John 12 - Neh Nase Tsi Shokȣatakȣen 1880 (4 Gospels by Joseph Onasakenrat)

Tekeni-aton iaȣenre teioteriȣasonterakȣen Oriȣatokenti tsini hoiaton Roiatatokenti San.

¹ Iaiak nonta ohenton naontanoronne ne Shotonnhe-stston, Betani saraȣe ne Iesos tsi nonȣe nihanakere-kȣe no Lazar nehne raȣenhoionne, neh oni ne shahon-nheton.

² Nok oh nonȣe nahonȣakhonnion nokarasa, Marth ontstoriste natekkȣarane, nok ne Lazar etho oni noneh rotekkȣarakȣe.

³ Nok ethone nʼOnȣari niiahateȣakȣe nakȣa ihken ȣenhieniio oni ȣenhionanoron nok Iesos rasike tonȣe-ron nok ok neh nahononkȣis tontakarakeȣate, nok akȣa ȣakanonsino tsini ȣenhienakon.

⁴ Ethono saiatat tsini hotiokȣa, neneh Sitas Iskariot neh oni ne ienhotenninon ȣahenron ne rahonikon-rakon.

⁵ Oh niiotieren kehiken tsi iah teȣatenhienaninon asen nikaȣistake iataiohnenon, nok iakotent aionta-tatitenraton?

⁶ Eh niiot tsi tahatati, iah sane ne teioriȣako tsi asakotenrheke ne iakotent, neh tanon tsi ratieronkȣa, nok raonha ranatatsorenhaȣakȣo raonha oni raha-ȣiskȣe tsinahoten iakotahaskȣe.

⁷ Tontahoȣennaȣeron, nok ȣahenron: Tosa othenon saststerist; asoken neh ontenti oni enskat teskaierontare tsinenhiaȣenne nonen enhionkiatata.

⁸ Aseken tiotkon onseȣaiontake ne iakotent; nok nʼii iah tiotkon taeteȣakȣekon.

⁹ Kentiokoȣanon ne Sitaeronon ȣahakotokense tsi eh renteron, eh Saontkennisa, iah Iesos ok tehon-ȣaniente, neh oni nahonsaonȣaken ne Lazar shotonnheton tsi raȣenheionne.

¹⁰ Nok ne ratitsihenstakȣeniios ȣahatiriȣisa nahon-ȣario oni neneh ne Lazar.

¹¹ Netsi kentiokoȣanen ne Sitaeronon eh ieiont-takȣe raonha raoriȣake nok tiaketakȣakȣe Iesos Raosennakon.

¹² Tsi ȣahorhenne, tsini iotiokȣatsanit iakohne neh nonȣe sikahaȣi ne tsi ȣentanoronsere, ȣaeriȣaronke tsi Jerusalem nontahaȣenonhatio no Iesos.

¹³ Ȣahatikȣiriako ne teioteneratakȣenonni nok ontenenratenti ȣathonȣateratana nok tehotihenretane rontonne: Hosanna! Ahonȣanenton ne Israerronon Ronȣanontiio, nehne Raosennakon ne Raȣenniio tahoientakonhatie.

¹⁴ Nok ne Iesos ȣahanaskȣatsenri kenseri katsinn, neh ȣahosaten tsiki niiot tsi kaiaton.

¹⁵ Tosa sateronn Sion saienha: Onen tare ne Ianontiio kenseri oȣira tahose.

¹⁶ Iah othenon akȣa tehoneron ne raotiokȣa tsi nahaȣen, tsi kati niiore onon iaonȣasennoȣanato, onen sakonneiarane tsi raonha rohton tsi eh niiot tsi kaiaton, nok tsi nahatiiere neh ȣatrori tsi onen iakaierite.

¹⁷ Kentiokoȣanen no tsiniiakon teiekanerakȣe satontahokestsko ne Lazar ossonȣakon oni sahahonn-hete, akȣekon ok ronȣariȣaniratihakȣe.

¹⁸ Neh oni senha ȣakentiokoȣanate sathonȣatera-tana neh tsi iakoronken tsi eh nihoieren.

¹⁹ Ȣahontonnionȣe ne Pharisian: seȣatkattos ȣahi tsi iah othenon teteȣatkȣenies, onen are konh nonȣa akȣekon ok nonkȣeokon ronȣanontoraties.

²⁰ Otiake ratiiatarakȣe ne Grek tsiniiakon iakohne oni ronȣasennaiennire ne Niio neh nonȣe siȣenta-noronsere.

²¹ Neh kati ȣahonȣaiatorenne ne Philippe Galile-ronon, Betsaida kanatakon nonȣe nihanakerekȣe, ȣahonȣanekon, ȣahonniron: Seȣenniio; iakȣaskaneks nʼasakȣaken Iesos.

²² Philippe Saraȣe, André sahorori, nok nʼAndré tanon Philippe ionsahonȣarori ne Iesos.

²³ Tontahenron ne Iesos tsi tontasakoȣennaȣeron: Onen iakaheȣe …aȣennoȣannha nʼOnkȣe Roienha.

²⁴ Oriȣiio akȣa oriȣiio tsi kȣarori: Onatsia kanen onȣentsiake enhiakoti, neiah tenkenheionsere enskat ki ok tsi enkaientake; nok nenkonheie, esoki enka-nenhonten.

²⁵ Onka ranoronkȣa tsi ronnhe, enhotonse; nok ne iah tehononste tsi ronnhe ne kentho onȣentsiake, neh enhahaȣake tsiniienhenȣe! iah oni takariȣentane.

