John 7 - Ne Saint John 1804

CHAP. VII. Christus wahhaddedeghten ne yoghskenhase kanayegktsera.

¹ Oghnagenge ne kengayen tsiniyawen-on Jesus rathahhaghkwe Galileetseràgon: iken yaghten hononwe-on nʼenhathahhak ne Jewry, ne wahhoni tsi rodirighwisakon ne Jewfhaga tsinenhadiyere nʼenhonwaryoh.

² Onen nonwa onontohha enwaderihwihhewe tsinihondennyodden ne Jewshaga ne tabernacles.

³ Rondaddegen - ah kadi wahhonwenhaghse, eren seght ok Judeatseràgon yehàse, nene enhonderighwatkaghtho oni ne senntyoghkwa tsinikayodenghseròtense nene saryerha.

⁴ Iken yaghonghka ne ongwe ogh ten hatyerha ne adaghseghtonge, ok raonha rarighwisaks agwegon enhonwayenderhen, togat nonken nene ken ne karihhotense ne satyerha, sadaddodaghsyon ongweghne.

⁵ Iken ne rondaddegen-on yagh oni te tʼhoneghdaghkon ne raonhage.

⁶ Ethone Jesus washakawenhaghse, tenwaderigh wihhewe niih tsiniwakerihhòten: ok dengh non tiutkon sewarhare nʼisi tsinisewarihhòten.

⁷ Nene ongwe yaghten ondon enyetsighswense; ok iih yonkswense, ne wahhoni tsikerighwatròri, tsi wahhetken naah nene aoyòdenghsera.

⁸ Ise etho enseweghte tsi yakodènnyode: yagh niih etho ten yehenke nonwa tsi yakodenoyode; iken arekho tʼenkaycrine tsinenwakerighwihhen.

⁹ Neonen tsiwahshakawenhaghse nʼetho ne kawènnage, aghson egh yeh ennderondaghkwe Galileetseragon.

¹⁰ Ok denghnon ne onen tsi egh ronenonghton ne rondaddegen-son, ethone oni raonha egh wareghde tsiyakodennyode; yaghten ne wènon kehha ok denghnon tsiniyought ne adaghseghton kehha.

¹¹ Ethone ne Jewshaga ronwayadisakskwe tsi yakodènnyode, ok wahhoniron, kàh nene ise?

¹² Ok eso wathonderighwagenni ne ongwehogon raonha raoriwa: iken oddyake wahhoniron, rongwetiyon naah: tʼhikade wairon, yaghten ok denghnon ne shakomgonrhadenni ne ongwe.

¹³ Ok sane yagh onghka ten honwatrori ne enyoghronkathak tsiniyctsànise ne Jewshaga.

¹⁴ Ethone sadewaghsenna yaweght tsiniʼkahhavrisgwe tsi yakodennyode Jesus etho wareghde Templetseragon, ok wahshakorihhonyen.

¹⁵ Ok ne Jewshaga wahhadirighwaneghragon, rondon, oghníyought tsi raghyadonghserayendèri ne ken rongwe, yagh se ten honwarighhonyen?

¹⁶ Jesus tehharighwàseragon, ok ràwen, tsini wakerighhòten yagh niih ten kewenniyoh, ok raonha denghnon raòwengh nene rakhenha-on.

¹⁷ Togat nonken onghka kiok ne rongwe entharighwayèrit tsinireghre, enhonigonghrayendane tsinikarrihhòten, kàh tens gayen ne Yehovaghne, togat iihne tekewenninnegen-onhatye.

¹⁸ Raonha nene radaddeghtharaghkwen rèsaks raogloria; ok denghnon raonha nene resaks raogloria nene ronha-on, nene sagat naah togenske, ok yaghten horíwayen ne wahhetkenglisera.

¹⁹ Moses wahhy eghtsisewariwàwigh ne yoghtyawenratsera, ok shegcn yagh onghka tsinitsyan ten yontsteristha tfinikarrihhòten? ogh na ne yotyeren tsi takwaryohserene?

²⁰ Ok ne ongwe tʼhoderighwaghseragwen ok ronen, sayen ne-kanigonghraksen: onghka yesarjohferene?

²¹ Jesus tahhadadi ok wahshakawenhaghse, skayodenghserat tsiniwakyerea, ok agwegon sewarighwaneghragwas.

²² Moses kadi eghtsisewàwigh ne circoncision; (yagh ne degen aoriwa si Mosesne yoderighwinon ok denghnon ondaddenihnehha;) ok ise yawenndadogenghdonge eghtfisewacirconcis ne ongwe.

²³ Togat nonken ne rongwe enhonwacirconcis ne yawenndadogenghdonge, nene yaghten aontayerighwàrighte tsinihorighwisson ne Moses; sewaghsense ken ne iih, neok aoriwa tsisabhitsyende, onwe ne rongwe ne yawenndadogenghdonge?

²⁴ Toghsa ok enekenkehha tfiwènon tesewayadòreght, ok denghnon yoderighwagwarighsyon tsiniyought egh tesewayadoreghthak.

²⁵ Ethone rònen oddyake ne Jerusalem radinakere, yagh ken ne de gen ne raonha, nene radirighwisaks ne enhonwaryoh?

²⁶ Ok denghnon rorihhowànen roghtharatye, ok vaghothenon ten ronwènni, agwagh ken ronaderyendare ne Radiyadagwenniyofe, tsi ne kengayen naah ne Christus?

