John 6 - Ne Saint John 1804

CHAP. VI. Yoneghragwaghton tsina awen yondaddenonten wisk niwennyaweghtseraghfen neyongwedage.

¹ Oghnagenge Jesus wathanyadariyake ne Galilee nene konwayats ne Tiberias kanyàdare.

² Ok kentyoghkowànen wahhonwaghsere, ne wahhòne tsi wahhontkaghthoʼ ne yoneghragwaght tsinisʼhakoyèren tsi shakotjendon ne rodinongh-waktanyoni.

³ Ok Jesus wahhanontàrane onontohhàràge, ok raonhha oni ne raotyonghkwa eghwahhontyen.

⁴ Ok nene eren-wa-ondongoghte, wadennyode tfiniyakorigh-hòten ne Jews haga, onontohha waonderighwihhewe.

⁵ Ethone ne onen Jesus tehhatkaghtonyonwe, wahsʼhakoken kentyoghkowànen karo tʼhonenengh-tonhatye, wahhawenhaghse Philip, kàh nonwe endewanàdaraghnínon ne kengayen enhadike?

⁶ Ok yaweght wahhonigonghrisake tsi ne ràwen; roderyendare se raonha tsmenhàyere.

⁷ Philip tentahhawenhaghse, tekeni tewenyawe gwennis tsiniyoríwa ne kanàdarok yaghten enhodiyéri, ne ok enhonaghtane oghstonha.

⁸ Sʼhayadat ne raotyonghkwa nene Andrew, Simon Peter yadaddegen-on, wahhawenhaghse.

⁹ Kengh irèse ne ranikenghderoah, nene rahhawe wisk ne kanadarage ok tekenntsyage; ok do niyore enkayendane nene tsinikenntyoghkwa.

¹⁰ Ok Jesus wahhenron, kinyoh rontye ne ongwe eso egh nonwe yothondonighne. Etho kadi wahhontye, ne ronongwe nene tsini kentyoghkwa onghte wisk niwennyaweghtseraghsen.

¹¹ Ok Jesus wa-atraghkwe ne kanadarohk, ok ne onen wahhadenghraghseronnyen; wahsʼhako-yakhonhaghse ne raotyonghkwa, ok saghsʼhakodi-yakhonhaghse ne rononha nene egh radidaràyen i ok oni ne kentsyo tsinenhonaghtane.

¹² Neonen wahhonaghtane, wahsʼhakawenhagh-se ne raotyonghkwa, sewaròroke nene tekaghri-séren ne waodadenron, nene yaghothénon tʼenkayésha.

¹³ Ne kadi wa-eròroke, ok wakànaghne tekeni yawenri ne wathèrake ne tekànadaraghriseren ne wisk ne kanadarage, nene yaweght waodadenron, onen tsi rodihkwennda-on.

¹⁴ Ethone rònen neken ronongwe, neonen wahhontkaghtho tsiniyorighwaneghragwaght tsini hoyèren ne Jesus, togenske naah neken ne Prophet nene karighwsson entre nʼoghwhenjage.

¹⁵ Neonen kadi Jesus wahsʼhakorighwagense tsini hodinigonghroten nene aontahhonwanonghok Korah ahhonwayonyon, eren sareghde raonhatjonhha tsiyononde.

¹⁶ Ok ne onen wa-okaraghwe, ne raotyonghkwa kanyadarakta wahhòneghte.

¹⁷ Ok wahhonditta kahonweyagowaghne, ok wathadmyadaríyake ne Capernaum nonga. Ok onen agwagh wa-okaraghwe, oni Jesus arekho ten sʼhakorà-on.

¹⁸ Ok ne watyongwarèesden tsiniwatkaweraghkwe kawerowànen.

¹⁹ Neonen se tewaghsen wisk yawenri, toga nonken aghsen newaghsen furlong tsiniyòre yehoddikàwigh, ok wahhonwaken Jesus kanyadaràge, karo thaweghtonhatye: ok wahhodighderone.

²⁰ Ok wahsʼhakawenhaghse iih naah; toghsa fewaghderone.

