John 14 - Neh Nase Tsi Shokȣatakȣen 1880 (4 Gospels by Joseph Onasakenrat)

Kaieri-aton iaȣenre teioteriȣasonterakȣen Oriȣatokenti tsini hoiaton Roiatatokenti San.

¹ Tosa mseȣatatenikonrharen tiseȣetakȣon Niiohne, taseȣetakȣenhak kati oni niihne.

² Eso nah kanaktake tkanaktenion ne Rakeniha raononskon, aseken nohia naiotonhake akȣarorike ki; ȣakȣanaktaseronniennire kati,

³ Nok nonen enseȣakatention, enkȣanaktaseron-nienni oni, tentke nok ienskȣaiatenhaȣe: nʼetho ki oni nise nonȣe naesehȣenterontake tsinonȣe noakite-rontake.

⁴ Nok seȣaterientare tsi nonȣe sake, seȣahahaien-teri oni.

⁵ Atonȣa tahatati, ȣahenron: Saianer! iah othenon teionkȣaterientare kah ȣahse; oh kati naiaȣenne naiakȣahaienterihako.

⁶ Tontahenron ne Iesos: Ii nohaha, oni noriȣiio, oni ne ionnhe: iah onka tiiaonȣe no Rakenineha nʼiah iihne tnontaieientakȣane.

⁷ Neh nenskȣaienterihako, entsiseȣaienterhane ki oni no Rakeniha; onen ki tanon nonȣa ȣatsiseȣaien-terhane, ȣatsiseȣaken oni.

⁸ Philipp tahatati, ȣahenron: Saianer! takȣana-tonhas ne Roniha; etho ok natetsion kȣatonȣentsioni.

⁹ Tontahoȣennaȣeron ne Iesos, ȣahenron: Onen nahe siteȣakȣekonhaties nok iah teskȣaionteri! Philipp onka kiok rakken, rokenki ne Rakeniha; oh kati niiotieren tsi saton, takȣanatonhas ne Roniha?

¹⁰ Iah kenh tetisetakȣen tsi iakenikȣekon ne Rakeniha? tsini ioȣennake konrori iah ii teȣakatenni-konra; nese ne Rakeniha iakenikȣekon eh nihoteȣe-iennisonhonhaties.

¹¹ Tasetakȣenhak tsi iakenikȣekon, teiakenikȣe-kon oni ne Rakeniha; Toka iah arahona ki neh aontasetakȣe tsini ȣakieranion.

¹² Oriȣiio akȣa oriȣiio tsi ȣakȣarori: nonka enthaȣetakon nʼaksennakon, eh nenhaiere tsi ni ȣakieranion, nok senha sekon ihsinonh tsinenhaiere, aseken rakenineha sake.

¹³ Nok tsi ok nahoten enseȣariȣanonton nʼii aksen-nakon eh se nenkiere; eh naontaȣe Roienha ahari-honni ahonȣasennoȣanate ne Roniha.

¹⁴ Saeto sane niioriȣaha enseȣariȣanonton naksen-nakon ehki nenkiere.

¹⁵ Toka takȣanoronkȣa Seȣateȣoienton ki nakeri-ȣaokon.

¹⁶ Nok enhineken ne Rakeniha, nok oiah ensetsi-tsien ne sakohnikonriiosta, neh tiotkon enseȣakȣekon-hatieseke.

¹⁷ Noneh Ronikonriioston, nene iah onka tehon-ȣaienteri nonkȣe; aseken iah ki tehonȣakens, iah oni tehonȣaionteri: hetsiseȣaienteri ki tanon nise; aseken seȣakȣekonhaties, tiotkon oni enseȣakȣekon-hatie.

¹⁸ Iah ki taoseȣententane no kanisera; tentkȣat kenserase.

¹⁹ Onen iah taonsaionnise, iah nonkȣe taonsaionk-ken; enskȣakenseke ki tanon niso; nok tsinikonnhe etho oni nise nentsionnheke.

²⁰ Etho nonȣe teȣenniserate enseȣatkatho tsi iake-nikȣekon ne Rakeniha, nok oni nise tsi teȣakȣekon-hatie.

²¹ Onka enhateȣoienton nakeriȣasonha enhariȣaierite oni, neh tohiken rakenoronkȣa; nok ne rakeno-ronkȣa, enhonoronkȣe ne Rakoniha, onhinoronkȣo oni nii, nok ȣeno enhiiatonnien.

²² Jude (iah Iskariot tehken) tahatati ȣahenron: Saianer! oh niiotieren tsi ontionhake ok ȣehne ensatatonni nok iah nonkȣeno?

²³ Tontahoȣennaȣoron no Iesos, nok ȣahenron: nonka rakenoronkȣa enhateȣeienton nakeȣenna, noh enhonoronkȣe ne Rakeniha; nok nii entsiteȣaiatorenne nok raonhako ienteȣatien.

²⁴ Kenh kaien ne iah tehakenoronkȣa, iah honi tehakeȣennanoronkȣa, neh oni ne seȣaȣennaronkon nʼiah ii teȣakeȣenna, neh tanon ne Rakeniha ne takatorion.

²⁵ Onen kȣarori neh nikarihoten sekon ok niteȣa-kȣekonhaties.

²⁶ Nok tanon ne Sakohnikonriiosta, nehne Ronikonriioston, aksennakon enthotenniete ne Rakoniha, akȣekon niiontsiseȣarionnien, ensetsiseȣeiarakȣen oni tsini ioriȣake kȣarori.

²⁷ Ȣakion ne skennen, neh oni nakȣa ii akaȣenk ne skennen neh kȣaȣis, iah eh tekierha tsi kȣaȣis tsiniiot nonkȣe tsi iontataȣis. Tosa kati othenon teso-ȣeriasishonk, tosa oni seȣateronsek.

²⁸ Seȣaronken tsi kȣarori ȣaken. Skatentionhe, nok tontkȣatkensera. Ne naskȣanoronkȣake oriȣiio tsi aeseȣatonnharake tsi katon: Rakenineha sake, aseken senha ki Rakeniha raiatanoron tsi nii niiot.

²⁹ Nok nonȣa onen ok tkȣarori ohenton eh naiaȣenne; toka nah aonteseȣetakȣe nonen ionkaheȣe oni eh nenhiaȣen.

³⁰ Onen thoha aontiake tsi teteȣatharha: asekon tare ne ronȣakoȣanen tsi ionȣentsiate; iah sane othenon tehoriȣake niihne.

³¹ No kiok aietokatak nonkȣeokon tsi rinoronkȣa ne Rakoniha, tsi neok oni eh niȣakiere entie tsini-thanonȣes, teseȣatann nok ehren iteȣe… konh nonȣe.