Luke 1 - Neh Nase Tsi Shokȣatakȣen 1880 (4 Gospels by Joseph Onasakenrat)

Tiotasaȣakȣen Oriȣatokenti tsinihoiatonine Rioiatatokenti. Luc.

¹ Ronentiokoȣanen onen ronatenienten nakȣa ahontahatiierite tsi ahatiiaton noh aontroriheke tsi-nahotenson noriȣiio ionkȣaterientare.

² Tsikiniiot tsi ionkhirori nakȣa rononha ronatkathon oni sakonatatiskȣe nʼOȣenna.

³ Ne kati oni nii ahoriȣa ȣakere ioianere se onte, Kien Theophil nakonhiatonse akȣa akakȣatakȣen tsi onen akȣekon ȣakatkense tsiniiot tsi tiotasaȣo oni tsi ieiotokte.

⁴ Eh naontaȣe akȣa otokenhon aseriȣaientorihake tsinahoten saterihonte.

⁵ Herod Shihonontiio ne Jude nonȣe, Saiatat ne Ratsihenstatsi Sakari ronȣaiasts, Abia raȣatsiratatic; nok ne rone Aaron neneh raȣatsiratatie Arisaȣe Kon-ȣaiasts.

⁶ Nok rotiiancrekȣo rahohenton ne Niio, oriȣa-kȣekon oni rotiriȣaioritonhatiene tsini ȣatenienten oni tsini kariȣataton ne Roianer raoriȣasonha, iah teho-tinnhiseraien.

⁷ Nok iah tehotiȣiraientakȣe, aseken iah tcȣateȣe-tonskȣo nʼArisaȣe, onen onitetsiaron sihotikstenha.

⁸ Khare kati are onen ne Sakari roiotaties tsini hoiotenseroten ne Ratitsihenstatsi rahohenton no Niio.

⁹ Tsini hoianerenseroten ne ratitsihenstatsi, rahonha ȣathoiatonko niahataȣeiate nok ahatibnkȣaron-niato raononskon ne Roianer.

¹⁰ Nok nonkȣeokon astste ens noneh nakannhohati iakoterennaien nonen ionkaheȣe tsini iontien-kȣaronniatha.

¹¹ Niio Raoronhiakeronon etho ȣahoken, akta tsi oni Kaȣeientetakȣen tsi iontienkȣaronniatakȣa oh ihrate.

¹² Tahontonneke ne Sakari tsi ȣahoken nok ȣahote-ronhienten,

¹³ Nok tanon no Raronhiakeronon Sahenron: tosa sateronn, Sakari; aseken ne saterennaien! onen ieioh raohenton no Niio; nok ne teseniteron Arisaȣe rosken-rakete enhioȣiraientane, nok San enhtsenatonkȣe.

¹⁴ Nok koȣanen ensatonnharakȣe, oni kentiokoȣa-nen enhiontonnharonnion tsi henrennakerate.

¹⁵ Aseken henhaiatanoronke rahohenton ne Roianer, nok iah thahanekirhake notsitsia iah oni nʼiako-nonȣaratonta; nok tsi enthatiatata ne ronistenha Kaiatakon entnikȣekhene no Rotkon Roiatatokenti,

¹⁶ Nok kentiokoȣanen nʼIsraerronon sakotiienhokonha ensesakohaharate nok entsiontatreȣate tsinon-kȣatti Raotiianer oni RaoNiio.

¹⁷ Aseken raonha enhahente, Elie raonikonra nok raokȣeniat enhoieratonhatie, aonsasakaȣoriasaseronni nakokstenhokonha tsinonkȣati nontationokonha, nok nʼionkȣetaksen tsinonkati ne Kaianeren, aotiokȣase-ronnien ne Roianer ne tokenske iakotateȣeiennentaon.

¹⁸ Ethone ne Sakari tontahoȣennaȣeron ne Raronhiakeronon, ȣahenron: nahoten enkienterestakȣe tsi eh nenhiaȣenne? Aseken onen akokstenha, onen oni eso iahoserakȣen ne ȣakeniakon.

¹⁹ Nok ne Raronhiakeronon Tontahenron: II ne Kabriel rahohenton ne Niio ihkete, nok neh tionkatoriatakȣen ne tahetenitharen, oni nakonrori neh nika-riȣiios.

²⁰ Nok onȣa enȣatasaȣen iah taonsasatatiheke, iah oni taonsasatati tsiniiore ienkonneȣe neh nikarihotens; netsi iah tetisetakȣen nakeȣenna, ehse sane niiaȣensore nonen ienȣatenniseriheȣe.

²¹ Onen neneh nonkȣeokon etho iakorhare, nok iakohnorakȣas tsini honiskȣas.

²² Nok nonen sontahaiakenne iah tehokȣenion nasakotatike neok ne tehanisnonsaieronnionhatonskȣe, oksaok ȣahenron nonkȣesonha, ȣtithotieronnionse kati ȣahi tsini Kariȣes iehenteron.

²³ Akȣa neok sontenniseroheststanion ne raȣenni-sera nnhohioten tsini hoterionte, sahatenti.

