John 16 - Neh Nase Tsi Shokȣatakȣen 1880 (4 Gospels by Joseph Onasakenrat)

Iaiak-aton iaȣenre teioteriȣasonterakȣen Oriȣatokenti tsini hoiaton Roiatatokenti San.

¹ NEH ȣaonni ȣakȣarori neh nikarihotens nene tosa aeseȣatateriȣaientaten.

² Enhietsiiatekȣate tsi ronterennaientakȣa: ien-kaeȣe oni nenhietsirio, ronhnere taiakȣariȣaierite tsi nonkati ne Niio.

³ Noh ȣaonni eh nenhietsiierase ne tsi iah teionk-hiienterhaon ne Rakeniha, iah oni nii.

⁴ Neh ȣaonni ȣakȣarori, nonen ienkaeȣe aonsese-ȣeiarane tsi kȣarori; nok iah oksaok tetkȣarori tsi tiotasaȣe neh ki tsi teȣakȣekonhatieskȣe.

⁵ Onen tanon nonȣa eh sake tsi thenteron ne taka-torion; nok iah onka tsinitsion teȣakeriȣanontonnis nakenron kahȣase?

⁶ Ok okon tsiniiot ne ȣeseȣanikonrario tsi ȣakȣa-rori neh nikarihoten.

⁷ Oriȣiiose sane tsinikȣarori: Seȣatsennonniat oni naonsahatenti. Asekon ne iah tenskatentionhe iah ki tahontare ne Sakohnikonriiosta, nok tanon nenska-tenti enthiiatenniete iseke.

⁸ Nok nonen enhraȣo, raonha ensakohnikonrasenni nonkȣeokon kariȣanerenhenne, ateriȣakȣarisiontse-rakon nok kaiatoretatserakon,

⁹ Kariȣanerenhenne, ne tsi iah tethonetakȣen naksennakon.

¹⁰ Ateriȣakȣarisiontserakon ne tsi Rakenineha sake, nok iah taonsaskȣakenseko,

¹¹ Kaiatoretatserakon ne tsi onen tekonȣaiatore-takȣenthon nonȣentsiakeronon konȣakoȣanen.

¹² Sekon eso ioriȣake ȣakeriȣaion nakȣarori; iah ki taeseȣakȣoni naeseȣai-onke nonȣa.

¹³ Nok tanon nonen enhraȣe ne Ronikonratoken-ton, kariȣiiotserakon enstsiseȣasharine, aseken iah tehaonhaa tsi enhatati; neh tanon enshatrori tsinikon enhoronken, nok neh oni enhtsiseȣarori tsi nenhia ȣenseronne.

¹⁴ Raonha enhaksennoȣanate; aseken tonrakȣe nakaȣenk nok enhtsiseȣarori.

¹⁵ Tsinikon roien ne Rakeniha, akaȣenk; nese aoriȣa ȣakiron, tenrakȣe nakaȣenk nok neh hentsise-ȣarorianion.

¹⁶ Akȣa niskariȣessa onen iah taonsaȣkȣakon; nok iah tekariȣes onakenke onon are onseskȣaken: aseken Rakenineha sako.

¹⁷ Otiake ne raotiokȣa ȣahonniron: nahoton ronton tsi raton: iah toskariȣes onen iah taonsaskȣaken; nok kenh nikariȣessa ohnakenke onen are ensoskȣaken: aseken Rakenineha sake.

¹⁸ Rontonhakȣe kati: nahoten konton neh nikaȣennoten: nikariȣesha? Iah teionkȣanikonraientas tsinahoten ronton.

¹⁹ Nok ne Iesos roterientaratsion tsi ronnere asakȣariȣanontonse, ȣasakaȣenhnso: teseȣatatoriȣanon-…onnionni tsi nah oten ȣakiton tsi ȣakiron: kenh nen-…ȣeha onen iah taonsaskȣaken: nok kenhnenȣeha onakenke onen are enseskȣaken.

²⁰ Oriȣiio akȣa oriȣiio tsi kȣarori, tsi tenseȣasen-thoseron, nok entsionsenanion; nok enhiontonnharon-nion nonkȣeokon: katon enseȣanikonraksenseron, nok ki tanon atonnharatsera tenstiatteni ne seȣanikonrak-sentsera.

²¹ Tsiniiot ne tsiothonȣisen ioȣiraientasere, ȣattokas eso oni tsi ioronhiaken aseken onen ieiotenniseri-heȣi; nok tanon nonen teiotohestston, iah othenon teseȣeiare naoronhiakensera, neok enskat tsi tsioton-nhahere tsi onen are enskat nonkȣe saionnakerate.

²² Etho kati nonȣa oni nise niiot seȣanikonrak-sens; sekon ki tanon onskȣaken nok entsiseȣatonnh-aren, nok iah onka taonsaietsikȣa ne seȣatsennonnia-tsera.

²³ Nok ethone iah othen… taonsaskȣa…iȣanon-tonse, Oriȣiio, oriȣiio, tsi kȣarori akȣa tsi ok nahoten entsiseȣariȣanontonse ne Rakeniha nii aksennakon akȣekon entsitsion.

²⁴ Tsiniiore nonȣa, areko othenon teseȣariȣanonton naksennakon; seȣariȣanonton nok enseȣarane, naese-ȣatsennonniatseriiohako.

²⁵ Tekeriȣakentonkȣa nonȣa tsi kȣarori; ienȣaten-niseriheȣe tanon nonen iah tataonsakȣariȣakenton-kȣenniheke tsi enkȣarori, akȣa tanon entkeriȣakȣari-siate tsi enhiiatrori ne Rakeniha.

²⁶ Ethone aksennakon enseȣariȣanonton, nok iah takiron enhineken kenh ne Rakeniha nise seȣariȣake.

²⁷ Aseken hotsiseȣanoronkȣa oni neneh ne Rakeniha, aseken takȣanonȣehon, nok tiseȣetakon tsi Niione niteȣakohnon.

²⁸ Rakenineha niteȣakohnon, onȣentsiake teȣake-hnonton; nok nonȣa skatkenratane nonȣontsiake, nok Rakenineha sake.

²⁹ Tahonniron ne raotiokȣa: onen tokenske sariȣakȣarision, iah oni tesesaststa ne tekariȣakenton-kȣen.

³⁰ Onen oriȣiio ȣahationni tsi oriȣakȣeko nniiesa-terientare, iah oni tateiotonȣentsiohon naiesarȣainon-tonse; neh kati ȣaonni tionkȣetakon tsi Niione tisa-ientakȣen.

³¹ Tontahenron ne Iesos, onen kenh tiseȣetakȣen?

³² Onȣatsiok ienkaheȣe, onen ki oni ieiohe ne taietȣiiareniate, tsiseȣaiatetson tsiniienhenseȣe, nok akonhaa ienseȣakatatenre; iah ki nehne teȣakonhaa.

³³ Aseken iakenikȣekon ne Rakeniha.

³⁴ Noh ȣaonni ȣakȣarori noh ne skennen aeaeȣa-nontonnionheke nii akoriȣake, seȣanikonranonȣakhe nonkȣehne; seȣanikonranironhak tanon, kesennion nonȣentsiakekha.