Luke 10 - Neh Nase Tsi Shokȣatakȣen 1880 (4 Gospels by Joseph Onasakenrat)

Oieri-aton teioteriȣasonterakȣen Oriȣatokenti tsini hoiaton Roiatatokenti Luc.

¹ Ethone are onen ne Roianer sasakoiatarako tsiatak nihatiiatasen nok teionkȣetakehatie tsi iasakotori tsi kanataienton tsi oni nonȣe neraonha niienhenre.

² Ratonhakȣe: oriȣiio tsi kaetoȣanen; nok kenh nihatiha ne ratiienttokȣas: Hetsiseȣaneken kati ne Raetakȣeniio nahontasakotenniete kannhatsera.

³ Ȣaseȣe, eh niiot tsi iakȣatori tsiniiot teiotinakarontonha iakonȣanatori Okȣahotserokon.

⁴ Tosa iaseȣanatatserenhaf noȣista, tosa oni nekaiare, iah oni nata; tosa oni onka tenhietsinonȣeraton tsiniiohahes.

⁵ Nok kakiok nonȣe ienshenonsorenne neh tasatierent: teshenonȣeraton ne iakohnonsote.

⁶ Toka enhieterontake ne tionkȣetaieri enhiakorane ki ne skennen; nok noiah, iseke natenteȣe.

⁷ Nok etho tsiterontak, isek, snekira oni tsinahoten enhiesaerhase: Aseken tehatentsahas tsini hak-kȣa ne rannhatsera. Tosa oni teseȣanonsaȣenronk.

⁸ Kakiok nonȣe ienseȣatcnatorenne, tokat enhietsiiateȣoienton isoȣak tsinahoten enhietsinonte.

⁹ Nok saietsitsient ne iakohnonȣaktanionni nok iestsirori, seȣenron: Onen akta iaȣetonhatio ne Niio raonakerasera.

¹⁰ Nok tsi nonȣe ne iah tontiotsiiatcȣcientonnc saseȣaiakonn, nok seȣenhas.

¹¹ Ok neho sakȣarasitokeȣate nionkȣakenraraonne iakȣasitokon tsi ionkȣataȣeiatonne no seȣanatakon: Seȣariȣaienterihak ki sane tsi onen taȣo ne Niio rao-nakerasera.

¹² Nok ȣakȣarori, neh nonȣe teȣenniserate karo tsi nenhonȣanateseroȣanaten ne Sodom-ronon tsiniiot netho nonȣe nihatinakere.

¹³ Sententasere Korasin; sententasere Bethsaïda! aseken naiohnatkaton ne Tyr oni no Sidon tsinikon nise satkattos ne ioriȣanerakȣatenions; katkaron nah nehne tahontaiakotatreȣaton, kaiare aiakokȣason nok okenrake aiontesereseke.

¹⁴ Nese ȣaonni ne Tyr oni ne sidon karo tsi nen-konȣanateȣeiennatsaniten tsinise niiot nonen ienȣatenniseriheȣe tenhiontatiatorete.

¹⁵ Nok nise Kapernaiim, satsennakarataton tsiniiore tkaronhiate, nok tentesenonkȣise nonesson.

¹⁶ Onka ehtsihseȣataonsatasts, rakataonsatasts; Nok ne ehtsiseȣaȣennonties, rakeȣennonties; nok no rakeȣennonties roȣennonties ki ne takatennieton.

¹⁷ Ethone onen sahonneȣe ne tsiatak nihatiiatassen, shonatsennonnihatie, shontonne: Saianer! Akȣekon nonatkonseraksena ȣahakhisenniete ne Sasenna.

¹⁸ Tontahenron: Akȣa eh niiot tsi tehikanere ne ranesonronon tontahaiatenne Karonhiake tsiniiot nateȣanennekaraȣe.

¹⁹ Onȣa kati ȣakȣasastenseron no taiotsiniarorarake ne Kaniaraksens oni ienseȣasahate tsini hosastensera ne raksȣens: iah oni othenon taeseȣaio-tastse.

²⁰ Tosa ki sane neh aeseȣatonnharat tsi teietsiniarorarakon nonatkonson; neh tanon aeseȣatonnha-raste tsi tiseȣasennaro ne Karonhiake.

²¹ Ethono ne Iesos ȣahatonnharen ne raȣoriano, nok ȣahenron: Konhiatsennonniase, O Rakeni, Seȣenniio ne karonhia oni nonȣentsia! tsi sheriȣasetenni neh nakarihotens ne iakohnikonroȣanens nok oni ne ionttokhas, nok eksaokonha sheriotasienni; Eh kati niiot, Rakeni! Aseken eh ki nitisanikonriiohon.