²⁴ Kenh naheha onakenke, Onen nʼArisaȣo oia nakaiatotenne, ȣisk niȣennitake nikariȣes iotaseton, nok ȣatonhakȣe.

²⁵ Tiakariȣakenniate, etho kenh nontahaierate no Roianer tsi tontahakeiarane oni naonsahaksennaseronni nonkȣene.

²⁶ Iaiak-aton niȣennitako, onen are ne Raronhiakeronon Kabriel tontahotori ne Niio Galilene Kanatakon ne Nazareth Konȣanatonkȣa.

²⁷ Tsi nonȣe tkenterontakȣe ne Kaiatase onen sikariȣison enhotiniake ne ronkȣe ronȣanatonkȣa Sose Taȣit raȣatsiratatie; nok ne Kaiatase Onȣari konȣaiastskȣe.

²⁸ Nok nonen siiahataȣeiate ne Raronhiakeronon tsinonȣe nikenterontakȣe, ȣahenron: ȣatkonnonȣera-ton ise ne iesaȣi ne Kaianeren Senikȣekon ne Roianer: sonhaa iesaiatanoronston tsiniiakon ne tsiakot-honȣisen.

²⁹ Nok nonen sahoken eso tsi ȣatiotonharonron ne tsini kaȣennoten tahatati; nok ok aonikonrakon tat-kaiatorete nahoten onte kenton tsiniiot tsi ȣathanonȣeraton.

³⁰ Nok ne Raronhiakeronon ȣarenhase: tosa sateronn Onȣari: Aseken saien no Kaiataterisera raohenton ne Niio.

³¹ Onen kati nonȣa oia nensiatotenne, nok rosken-rakete nensaȣiraientane nok Iesos hentsenatonkȣe.

³² Henhaiatanoronke nok henhonȣanatonkȣako Enekentsi Roienha; Nok no Roianer Niio henhonistskȣaratseron ne Roniha Taȣit rahonistskȣara.

³³ Nok enhonontiioke tsiniienhenȣe tsi henhaȣatsiratatie ne Jacob; nok iah nonȣenton tiiaontokten ne rahonakerasera.

³⁴ Ethono nʼOnȣari tontahoȣennaȣeron no Raronhiakeronon ȣakonron: oh nonhiaȣenne nʼetho naia-ȣen iah tehiienteri ne roskenrakete?

³⁵ Nok ne Raronhiakeronon tontahaȣennaȣoron ȣahenron: Rotkon Roiatatokenti enhiaiatorenne, nok nʼEnekentsi nahosastensera onsarakȣaȣerhoste; no se ȣaonni oȣiratokonti ki nensaȣiraientane, enhonȣa-natonkȣake Niio Roienha.

³⁶ Onen oni nonȣa ne tsiaraseha Arisaȣo okoȣana-take oia nakaiatotenne; nok onen neh iaiak-aton niiotennitaratio ne iah toȣatoȣetons konȣanatonkȣakȣo.

³⁷ Aseken iah ki othenon tahonoronse ne Niio.

³⁸ Ethone nʼOnȣari ȣakonron: kenh kiteron raonn-hatsera no Roianer: etho niȣakiataȣcn tsini saton! nok ne Raronhiakeronon ehren sarete.

³⁹ Eh oni nonȣe siȣenniseratonion ȣatiostorihon nʼOnȣari ontenti ȣakanontiiakon tsi ionontenion tsiniiore iaonȣe tsinonȣe enskat tkanataien no Juda.

⁴⁰ Nok Sakari raononskon iaontaȣeiate, nok ȣatio-nonȣeraton nʼArisaȣe.

⁴¹ Akȣa neok sahosennaronke nʼArisaȣo tsi ȣatio-nonȣeraton nʼOnȣari, tontaharathenionko no raksaha kaiatakon, nok nʼArisaȣe ȣakaiatihne ne Rotkon Roiatatoken ti rahonikonriiotsera.

⁴² Nok ȣatiohenrete, nok ȣakonron: Sonhaa iosaiatateriston tsiniiakon ne tsiakothonȣisen, nok Kaiatateriston ne ioteiarontio tsiatakon.

⁴³ Etho oni kenh niiore tsi onkaterasȣiioste tsi tonkatkensere ne Rakianer ronistenha?

⁴⁴ Asoken, akȣa neok sakonȣennaronke ȣateskenonȣeron, ok naha no raksaha atonnharak tahahorianeron kiatakon.

⁴⁵ Iotaskasts ne tiaȣetakon: Aseken tsinikon konȣarori ne Roianerne tioientakon akȣekon etho nenhiaȣenseron.

⁴⁶ Ethone onen nʼOnȣari ȣakenron: Rosennaien ne Raȣenniio nakenikonra;

⁴⁷ Nok raonhake ok ȣakatonnhahere tsinonkati ne Niio neh oni sakeskontakohe.

⁴⁸ Neh tsini hakkonnienston atatkenronniatserakon; nese ȣaonni onhiontonheke tsinenȣe: enhiontonheke iotsennonni.

