John 10 - Neh Nase Tsi Shokȣatakȣen 1880 (4 Gospels by Joseph Onasakenrat)

Oieriaton nateioteriȣasonterakȣen nʼOriȣatokehti tsini hoiaton Roiatatokenti San.

¹ Oriȣiio akȣa oriȣiio tsi kȣarori; onka iah kannho-hakȣeniioko tethataȣeiatakȣa tsinonh nikontiteron ne teiotinakarontonha, akte tanon nonȣe thoientakon tsi iehataȣeiata, neh tohiken naieron oni ranenskȣas.

² Kenh kaien nnkȣa tsi kannhokaronte nitres tsi iehataȣeiata, neh tohiken tokenske rahotsenenhokon no teiotinakarontonha.

³ Enhonnhotonkȣase ne tehonnhohaien, ronȣaȣen-naienteri ne teiotinakarontonha; akȣa oni entesako-hnatonhnion tsi iensakohnonke ne raotsenen hokon nok astste niienshakoiatenhaȣe.

⁴ Nok nonen sakoiatinekenhon ne rahotsenenho-kon, ohentonson ȣare, nok ronȣanontoraties ne raho-tsenenhokon aseken ronȣaienteri.

⁵ Iah tanon tahonȣasere noiah tehonȣaienteri; ok eken tanon enkonteko, aseken iah teiakotiȣennaien-teri ne thiiete.

⁶ Eh nahaiere tsi ȣatesakoriȣakentonkȣen ne Iesos, nok iah tehotinikonraientaon tsi nahoten renhton.

⁷ Sekon kati ne Iesos ȣahenron: Oriȣiio akȣa oriȣiio tsi Ii ne tsi kannhokaronte tsi nonȣe nitkon-netta ne teiotinakarontonha.

⁸ Akȣekon kati tsinihati nohenton rotikȣathon tsiniiore nʼii, akȣekon neh nʼaieron oni ratinenskȣas; iah ki oni tehonȣanatahonsatati ne teiotinakaron-tonha.

⁹ Ii ne tsi kannhokaronte; onka iihne enhionta-ȣeiate neh enhieniakenne, enhiontaȣeiate oni entsie-iakenne nok enhiestsenri ne kakkȣiio.

¹⁰ Neok tanientes naieron nahatieronkȣe, ahario oni ahatonte: neh nʼii kehniente tsi ȣako nʼakheion-nhote, neh oni nakȣa ok taontiesen.

¹¹ Ii ne ranonnhatseriio: ranonnhatseriio sakoȣis ne rahotsenenhokon tsi ronnhe.

¹² Nok ne rannhatsera, oni ne iah tehanonne ne katsenen, iah oni raonha tehotsenenhokon, ok eh tensakotsiakȣarisi ne katsenen nenhaken taȣe ohkȣaho nok ȣahateko; nok nʼokȣaho ok tontate-ȣenniioste oni ȣateȣanitiokokȣate ne katsenen.

¹³ Neh ȣahonni ȣahateko ne tsi rannhatsera, iah othenon tehannhatens ne katsenen.

¹⁴ Kehnonnhatseriio nʼii, keienteris naketsenen, oni ionkienteri nʼononha.

¹⁵ Tsi kiniiot tsi rakienteri ne Rakeniha eh oni nʼii nihiienteri ne Rakeniha. Nok aketsenenhokon keiaȣis tsi konnhe.

¹⁶ Sekon eso ȣakenaskȣaicn nareko akatehenrakon teiohnataȣeiaton, teiotonȣentsiohon kati oni neneh aontakheiatenhaȣe, nok enhionkeȣennarakȣake, enskat ok enkentiokȣaientako saiatat oni nensakosts-teristake.

¹⁷ Ne ȣaonni rakenoronkȣa no Rakeniha, neh tsi ok tikiens tsi konnhe, neh nataontaȣo aonsakiena.

¹⁸ Iah onka taionkekkȣa, akȣa ki Ii akatennikonra tsi katsiakȣarisions; ȣakkȣeniatseraien nʼakatken-rate ȣakkȣoniatserrien oni naonsakiena; Rakeniha eh niiot tsi rakrori.

¹⁹ Sekon are tonsahatiriȣatirontonko ne Sitaeronon tsini kaȣennoten ȣahonronko.