²⁷ Ok sàne dewayenderi ne ken rongwe tsinithawènon; ok ne onen Christus entreghte, yaghonghka ne ongwe ten yeyendèri tsinithawènon.

²⁸ Ethone tahhadewennayendon, aghson tsishakorighlionyèni, radonnyon, takwayenderi ok oni sewayenderi; tsinitewakénon: yagh oni iih akenigonra tsi kerigh wakewe, ok raonha ne rakhenhaon togenske naah, yaghten eghtsisewayendèri nene.

²⁹ Ok denghnon riyendèri: iken egh tewakyenghdaghkwe, ok raonha ne rakhenha-on.

³⁰ Ethone wahhaderighwisake nʼenhonwayèna: ok denghnon yagh onghka nʼongwe oghten honwayèren, ne wahhoni arekho aontenwaderighwihhewe tsinihonwarighwisià-enni.

³¹ Ok yawetowànen ne ongwe wathoneghtagh-ken raonhage, ok wahhoniron, neonen Christua entre senha ken yotighwaneghragwaghtanyon tsinenhàyere tsiniyought ne ken rongwe tsinihoyèren?

³² Ne Pharisee wahhonronke tsi etho ne rodirighhoten nʼongwe tsironwaghtharaghkwen; ok ne Pharisee oni ne radiyadagwenniyose Cohenàson wahshakoderighhondane ne enhonwayena.

³³ Ethone Jesus wafhakawenhaghfe, shegon oghstonha nyàre wadògen iddewese, ok ethone egh yenke tsi renderon ne rakhenha-on.

³⁴ Enskawayadisake, ok yaghten enskwayadatshènri: ok tsinonwe nʼike, yaghten ondon eghyensewawi.

³⁵ Ethone wahhontserògon ne Jewshaga, rondonyon, kàh nonwe ensreghde nene yaghten enghtsidewayadatshenryohhe, etho ken onghte enreghde tsidhònese ne yonkhikhaghsyon, tsiyenakeronyon, ok enshakorighhonye niyade honoghwhentjage?

³⁶ Oghne karrihhòten yedon tsi ne ràwen, enskwayadisake, ok yaghten ensk wayadatshenri ok tsinonwe nʼike, yaghten ondon eghyensewawi.

³⁷ Onen tsi wahhondeghniserokten tsiyakodennyode nene wenndowànen, Jesus tahhadyadakwarighsyon, ok wahhadewennayendon, radonyon, onghka kiok aghronyadathense, karo itreghte iihne ok raghnegirha.

³⁸ Raonha nene tehaweghdaghkon iihne, tsinikawennoten ne kaghyadonghseradogenghti, raonegwenndagon entkaghnawinnegemve ne ne yonhe onwe ne kaghnegòten.

³⁹ Ok ne ken yaweght ne Kanigonra roghtharaghkwen, ne ne enhodiyendane rononha ne ne tehoneghtaghkon raonhage: ikeh arekho ten yondaddàwigh ne Kanigonghriyoston; ne wahhoni tsi arekho tʼaontahonwagloriste ne Jesus.

⁴⁰ Yawetowànen kadi ne ongwe, ne onen tsi rodirighwaghronken ne ken, wairon, Togenske naah, ne ken ne Prophet.

⁴¹ Thikadi, wairon, ne naah ne Christus. Ok denghnon, oddyake sayàiron, Galilee kengh nongadi enthayenghtaghkwe ne Christus?

⁴² Yagh ken ten yàwen ne kaghyadoghseradogenghti, nene Christus naah sʼhodiwajirat ne David, ok oni egh enthayenghtaghkwe tsi Kanàdayen ne Bethlehem, tsinonwe David ranakereghkwe?

⁴³ Etho kadi nenyawen wathodityonghtyage ne ronongwe ne raorihhòni.

⁴⁴ Ok oddyake tsinihadi yaweron enhonwayènage; ok denghnon yagh onghka ogh ten honwayèren.

⁴⁵ Ethone sahhònewe ne ronwaderihhondane, tsiradideron ne radiyadagwenniyose Cohena-son eni ne Pharisee; ok wahhonwanenhaghse, oghne yotéren yaghten eghtsisewayathewe?

⁴⁶ Ne ronwaderihhondane tentahhònen, yaghtionwenndon nʼongwe eghtenyewennòten tsiniyoght ne ken rongwe.

⁴⁷ Ethone tentahhondàdi ne Pharisee, yetshirighwayadaghtonten ken oni nʼise?

⁴⁸ Wathoneghdaghkon ken kaniga tsinihadi ne radiyadagwenniyose ok ne Pharisee, tsinihorihhoten?

⁴⁹ Ok denghnon ne ken ongwe nene yaghten hadirighwayendèri ne yoghtyawenratsera ronwen-nadewendeghton naah.

⁵⁰ Nicodemus wahshakawenhaghse (raonha nene aghsenndhen royadorèn-on ne Jesus, etho se rayadare tsinihadi)

⁵¹ Tsini karihhòten ne ongwaghtyawenratsera tehonwayadoreghten ken ne ongwe, arekho ten ahhonwawennàronke, arekho oni tʼaonkadogenne tsini hayerha?

⁵² Tentahhondadi ok sahhonwenhagse, Galilee haga ken oni nʼise? serighwísak, oni serighwakaenyon: iken yaghten ne Galileetseragon entahhàdane ne Prophet.

⁵³ Ok agwegon ne ongwe etho sahhoneghde tsi nonwe ne yakononghsode.