieriton, isinonȣe tsi nenhonȣanonȣareke.

⁴⁸ Kenh kaien ne iah tohonikonraienteri, tanon neh kenh niiehoieren tsinahoten ne teiotenstson nahonȣareȣate, karoki tanon nehne tsi nenhonȣanon-ȣareke: Aseken onka eso enhonȣaȣi, esoki enshonȣa-riȣanontonse: oni nisinonȣe tsi nenhonȣatakȣennia ionni ihsiki nonȣe nenshonȣariȣanontonse.

⁴⁹ Otsire kkaȣi tsi ȣako nonȣentsiake; oh kati nahoten aonsakeriȣanontontako, tokat nonȣa onen iotekha?

⁵⁰ Enskat naha oni tsi enkatenekȣahesto; nok neh tekaterientakariatta oksa iakaef!

⁵¹ Iseȣere oni ken naha neh kenh kkaȣi no skennen tsi ȣako nonȣentsiake? ȣakȣarori, tsi iah; neh tanon no taiakokhasionko.

⁵² Aseken onen enȣatasaȣen ȣisk nenhatihako ska-ȣatsira, asen nenthontenroȣe, nok ne teniiase neok nehne nenthiatenroȣe.

⁵³ Roniha enhoteȣentete ne roienha nok ne roienha enhoteȣentete no roniha; Onistenha enhioteȣen-tete nakoienha, nok nakoienha Onistenha. Ok neh sahkat ne tiatastsafa.

⁵⁴ Sakaȣennihakȣo oni nonkȣeokon: Ne ens ne ȣeseȣatkatho taiostsataketote tsi iateȣastsotos, ȣese-ȣenronsens: iokennoresere; etho ens oni nahaȣenne.

⁵⁵ Nok nenseȣ…ttoke Entie nontakaȣerenhaȣo, oksaok enseȣenron: ȣataribatane, eh ens oni nehne nahaȣenne.

⁵⁶ Teseȣanonȣaraȣenrie, akȣa kenh nehnehe iese-ȣaienteres tsinahoten kenton tsini iaȣens tsi tkaronhiate oni tsi ionȣentsiate; nok iah kenh nehne taeseȣakȣeni niaeseȣaienterene ne kenh nonȣa nonȣe niiokȣenrare?

⁵⁷ Oh oni nahoten ahoriȣa tsi iah teseȣariȣaien-teres ne tsionhake tsinitkariȣaieri?

⁵⁸ Saskennha nʼohahakesson aonseseniriȣaseronni nateseniriȣakennhasere; ne tosa taiesaiatorete aiesa-riȣente oni, nok aontaiesannhoton.

⁵⁹ Oriȣiio tsi konrori tsi iah tataontasiakenne neh nonȣe tsiok enskarokten.