²¹ Ethone sahhonwayaditta agwagh wahhonon-wessa kahonweyakowaghne, ok oksaok ne kahhonweya wakaghrarhon atsyakda tsi nonwe ronenongh-tonhatye.

²² Tsi wa orhenne, ne onen ne ronongwe nene radikennyadaghkwe skanyadaràdihhen nonga wahhontkaghtho, tsi yagh oya egh te kahhonwa-yendaghkwe ne ok ne enskat tsinonwe ronadídda ne raotyonghkwa, ok oni tsi yagh wadògen te honénon ne Jesus tsi wahhonditta, ok ne rononha-on ne raotyonghkwa sahhonghdendi;

²³ (Ok sane toghka ne kahhonwage nʼoya Tiberias tsyonaghdentyoh egh: wakònewe okhetho tsinonwe wahhadinadarake, neonen ne Royaner wahhadenghraghseronyon:)

²⁴ Neonen kadi ne ronongwe wahhontkaghtho tsi yagh etho ten irese ne Jesus, yagh oni ne raotyonghkwa, rononha oni wahhonditta ok egh wahhonewe Capernaum ronwayadisakhonhatye ne Jesus.

²⁵ Ok ne onen ronwayadatshenryon eren ne skanyadaràdih, wahhonwenhaghse, Rabbi katke kengh waghsewe?

²⁶ Jesus saghsʼhakawenhaghse, agwagh togenske, kwaghrori, takwayadísaks, yagh naah tegen aoriwa tsisewatkaghtho ne yorighwaneghragwaghte, ok denghnon tsisewàkon ne kanadarohk ok wasewaghta-on.

²⁷ Toghsa sewatstenyàron nene tsinikahkwòten ne waghtònden, ok denghnon tsinikahkwòten nene eghtekarìghwadatye tsi nʼeterna adonhèta, nene rongwe ronwayeah enghtsitfyon: iken raonha naah Yehovah ne ranihha rorighwaghniraton.

²⁸ Ethone sahhonwenhaghfe, Oghnʼenyàkwatyère nene aongwayòde ne raoyodenghsera ne Niyoh.

²⁹ Jesus tahharighwaseragon ok wahoʼhakawenhagfe, kengayen naah ne raoyodenghsera ne Yehovah nene aonteseweghdaghkon nene raona-ne yehoriha-on.

³⁰ Wahhonwenhaghse kadi, oghnahhoten ne yoderighwatyèren kadi waghsʼkwanadonse, nene enyakwatkaghtho, ok aontayakweghtaghkon isege? Oghne karihhoten sayòdegh?

³¹ Ongwaghsotsera kenhha karhàgon nonwe wahhadike ne manna, tsiniyought tsi kaghyadon, Karonyage nonga wagh sʼhakononten ne kanàdarohk nʼenhàdike.

³² Ethone Jesus wahsʼhakawenhaghse, agwagh togenske, kwaghrory, yagh Moses te eghtsifewawigh ne karonyage nʼetho kanadarohk: ok dengh non ne ragenihha karonyàge nonga eghtsisewawighs ne togenske kanadarohk.

³³ Iken ne naah ne raonàdarohk ne Niyoh nene raonha ne ne Karonyage tʼhoyenghdaghkwen, ok ne oghwhentjàge wahsʼhaka-on ne adonhèta.

³⁴ Ethone wahhonwenhaghse, sayàner tuitkon takwanàdaranontenghsek ne kengayen.

³⁵ Ok Jesus wakshakawenhaghse, iih na ah ne aonàdarohk ne adonheta; raonha ne ne entre tsi ikese yaghnonwenndon tʼaonsahhadonghkaryake; ok raonha nene tehaweghdaghkon tsini wakerighhòten yagh nonwendon tʼaonsahhonyadathense.

³⁶ Wakwenni, waskwatkaghtho oni nʼise, ok yaghten teseweghdaghkon.

³⁷ Agwegon nene rakwawihhe ne Ragenihha, iihne entyeghte; ok raonha nene iihne entreghte, yagh ne de gen aonsahhiyadinnegenwe.

