John 2 - Neh Nase Tsi Shokȣatakȣen 1880 (4 Gospels by Joseph Onasakenrat)

Tekenihaton teioteriȣasonterakȣen tsini hoiaton Roiatatokenti San.

¹ Asen nonta onakenke taiontennioten Cana Galile nonȣe, etho iȣeskȣe ne Iesos ronistenha.

² Ȣahonȣaonkaron oni nehne ne Iesos v…i ne raotiokȣa.

³ Nok ȣahontnekokten notsitsia, nok ne Iesos ronistenha ȣahaȣenhase: iah teshotinekaien notsitsia.

⁴ Nok no Iesos tontahaȣennaȣeron, ȣahenron: nahoten kati nii ahetiatsteristakȣake tsi sathonȣisonha? areko tehio tsi kaȣistaeks nii akaȣenk.

⁵ Ronistenha ionsaiakaȣenhase ne kannhatseraokon: eh naseȣaier tsi ok oni niiot tsi hentsiseȣann-hane.

⁶ Iaiak nikatsetake otara etho katsetotonkȣe, neh ronststane tsini hotirennhaonne ne Sitaeronon neh nonȣe nikahaȣis tsini ȣentanoron toka asenson nika-nakȣake niiotieni.

⁷ Ȣahonron kati ne Iesos: seȣanekanann kehiken katsetoton onekanos; nok akȣa ȣahatinane.

⁸ Ethone ȣahenron: seȣanekarako onen, nok he-tsiseȣanatonnira no rostsȣenkaramionte. Nok iahon-ȣanatonhase.

⁹ Ne kati nonen sahatkense ne rostsȣenkaraniionte nonekanos otsitsia iotonhon (iah ki tanon tehoterien-tarakȣe kah nontaȣe, kenh kaien ne kannhatsera ne rotinekaten ronaterientaratsion nehneh) ȣahaȣenhase ne roniakon.

¹⁰ Nok ȣahenron: Neh ens niare taiontierente ȣahenekira ne kanekiio; nok akȣa skenenha entkaio-thiiate nonon eso iakohnekiren; nok nise sekon neh nisateȣeienton ne kanekiio.

¹¹ Nehne tontierente ioriȣanerakȣat tsinahaiere ne Iesos Cana-Galile nonȣe, nok ȣehne ȣaronni ne raoia-tanerakȣatsera, nok taonȣetakȣe ne raotiokȣa.

¹² Ethone onen Kapharnaumke niiahare ronhne ne ronistenha rontatekonhokonha, oni ne raotiokȣa, iah ki tanon tiiehoniskohon.

¹³ Aseken onen thoha iakaheȣe tsini honentano-ronse ne Sitaeronon konȣanatonkȣa Shotonnhestston, Jerusalem niionsare ne Iesos.

¹⁴ Iaharaȣo, Ononsatokentike ȣasakoken ronate-naskȣatkeronton, tionnhonskȣaron, teiotinakarontonha, orite etho oni ronatekkȣaratseroton ne tehon-tatȣistaȣis.

¹⁵ Ok aseriie tahatkȣironniate, nok akȣekon sasakotekȣate nʼononsatokentike oni ne rahotitsenen-hokon; ȣathatȣistokȣatanion nok ȣahatekkȣaratse-rakarhathoseron.

¹⁶ Nok ȣasakaȣenhase nʼOrite ronatenaskȣatkeron-takȣe, ehren seȣahaȣit kehiken ne kenh nonȣe, tosa iontkerontakȣa seȣatatenonsonn iaton ne Rakeniha raononsa.

¹⁷ Ethone ne raotiokȣa sakonneiarane tsiniȣaton tsi kaiaton: Sanonsa aokȣeniat onkiatakari,

¹⁸ Tahontati no sitaeronon ȣahonniron: oh nahoten enhiakȣatokatakȣe tsi sakȣeniatseraien noh nasiere?

¹⁹ Iesos tontasakoȣennaȣeron ȣahenron: saseȣa-nonsarisi ne kenh Ononsatokenti, nok asen nenȣata enskenonsisa.

²⁰ Tontahonniron ne Sitaeronon: Kaieri niioserasen nok iaiak niiekanensison ne kenh kanonsote, nok nise asen ok nenȣata ensesenonsisa.

²¹ Nehse neneh rentonhakȣe tsinenhioiataȣen ne raoieronta.

²² Nese ȣaonni nonen sonsahatonnhete, sahonneia-rane ne raotiokȣa tsinahoten raȣen; taonnetakȣe tsini kaiaton, oni tsinithotati ne Iesos.

²³ Tsinikariȣes Jerusalem ihres, kentiokoȣanen taonȣotakȣe, netsi iontkathos ioriȣanerakȣatenions tsini haierhakȣe.

²⁴ Iah ki tanon ne Iesos akȣa tetesakaȣetakȣenne aseken akȣekon niiesakoienteriskȣe.

²⁵ Nok oni tsi iah teresakskȣe onka nonkȣe ahon-ȣariȣaniratse: aseken akȣekon raienteri tsini iakaȣe-riasotens nonkȣe.