John 15 - Neh Nase Tsi Shokȣatakȣen 1880 (4 Gospels by Joseph Onasakenrat)

Ȣisk-aton iaȣenre teioteriȣasonterakȣen Oriȣatokenti tsini hoiaton Roiatatokenti San.

¹ Ii ne kanenharakȣeniio, nok ne Rakeniha ranen-haraienthos.

² Akȣokon rannhatiaks tsinikon ne iah teȣaiani-iontha nakonhake, sakoratensta tsinikon ne ȣaiani-iontta, naiaȣens kenha senha eso aonhianiionten.

³ Onen ok seȣakȣekon neh tsiseȣatiatokeȣaton tsini kaȣennoten kȣarionnienni.

⁴ Akonhake ok kati seȣatennikonranentaktonhak, nok nii iseke. Tsiki niiot nʼonenhare onnhata iah taonhianiionten ne iah kanenharakȣeniioke taonta-ionnhatotake, iah kati oni nise othenon taeseȣakȣeni nʼiah iihne taeseȣenterontake.

⁵ Ii ne kanenharakȣeniio, nok ise nʼonnhatasonha. Eso enhotonnien ncnhiakenikȣekon, aseken nʼehren nonȣe iah othenon taeseȣateiaronhase.

⁶ Nonka iah teiakenikȣekon, astste iehonȣaiaton-tion tsiki niiot nʼonnhata, nok enȣastatten; nok ten-tiakoronko otsirake ienȣation eh oni enȣastsha.

⁷ Ne toka enteȣakȣekonhake nok onseȣahaȣake nakeȣenna, tsi ok nahoten seȣariȣanonton eh se nen-hiaȣenne.

⁸ Neh enhasennoȣanatakȣe ne Rakeniha nʼeso enseȣateiaronhase, nok ethone akitiokȣa enseȣaton.

⁹ Tsini hnkenonȣehon ne Rakeniha, etho kati oni nii nikȣanonȣehon; akehnonȣetserakon kati tsionn-hek.

¹⁰ Nenseȣateȣeienton nakeriȣasonha akenonȣe-tserakon ki entsionnheke; tsi ki nii niȣakenonntaton ne Rakeniha raoriȣaokon nok raononȣetseiakon konnhe.

¹¹ Neh aoriȣa ȣakȣarori, niseke aonkatonnharake, nok aontonnharatseriiohake oni nise tsi aeseȣatonnharen.

¹² Kenh kaien nakateniententsera: taesoȣatate-nonȣehake tsi nii nikȣanonȣehon.

¹³ Iah onka senha ihsinonka toionoronkȣatseraien tsiniiore nasakoteȣentotase tsi ronnhe no rontenroson.

¹⁴ Onkȣatenro enkenhake neh nenseȣaiere tsini kȣannhas.

¹⁵ Iah kannhatsera teskȣanatonkȣa, asekon ne rannhatsera iah tehoterientare tsini hatierha ne raia-takȣeniie: onkȣatenro tanon kȣanatonkȣen, aseken akȣekon niiekȣanatonni tsinikon Rakenineha teȣaka-ronken.

¹⁶ Iah ȣahi ise teskȣaiatarakȣen, ii tanon ȣahi kȣaiatarakȣen, kȣanaktaseronnienni oni, naontonseke akȣekon naonteseȣete, nok aeseȣateiaronhase, tiotkon oni eh naiotonhatie, neh oni ne tsi ok nahoten atsise-ȣariȣanontonse ne Rakeniha ii aksennakon, entetsi-tsion.

¹⁷ Ne kati kehiken enskat ȣakȣatenientenso, nehne taeseȣatatenonȣehake tsinatetsion.

¹⁸ Toka enhietsisȣen nonkȣeokon, Seȣariȣaienteri-hak tsi ii ȣakhenton naionksȣen.

¹⁹ Ne netho naeseȣaȣeiennoten tsiniiot nonkȣe-sonha oriȣiio tsi aietsinoronkȣe, nok tsi iah eh teiot, ok eken tanon kȣaiatetarhon nonkȣene, neh ȣaonni iestsisȣens nonkȣeokon.

²⁰ Saseȣeiarann tsini kaȣennoten kȣarori, tsi iah senha tehaiatakȣeniio ne rannhatsera tsiniiot ne eaiatakȣeniio, Toka ionkkenrenseronni enhiestsi-kenrenseronni ki oni nise; toka ionkeȣonnarakȣen, enhiestsiȣennarakȣe ki oni nise.

²¹ Aksenna enkarionni tsi eh nenhiestsiierase, asoken iah tehonȣaienteri ne thakatorion.

²² Iah tahotinnhitseraientake ne iah taontonkenon, iah oni takheiatatike, nok tanon nonȣa rotikete ne raotiriȣaneraaksera.

²³ Onka raksȣens, rosȣens ki oni ne Rakeniha.

²⁴ Ne ne iah oh taontieranionke rahotihenton tei-nahoten ne iah onka nakoren eh teioieren, iah tahoti-riȣaneraakseraientake; onen sane nonȣa ronatkathon nok sanesekon niionkhisȣens, ii nok oni no Rakeniha.

²⁵ Neh ki tanon nehne ne iakaierine tsini kaiaton ne raoiatonserakon: ok tiȣakstonstston tsi ionksȣen-hon.

²⁶ Nok tanon nonen henraȣe ne sakohnikonriiosta, nehne Rakenineha enthiiatenniete, nehne Ronikonriioston, Rakenineha oni thoientakon, raonha enha-keriȣaniratse.