John 3 - Neh Nase Tsi Shokȣatakȣen 1880 (4 Gospels by Joseph Onasakenrat)

Asenhaton nateioteriȣasonterakȣen tsini hoiaton Roiatatokenti San.

¹ Saiatat raiatarakȣe tsinihati ne Pharisian Nicodem ronȣaiastskȣe, oni ronȣakoȣanen ne Sitaeronon.

² Asonthenne ȣahoiatoronne ne Iesos, nok ȣahenron: Seȣenniio, ionkȣaterientare tsi Niio thiatennieton neh nasiere tsi askȣarihonnien tsiniiot ne Sakotatis: aseken iah onka takakȣeni neh nakaiere tsi nisierha ne iah tanikȣekon no Niio.

³ Ȣahenron ne Iesos tsi tontahoȣcnnaȣeron: Oriȣiio tsi ȣakonrori tsi iah teioiiiaȣeiatane ne Niio raonakeraserakon ne iah ase tentsionnakerathe.

⁴ Tontahenron ne Nicodem: oh nekenh naiaȣenne ne sekon ahonsarennakerate nonen rokstenha? enȣaton kenh ne iaonsahataȣeiate ronistenha kaiatakon nok sekon ahonsarennakerate?

⁵ Tontahenron ne Iesos: Oriȣiio akȣa oriȣiio tsi konrori, ne iah tensrennakerathe nʼonekanosne nok kanikonrake, iah ki nonȣenton tiiahataȣeiate ne Karonhiake.

⁶ Tsinikon noȣaronne tioientakon oȣaronk ki ihken, nok nʼonikonrake tioientakon onikonra ki ihken.

⁷ Tosa kati sanekheren tsi konrori, tsi iatekakonte ase ensesennakerate.

⁸ Ok ȣahi tenȣanonton kah niienkaȣerenhaȣe tsi iahote, nok sathonte tsi iorakare, iah tanon tesate-rientare kah nontaȣe, iah oni tsi niiahaȣenonhatie; etho kati niiot tsiniiakon nʼonikonrake iakohnake-raton.

⁹ Sekon tontahenron ne Nicodem: oh nekonh naia-ȣenne neh naiaȣenne?

¹⁰ Iesos tontahoȣennaȣeron nok ȣahaȣenhase: Sherihonniennis nʼIsraerronon tanon iah tesaterien-tare neh nikarihoten.

¹¹ Oriȣiio, oriȣiio tsi konrori: tsi neok iakȣatroris tsinahoten ionkȣaterientare, oni iakȣariȣanirasts tsi nahoten ionkȣatkathon: nok sane iah tesataonsatasts tsi nahoten iakȣaton.

¹² Nese ok sane konroris nonȣontsiakekha; oh kati nekenh naiaȣenne naontasetakȣe ne Karonhiakekha akonrori?

¹³ Aseken iah nonȣenton onka tiieiakokȣathon ne Karonhiake, nakoren akenhake, neh ok neh nithaȣenon; neh nʼOnkȣe Roienha Karonhiake thanakere.

¹⁴ Nok tsini hoieren ne Moïs tsi roniarakestskȣen Kahentake koȣa; ethooni neneh nenhiaȣenne nʼOnkȣe Roienha enhonȣaiatakaratate.

¹⁵ Netho naontaȣo tosa aiahiheie tsini iakon entia-kaȣetakon ne raosennakon, aiakoientake tanon nʼaiontsonnonnionȣe.

¹⁶ Aseken ne Niio tsini sakohnoronkȣahon nonkȣe, iah tatesakohnonhianiheki nʼenskat ok roȣiraien, asakaon tosa aiahiheie tsini iakon tiakaȣetakon raonhake, ok eken tanon neh aiakoientake no raonhake aietsenri atsennonniat.

¹⁷ Aseken ne Niio, iah neh tethotoriaton ne Roienha tsi ionȣentsiate naiontkaronniate nonkȣe, neh tanon raniente naontonseke raonhake aietsenri atsennonniat.