²⁶ Onka rakeriȣaȣase raknonteratie ki, nok tsi-nonȣe nenkeseke etho oni nehne enreseke nakennhatsera, nok nenhakeriȣaȣase enhokonnienste ne Rakeniha.

²⁷ Onen nonȣa ok osʼsontiȣakonnhaȣens; oh onte nahoten akerase? O rakeni! askiatanonstate nonȣa nikahtiȣis; nese sane teȣakenienton tsi teȣakehnon.

²⁸ Rakeni! tsennanoronst ne sasenna. Ethone karonhiake nontonteȣennine ȣakenron: Onen risen-nanoronston nok sekon ki henshisennanoronste.

²⁹ Nok tsiniiakon netho iienskȣe, oni ne ȣaon-ronkanien neh nikaȣennoten, iontonhakȣe ȣakaȣore onte ȣahi; nok notiake iontonhakȣe neneh: Raronhiakeronon ȣahi ȣatnitharen.

³⁰ Tontahatati ne Iesos, ȣahenron: iah ii teȣakeri-ȣako kehiken nikaȣennoten tsi ȣeseȣaȣennaronke, ise tanon seȣariȣake.

³¹ Onen onȣe naoriȣentatsera tsi ionȣentsiate; Onen oni astste enhonȣaiatontiete no ronȣakoȣanen tsi ionȣentsiate.

³² Nok nii nonen enseȣakateratakȣen ne kentho ionȣentsiate, akȣekon nonkȣe akonhake entekeiatati-hentho.

³³ Neh ȣahentonȣe tsi neh ȣahenron tsini ȣenheion-toten henrenheiate.

³⁴ Tontahonniron nonkȣeokon: Onkȣaiatonsera ionkȣarori tsi henronnheke onȣe ne Keristos: oh kati nekenh niiotieren tsi saton enshatharatate nʼOnkȣe Roienha? Onka kati nekenh nonkȣe Roienha?

³⁵ Tontahenron no Iesos; Sekon nikariȣessa tese-ȣasȣathetseraien: seȣatenti kati sekon ok nateseȣas-ȣathe, sotsi iotteron onȣa tontiseȣakaraȣe: aseken nasatakon rotentionhatie, iah ki tehoterientare kah ȣaro.

³⁶ Taseȣetakȣenhak tsini kariȣes teseȣasȣathe-tseraien, netho naontaȣe osȣathesora seȣaionha aese-ȣaton. Nonen saharihokten ne Iesos, oksaok ehren sarete, nok sasakotatonten.

³⁷ Nok saetho sane eso ne ioriȣanerakȣatenmn tsini hoieranion rahotihenton, iah ki othenon tetio-rakȣen tsi iah tethonetakȣen ne raosennakon.

³⁸ Ne kati ȣahonni takaierine tsini kaȣennoten thoȣenninekenhon ne Rotokenseakȣe Isaï: Saianer! Onka tiakaȣetakon nonkȣaȣennake, nok onka ronȣa-tokatenti ne Roianer raonentsa?

³⁹ Neh ȣahonni iah tethonetakon, ne tsi Sekon saton ne Isaï:

⁴⁰ Ȣatesakoronȣeke, nok ȣasakaȣeriasanirato, tosa rat…arake ahontkahtot, nok raoneriane iahotinikonraientane, nok ahonsalmntatreȣate, nok ahonsakhe-tsiento.

⁴¹ Eh niiot tsi thotati nʼIsai, sahatkatho ne raoia-tanerakȣatsera, raonha onirohton shihothare.

⁴² Ronentiokoȣanen sane ne ratitsihenstakȣeniios tahonnetakȣe raosennakon, iah ki tanon ȣehne tohonnonniskȣe, ne tsi sakotitsaniskȣe ne Pharisian, onȣa sotsi tenthonȣatiiatinekenȣo tsi ionterennaien-takȣa.

⁴³ Asoken neki ȣahatirako nʼonkȣe akorensarontsera tsiniiot ne Niio raorensaront-era.

⁴⁴ Ok tathohonrete ne Iesos nok ȣahenron: Onka kiok akonhake taȣetakȣen, iahse akenhake ok tetha-ȣetakȣen, neso oni tsinonkati ne takatorion.

⁴⁵ Onka tehakkanere tehakanere ki oni ne takatorion.

⁴⁶ Neh keniente tsi ȣako nonȣentsiake, ne taksȣathete, nene tosa taontaiakokarasseke tsiniiakon entia-ketakȣe niihne.

⁴⁷ Nok nonka kiok enhionkeȣennaronke, nok iah taontaiaketakȣe iah ki tatakheiatorete: Aseken iah ki neh tekeniente ne takheiatorete nonkȣe, neok tanon nʼakheniakente.

⁴⁸ Onka enhakkenron iah oni tahataonsatate nake-ȣennaokon; rahaȣe ne tenhoiatorete, ok neh nʼOȣonna ne ȣakerioȣanaton neh tenhoiatorete nʼonaken teȣenniseronte.

⁴⁹ Aseken iah ii teȣakatonnikonra tsiniiot tsi ȣakatati; Rakenihase ne takatorion raonha rakrori oni rakerionnienni tsinenkiere tsi enkatati oni tsi enkeȣenninekenne.

⁵⁰ Nok ȣakaterientare tsi iakaonnhests neraoriȣa-okon; tsi kati nikon katroris, eh ki nikierha tsi ȣkatrori, tsinihoieren tsi rakrori no Rakeniha.