John 5 - Neh Nase Tsi Shokȣatakȣen 1880 (4 Gospels by Joseph Onasakenrat)

Ȣisk-aton nateioteriȣasonterakȣen tsini hoiaton Roiatatokenti San.

¹ Ethone are onon ionsakaeȣe tsini honentanoronse ne Sitaeronon Jerusalem niiahare ne Iesos.

² Jerusalem nonȣe, akta tsi iontenaskȣatkorontakȣa teiotinakarontonha, niionaȣerote, nehne Bethesda rati-natonkȣakȣe ne Hebreh neh oni ne ȣisk niionekoton-tonhakȣe.

³ Kentiokoȣanen etho nonȣo niieiatakerontatiene ne iakohnonȣaktanionni, teieronȣekon, ionstshinokata, nok oni ne iakoiatakenheion neh iakorhare no taontnekaȣenrie.

⁴ Aseken ȣatoken tsi natekaron tatsnentakȣe raronhiakeronon, nok tenhanekaȣenrie nekenh iohna-ȣerote, nokʼsʼ enʼsʼ ne rahente iahatsnente sahaieȣen-taneʼsʼ tsi ok oni nikannroten ahononȣaktanittake.

⁵ Etho Saiatat rentakere onen asen niioserasen nok satekon tsinahe sihononȣaktani.

⁶ Ȣahoken no Iesos eh raiationni, roterientaratsihon oni tsi onon ȣaonnise otho satehoterientakarien, ȣahaȣenhase, ȣahenron: tesatonȣentsioni ken naonsasieȣentane?

⁷ Tontahenron ne rohnonȣaktani: Saianor! iah tcȣakonkȣetaien ne iahakiatente tsi mnaȣeroto nonon tekanekaȣenrie; nok teionkiataskennies tsiniiore niienhenke, akorens ens iahastsnente.

⁸ Ȣahenron kati no Iesos: Satkestsko, tesek ne sanakta nok sasatenti.

⁹ Neh nakȣa oksaok sahaieȣentane, nok ȣatrakȣe ne raonakta nok sahatenti; Aȣentatokontike kenhiken ȣenniserato eh nahaȣen.

¹⁰ Ȣahonȣenhase are ne Sitaeronon no kenh shoie-ȣentaonhatio, ȣahonniron: iaȣentatokonton nonȣa ȣatiaȣenre nasatketate ne sanakta.

¹¹ Tontahenron, neh ki ne sahaketsiente raton: tesek ne sanakta nok sasatenti.

¹² Ethone sahonȣariȣanontonse, ȣahonniron: Kah nires neneh raton: tesek ne sanakta nok sasatenti?

¹³ Iah tanon tehoterientare onka; aseken ne Iesos ok eh kanenrakon tishotatonton.

¹⁴ Onakenke kati ne Iesos ionsahokon Ononsatokentike, ȣahaȣenhase: onen ȣahi tsi saieȣentaon, tosa kati saseriȣanorak, onȣaʼsʼ enʼsʼ naha senha isi-nonȣe tsi nensaiataȣen.

¹⁵ Oksaok sasakororiana ne Sitaeronon tsi Iesos ne shotsienton.

¹⁶ Nese ȣahonni ronȣasoreskȣe ne Sitaeronon, ronnesakskȣe oni kah naontahatiierate ahonȣario; ne tsi aȣentatokontike rotetsienton.

¹⁷ Nok tanon ne Iesos tontaȣakoȣennaȣeron, ȣahenron: Iah tehatorishenhe ne Rakeniha tsi roiotatie, eh kati oni nii niiot ȣakiotatie ki.

¹⁸ Onen tanon ne Sitaeronon senha tahonkȣisron tsi ȣathonhionnharikhon, iah neok teioriȣake tsi roio-tens naȣentatokentike, neh oni tsi raton. Niio ne Rakeniha akȣa kati eh nithatattasts tsi niiot ne Niio.

¹⁹ Tontasakoȣennaȣeron kati no Iesos, ȣahenron: Oriȣiio akȣa Oriȣiio tsi kȣaroris: tsi iah othenon tahakȣeni ne Roienha ne raonhaa akenhake, ne iah tatahokanerake ne Roniha othenon nahaiere; asekon tsiki nenhaiere ne Roniha, eh ki nonhaiere ne Roionha.

²⁰ Aseken ne Roniha ronoronkȣa ne Roionha, nok aȣkekon ronatonnihatie tsinikaierha, sekon oni senha ioriȣanerakȣatenions enshorihonnien tsiniiot ne kenh kaien, neso ȣaonni akȣa ise enscȣanorakȣenhaton.

²¹ Tsi ki niiot, tsi sesakaonnhests ne Roniha ne iakaȣenheion, eh ki oni neneh niiot ne Roionha ok tonhanonton onka onsesakaonnhete.

²² Aseken iah onka tatasakoiatorete ne Roniha, oriȣakȣekon tanon nehne Roienha rokȣeniatseraȣi ne tahaiatorete.

²³ Eh naontaȣe akȣekon ahonȣakonnienste ne Roionha, tsi nihonȣakonnionsta ne Roniha. Onka iah tehokonniensta ne Roienha iah ki tehokonniensta no Roniha, aseken raonha thotennieton.