¹⁸ Iah nonȣenton tiiahatkaronni ne thaȣetakon raonha raosennakon, nok tanon noiah tethaȣotakon, onen ok neneh rotkaronnihon: aseken iah ki tetha-ȣetakon ne Raosennakon tsi neok enskat Niio Roienha.

¹⁹ Kenh kaien enhiakokaronniate: Netsi iioh no toiosȣatho nonkȣehne, nok nonkȣe sonha neh iakoh-nonȣehon no taontaiakokaraseke tsiniiot ne taiakosȣa-theke; aseken sotsi ieȣeiennakson.

²⁰ Aseken onka neok iakaȣesakonhaties ne iotaksen, iesȣenski ne toiosȣatho, iah oni akta teientha tsteiosȣathe, onȣa sotsi enhiontatattokase tsi ieȣeiennai ksen.

²¹ Nok tanon noneh iakesaks ne tkariȣaieri akta ki ientha tsi toiosȣatho, nok eh nahontaȣe ȣohno aonton nakoȣeienna, aseken Niiohne tiotiientakon.

²² Ethone are onen ne Iesos Jude niionsare, ronhne ne raotiokȣa, etho oni nonȣe iahotinisko, nok sakoti-nokȣahostakȣe.

²³ Nok no Saȣatis Enon neneh nonȣe nisakonokȣa-hestakȣe akta ne Salim ne tsi eh nonȣe nikaihionha-tenionkȣe, eh kati nonȣe ieienthakȣe ne ionskaneks naiontenekȣaheste.

²⁴ Aseken areko sihonȣannhoton ne saȣatis neh nonȣe sikahaȣis.

²⁵ Saȣatis raotiokȣa tanon Sitaeronon ȣathatiriȣa-tironten atatenekȣahestak ahoriȣake.

²⁶ Etho sahonneȣe tsi, renteron ne Saȣatis, shontonne: Saianer, Sakohnekȣahesta se ken oni neneh onen thohiken tiseneskȣe ihsi nakaihionhati Jourdan neh oni ne hetscriȣanirati, akȣa oni ihken tsi raonkȣe-tanakerens.

²⁷ Tontahenron ne Saȣatis: iahse othenon tahakȣeni ne ronkȣe noiah Karonhiake tahontahonȣalen-nietasere.

²⁸ Seȣathonte oni ȣahi niso tsi ȣaken: iah ii tehken ne Keristos neok tsi ohenton tionkatorion.

²⁹ Onka teniiase ne rone neh ki ȣahi neh rone: nok tanon ne ronatenro roȣennarakȣa oni rotahonsate, nok neh ratonnharakȣa tsi roȣennaronkas; eh kati oni nii niiot, onen tokenske ȣakahnane tsi ȣakatonn-hahere.

³⁰ Aseken enhasennoȣannha nok nii tentkastohne.

³¹ Akȣekon niiesakosennakenhnion ne Karonhiake nithaȣenon; aseken nonȣentsiake nithaȣenon, ronȣen-tsiakeronon ki nehneh, eh oni niiot tsi ratatis tsi niiot nonkȣesonha; nok tanon ne Karonhiake nitha-ȣenon, akȣekon niiesakokȣenion.

³² Nok neh rattroris tsinihotkatton oni tsini horonken, nok iah onka tehonȣatahonsatatis.

³³ Nok onka rotaonsatati, roriȣaniraton ki tsi Niio ihken ne Niio.

³⁴ Asoken ne Niio thotennieton nekiok ratrori ne Niio raoȣenna aseken iah ki ok tiieroheststa ne Niio tsini honikonraȣis.

³⁵ Roniha ronoronkȣa ne Roienha, akȣekon oni nihiehoriȣaȣi.

³⁶ Karonhiake enhatsennonni nentretakȣe raosennakon ne Roienha; nok ne iah tethaȣetakon raosennakon ne Roienha iah nonȣenton tiiahatkatto ne Karonhiake, ok eken tanon neh enhorane ne Niio raonakȣensera.