²² Aksekon Rakenineha nitiaȣenon tsinikon ȣakion; nok iah onka tehonȣaienteri ne Roienha neok ne Roniha; iah oni onka tehoriȣaientori ne Roniha neok no Roienha, tanon tokat onkakiok ensakororiko no Roienha.

²³ Ethone onen eh nonsahatierate tsinonkati ne raotiokȣa, nok ȣahenron: iakotaskasts no iontkattos tsinahoten seȣatkathos.

²⁴ Aseken kȣarori, ronentiokoȣanen Rotitokensehakȣe, oni Rotinontiiosson, ronaskanekon nahontkatho tsinahoten seȣatkathos nok iah tehonatkathon, nok oni nahonronke tsinahoten Seȣaronkas nok iah tehonaronken.

²⁵ Ethone saiatat tehariȣakennhas tontahatane, ȣahotenienten ne tahonikonraseren tsi ȣahenron: Seȣenniio! oh nakiere no Karonhiake akatsennonni?

²⁶ Tontahenron: oh kati niiot tsi kaiaton ne Kaianerenserakon? oh oni niiot tsi seȣennanotha?

²⁷ Tontahoȣennaȣeron, ȣahenron: Hentsenoron-kȣake ne Niio Raȣenniio tsi Sonnhe, akȣa Seriasakȣe-kon, satonnbetserakȣekon, sahsaststenserakȣekon, Sanontonniontserakȣekon oni; nok oni ne Satesonkȣe tsi nise nisatatenoronkȣa.

²⁸ Tontahenron ne Iesos: Akȣa tasierite, eh kati natsier nok Karonhiake ensatsennonni.

²⁹ Nok tanon ne tehariȣakennhas tontahenron nahatateriȣiiosten: Onka nerieth satekonkȣe?

³⁰ Iesos tontahoȣennaȣeron, ȣahenron: Saiatat ne ronkȣe Jerusalem tahatenti Jeriko ȣarete, tsiniiohahes sakohnaseta ȣahonȣaiena, akȣekon ȣahonȣanen-sko, nok ok eh iehentakere asennon nihaȣenheion onen saonteko.

³¹ Taiotokentane ratsihenstatsi neh oni nehne rothahitake eh ȣaraȣo, nok ihsi nahakȣatase.

³² Levit oni eh ȣaraȣe akte oni nehne nahatohestate tsi raiationni.

³³ Khare onon Samaritan rathahine eh oni nehne ȣaraȣo, ȣathoniatasiharano tsi nahotenre.

³⁴ Akta niiahare nok ȣahokentoronnion, nok ȣarenhienarhosoron oni otsitsia tahonekonti; nok raonha sahostskȣaren raosatensne tsi tiosȣenkarenton iahohiatinionte akȣa oni otokenhon ȣathosniene.

³⁵ Nok tsi ȣahorhenne tekaȣistako tahatako rahonatatserakon, tahaon ne rononsote, nok ȣahenron; hetsiateȣeienton, nok tsinikon nihsinonȣe nensatkaronni ii enkonkariakse tsi natentke.

³⁶ Kah kati onte nikaien nasen nihati isere onkȣe ȣahonionni, ne Sakonasetha ronȣarione?

³⁷ Tontahenron kanekhere ki neh ne rotenron oni roiatakennhaon: Tontahenron kati ne Iesos: ȣaskati oni niso oh natsier.

³⁸ Onon kati tsi ronatentionhatie, iahontenatorenne ionatakȣenrare; nok skaiatat tsiothonȣisen Marth konȣaiasts neh ȣahoteȣeienton aononskon.

³⁹ Enskat iokenshentakȣe Onȣari konȣaiasts, rasitakta nehne ontien, eh oni kenteron, nok iotaonsate ne Iesos raoȣenna.

⁴⁰ Nok ne Marth neh ne teiotatenikonrhare tsinahoten kaiotenseraien no kanonskon, nese ȣaonni eh iatkatane tsi renstskȣahere ne Iesos nok ȣakenron: Saianer! iah kenh tateskanere tsi iateȣakiatista ne kekenha? Sennhann niha ȣakienaȣas.

⁴¹ Tontahenron ne Roianer: Marth, Marth, neok nise tesatateȣeiennharaton ne niatekonsonha.

⁴² Taioriȣat ok sane ne kariȣakȣeniio: Onȣari iotaterakȣenni ne ioiataterit, nese ȣaonni iahki taonsakonȣakkȣa.