⁴⁹ No tsini hakialanoronston ne Rosastenseroȣanen, nok Rosennatokentikoȣa.

⁵⁰ Nok no Raotanitenrasera enȣatatie tsi nenȣe enhieȣatsiratatio ne ronȣatsanise.

⁵¹ Ȣeno raonniaton ne nahosastensera: Akȣekon roriȣarision tsini hontennikonraientonskȣe ne ratinaies.

⁵² Sesakostskȣarakȣen ne ratisennoȣanens, nok neh sakosennoȣanaton nʼiontatkenronnis.

⁵³ Sakotatenni ne iontonkariakskȣe; kententetserakon sesakotorion ne iakotsokoȣa-kenhne.

⁵⁴ Ȣahoiatanonstate Israerraonnhatsera, naonsareiarane rahotanitenrat.

⁵⁵ Tsikiniioh tsi sakorharaststenni nonkȣanisera, neh tohiken Abraham nok oni tsinonkati ne sako-ienhokonha tsinenȣe.

⁵⁶ Thoha asen niȣennitakc iohnariskonhon nok onen tontontenti.

⁵⁷ Kkharo onen iakaheȣe naioȣiraientane nʼArisaȣe, roskenraketa Sarennakerate.

⁵⁸ Akȣekon ok no tehonnonsanekhaon oni ne ron-tatenonkȣe konȣatonnharanihakȣe tsini kontenron ne Raȣenniio.

⁵⁹ Nok nonen siiakaheȣe nahonȣaȣarakȣetare ne raksaa, Sakari ronȣanatonkȣanene tsiki nihosennoten ne roniha.

⁶⁰ Nok tanon tahenron ne ronistenha, Iahten: San enhonȣaiastsheke.

⁶¹ Tontahonniron: iah onka eh teiosennoten tsinis ȣatsira.

⁶² Ethone ȣahonȣariȣanontonse ne roniha, asakotokaten nahoten enhonȣanatonkȣe.

⁶³ Nok ne Sakari Oststenra ȣahariȣanonton, oh ȣahaiaton; San enhonȣaiastsheke akȣekon ok ȣaha-kohnerakȣenhaton,

⁶⁴ Ethono onen sontnerensi no raȣennason, nok ȣa-thononȣeronnion ne Niio.

⁶⁵ Taiontonnekhon ne tehonnonsanekhanion, nok ȣateȣateriȣareni tsi ionontenion akȣa ȣationȣontsia-ȣerho tsinikanakerasera no Jude.

⁶⁶ Tsiniiakon ionronkas, iontonhakȣe nakaȣorion-takon: Oh onte akȣaniiatonhiaȣenne tohiken raksaa? Nok nikȣekonhatiene ne Niio rahosaststensera.

⁶⁷ Onen ne Sakari, roniha ȣahaiatine ne Rotkon Roiatatokenti rahonikonriiotserat, iahariȣaken, ȣahenron:

⁶⁸ Tahonȣanonȣeraton ne Roianer Israerronon Rao-Niio, ne tsi sasakaȣeiarano nok sasakohnerensi ne raotiokȣa,

⁶⁹ Oni tsi ȣasontion enskat ne rosastcnseroȣanen nasakoiatakennha Taȣit raȣatsirakon Sahaiakenne.

⁷⁰ Tsi ki niiot tsi ronatati ne Rotitokensehakȣe, ne tiotkon tahatinakeratie.

⁷¹ Tsi ensesonkȣanerensi tsi ionkhinaskonni ne ionkhisȣens.

⁷² Ne ȣene aonton ne raotanitenrasera nonkȣaniserako nok aiakeiarastakȣake tsini horiȣatokenti.

⁷³ Eh niiot tsi roriȣanirati otsiteȣanikenha Abraham.

⁷⁴ Tsi, ensosonkȣanercnsi tsi ionkhinaskȣaien ne ionkhikenrenseronnis, nok onsesontion ne Skennen tatsiteȣasennaien.

⁷⁵ Raoriȣatokentitserakon raoteriȣakȣarisiontsera-kon oni tsini tionnhes.

⁷⁶ Nok nise seksaa, Niio roȣennenhaȣe onhiesana-tonkȣake, aseken hentsenteste ne Roianer nok hen-tsiahahaseronnien.

⁷⁷ Naserionnien ne raotiokȣa tsinaieiere ne karonhiake aiontsennonni tsi aonsaiakoterakeȣase nakori-ȣaneraaksera.

⁷⁸ Akȣa rahotanitenraserakon ne Sonkȣa-Niio, eh oni takaientakȣe tsi ȣasonkȣatkense ne Eneken tka-rakȣinekensta.

⁷⁹ Aontonseke taonsaiakosȣatheno nasatakon oni kariȣaneraakserakon iakonnhotie nok eh nonkȣati aonsasonkȣasarino tsinonkati ne Skennen.

⁸⁰ Nok no raksaa roteiarontie, oni ronikonroȣan-nhaonhatie; nok karhakon ranakerekȣe tsiniiore iaontenniseriheȣe Onkȣene ahrete.