²⁴ Oriȣiio akȣa oriȣiio tsi kȣarori, onka kiok enha-taonsatate nakeȣenna entretakȣe oni raosennakon ne thakatorion, roien naronnheke onȣe, iah oni tahorane ne kareȣatatsera, onon ok tanon tehotohestston ne kenheiatne tsinonkȣati tsi iensronnheke onȣe.

²⁵ Oriȣiio akȣa oriȣiio tei kȣarori, tsi ienȣatcnnise-riheȣe onen oni ieiohe, tsinonȣe nenhonȣaȣennaronko niakaȣenheion ne Niio Roienha, nok tsiniiakon enhon-ȣaȣennaronke enhiakonnheke.

²⁶ Aseken tsiniiot ne Roniha roien ne rahonhako tharonnheke, eh ki niiot tsi roȣi ne Roienha ahoientake ne raonhake tharonnheke.

²⁷ Raonha oni rokȣeniatseraȣi no tasakoiatorete, aseken Onkȣe Roienha.

²⁸ Tosa kati neneh seȣanerako, tsi ienȣatenniseri-heȣo tsiniiakon nonȣentsiokon ieiekeron enhonȣaȣen-naronke no Niio Roienha.

²⁹ Nok tsiniiakon entiakoriȣaieriton, neh tentieiakenstakȣe nonȣentsiokon ne Karonhiake iaiontaȣeiate; kenh kaien ne iah totiakoriȣaieriton neh tentie-iakenstakȣe nonȣentsiokon naiontetsirate onȣe.

³⁰ Iah othenon takcriȣakȣeni ne ok ii taontaka-nonton. Neh tetiatorotakȣa tsiniiot tsi karonkas, nok iottakȣarision nakiatoretatsera; aseken iah neh tek-sere nakatennikonra, neh tanon rinikonrasere ne Rakeniha thakatorion.

³¹ Nene ok ii akatateriȣaniratiimke, iah othenon tekasta, iah oni teioriȣiie.

³² Tihate tanon ne rakeriȣanirati, ȣakaterientare oni tsi oriȣiio ioteriȣakȣarision tsinihakeriȣanirati.

³³ Ieietsiiatorion tsi itreskȣe ne Saȣatis, tboriȣakȣ-arision tsi rotrori noriȣiio.

³⁴ Iah sane tekesaks nonkȣe aionkeriȣaniratsc, neki ok niso seȣatsennonniat tsi katrori neh nikarihoten.

³⁵ Akȣa neh teskaierontare tsinonkȣa ne Saȣatis, tsiniiot ne kahaseriio oni teiosȣathe, nese oni ȣaonni ȣeseȣaianorase ki nikariȣesha aetsionnharakȣe tsi teiosȣathe ne raosȣathetsera.

³⁶ Senha tanon ii iorihoȣanens ȣakeriȣanirati tsiniiot ne Saȣatis: aseken tsi nikaiotenserotens ne Rakeniha rakkȣeniatseraȣi tsi nakiere, neh kati tsi eh nikierha, neh ȣakcriȣanirati tsi Rakeniha takatorion.

³⁷ Nok oni no Rakeniha takatorion, akȣa raonha rakeriȣanirati; iah nonȣenton tetsiseȣaȣennaronken, iah oni tetsiseȣakonsaken.

³⁸ Nok iah teseȣaienas ne raoȣenna, aseken iah ki tehȣiseȣataonsatati ne thotennieton.

³⁹ Seȣatennikonrarcn tsi sesaȣennanotons ne kaiatonseratokenti, nese ȣahi seȣaniahesen aheseȣanaton-hase tsiniieiothahinon ne Karonhiake, neh oni kariȣa-nirasts nakeriȣasonha.

⁴⁰ Iah ki tanon teseȣathontasts niine aeseȣatsenri naetsionnheke onȣe.

⁴¹ Iahse Onkȣene tetekhas nakiatanerakȣatsera.

⁴² Nok ki tanon kȣaienteri; ȣakaterientare oni tsi i… teseȣaien ne Niio raonoronkȣatsera.

⁴³ Rakeniha raosennakon teȣakiontakon, nok iah tateskȣarhotonnis; tihaiatate, raonha oni rahotonni-konra tsi ahontare, tentsiseȣarholun noneh.

⁴⁴ Oh nah oni nainȣenne naonteseȣetakȣe, ise neneok seȣesaks nonkȣesonha akorensarontsera, nok iah neh tcseȣesaks no Niio okʼ raorensarontsera?

⁴⁵ Tosa seȣerhok ii kenh enkȣariȣarho rahohenton ne Rakoniha; kaien onka enhietsiriȣarho, Moïs, nehne seȣarharekȣcn, neh entsiseȣariȣarho.

⁴⁶ Aseken natsiseȣaȣennarakȣake ne Moïs, askȣa ȣennarakȣako ki oni nii: aseken ii akatennikonra tsini hoiaton.

⁴⁷ Toka seȣatennoȣentta tsini hoiaton, oh kati naiaȣenne nahonteseȣetakȣe tsini kȣaroris?