²⁰ Aseken kentiokoȣanen ne iontonhakȣe: Rotkonseraien, tehanonȣaraȣenrie oni ohniiotieren tsi hetsiseȣataonsate?

²¹ Nok notiake ionton; iahse eh tehaȣennoten ne Rotkonseraien; enhakȣeni ken nʼotkon taonsasakoka-kȣarisi ne teieronȣekon?

²² Ethono are onen Sontontanoronne ne Jerusalemke, Koserake kenhne.

²³ Nok ne Iesos kanonskonson tehateratanions, tsi ronnhokaronte ne Salomon.

²⁴ Eh kati ȣathonȣanenronni ne Sitaeronon nok ȣahonȣenhase: tohakȣa neriȣe enskȣanikonrorara-kon? Toka ise enkenhake ne Keristos takȣariȣa-kȣarisien onen tsi takȣarori.

²⁵ Iesos tontasakoȣennaȣoron, nok ȣahenron: Onen kȣarori nok iah tetiseȣetakȣen; neh ȣakeriȣa-nirati tsini kaiotenseroten ȣakioto Raosennakon no Rakeniha.

²⁶ Neh ȣaonni iah tetiseȣetakȣen no tsi iah ise teken naketsenenhokon, tsiniȣakieren tsi kȣarori.

²⁷ Konronkas naketsenen nakeȣenna, kheientoris oni nʼii, nok nononha ionknonteraties.

²⁸ Nok nʼii neh kheiaȣis no ionnheonȣe, iah oni nonȣenton tiiakontiiessa, iah oni onka tataonsaionk-hsiotarisi.

²⁹ Rakeniha rakonaskȣaȣi, neh thaonhaa thohsas-tenseroȣanen, iah tateshonȣasiotarisionho ne Rakoniha.

³⁰ Ii tanon no Rakeniha akȣa ok neh Sakat.

³¹ Ethone are onen no Sitaeronon tonsahatinon-hiakȣe nahonȣanenhioiake.

³² Iesos tontasakoȣennaȣoron nok ȣahenron: Eso ioriȣake ȣakȣanatonhaso ne tkariȣaieri neneh Rakenineha teȣakha: kah kati nonȣa nikaien takȣanen-hiohiahaktane?

³³ Tontahonniron ne Sitaeronon; iah tekȣanen-hioiahaktane ne tsioriȣat aontesariȣaieriton; neh ȣahi tsi ȣasateȣennaiesate, oni tsi thisonkȣeha, Niio satatonnis.

³⁴ Ȣahonron ne Iesos tsi tontasakoȣennaȣoron: Iah kennah tekaiaton ne seȣaiatonserakon: ȣaken: Niio neseȣaiatotens?

³⁵ Toka kati nonȣa Niio iakohnatonkȣen tsini-iakon iontataronkatenni ne Niio raoȣenna (iahse sane teseȣateȣatane tsini kaiaton).

³⁶ Seȣaton ken ȣakateȣennaiesate Ii ne Rakeniha rakiatatokentiston nok onȣentsiake takatorion, tsi ȣakiron: Niio Rakienha?

³⁷ Toka iah Rakeniha tehoiotensera tenȣakio-tekȣon, tosa ki katakȣetak.

³⁸ Kenh kaien noh nenȣakioren hatie, nok iah taontaskȣetakȣane, tasoȣetak neh nikaȣeiennoten; eh naontaȣe aeseȣaterientarane oni aonteseȣetakȣe tsi iakehnikȣekon ne Rakoniha.

³⁹ Neh ȣakarionni sekon are sonnerhakȣe ahonsa-sakȣaiena; nok kiok eh tahatatatonte rahotihenton.

⁴⁰ Nok sekon are iatonsahaiaiake ne Jordan, tsinonȣo Saȣatis thonekoserhon sontahatasaȣen, nok eh oni nonȣe ionsahatatiteron.

⁴¹ Nok kentiokoȣanon ȣahonȣaiatorenne, nok ion tonhakȣe: iah othenon tohahotasion ne ioriȣanerakȣa ne Saȣatis; nok ki tsinikon thoȣenninekenhon ne kenh kaien raiatatake akȣekon oriȣiio.

⁴² Nok kentiokoȣanon are eh nonȣe tontahonȣeta-kȣe.