³⁸ Iken Karonyàge tewakatsnenghton, yaghten kenyende iih aonkadaddenigonrayèrìt, ok denghnon nene enhinigonghrayèrit nene rakkenha-on.

³⁹ Ok ne naah tsinireghre ne Rakenihha nene rakhènha-on, nene agwegon tsinihakwawigh yaghoghnahhoten tʼenwakaghdonthak, ok denghnon aonsakeketskwen nene oghnagen weghníserade onen enwadoghwhenjokthen.

⁴⁰ Ok ne kengayen naah tsinireghre ne rakhenha-on, nene tsmiyagon tehonwakànere ne ronwa-yeah, ok raonhage tehoneghdaghkon ne enhodiyendane ne ne eterna adonheta; ok enskheketskoh onen enwadonghwhentjokten.

⁴¹ Ethone ronwarighwaghswense ne ne Jewshaga, ne aoriwa tsi rawen, iih naah ne kanadarohk ne ne Karonyage te yotsnenghton.

⁴² Ok wahhoniron yaghken raonha te gen ne Jesus, ne ne Joseph Royeah, ronihha ok oni ne ronisdenhha dʼhiyenderi? Ogh kadi na-àwen tsi radon Karonyàge tewakatsnenghton?

⁴³ Jesus kadi tahhadadigh, ok wahshakawenhaghse, toghsa sewaderyenda yendonwe.

⁴⁴ Yagh onghka tʼen yegwèni karo aontàyeght iihne, ne ok ne Ranihha nene rakhenha-on aontahhoyadadirònden: ok iih enshiketskwenghte nene onen enwadoghwhentjokten.

⁴⁵ Kaghyàdon naah ne raodersghwage ne Prophethogon, ok agwegon ne Yehovah enshakorighhonyen. Onghka kiok kadi nene rothonde ok oni ronigonghrayenda-on ne Ranihne, iihne entreghte.

⁴⁶ Yagh nene onghka ten hotkaghtho ne Ranihha, ne ok ne raonha nene Yehovaghne tʼhoyenghdaghkwen, raonha naah rotkaghtho ne Ranihha.

⁴⁷ Agwagh togenske, wakwenhaghse, raonha nene tehhaweghdaghkon iihne royen ne eterna adonhèta.

⁴⁸ Iih naah ne aonàdarohk ne adonhèta.

⁴⁹ Yetsighsotshenndaghkwe karhàgon nonwe rodikon ne Manna, ok ronenhèyon.

⁵⁰ Kengayen naah ne kanadarohk ne ne Karonyàge te yotsnenghton, nene ongwe enyeke nʼetho, ok yaghten ayaihheye.

⁵¹ Iih naah ne yonhe onwe kanadarohk, ne ne karonyàge teyotsnenghton: togat nonken onghka kiok enyenàdarake nʼetho, tsmiyehenwe aghronheke, ok ne kanadarohk ne ne enkhèyon na ah ne akewàron, nene enkheyon (nene enyakonheke ne ongwe) ne aoriwa aodonheta ne oghwhentjagwegon.

⁵² Wathonderyendayendonwe, rondonyon, oghnen-àwen ahagweni ne ken rongwe ensʼhongwànonte ne raowàron?

⁵³ Ethone Jesus wahsʼhakawenhaghse, agwagh togenske, togenske wakwenhaghse, togat yaghten ensewake ne raowàron ne Rongwe Ronwaye-ah, ok oni ensewaghnegíra ne raonigwenghsa yaghten sewayen ne adonhèta isege.

⁵⁴ Onghka kiok iraks ne akewàron, ok oni ragbnegirha ne akenigwenghsa, royen ne eterna adonhèta: ok ensʼhiketsgwen onen enwadoghwhenjokten.

⁵⁵ Iken ne akewàron naah togenske ne kahkwa, ok ne akenigwenghsa naah togenske ne kaghnegighratha.

⁵⁶ Raonha nene iraks akewàron ok raghnegirha ne akenigwenghsa, eghyehenderon iihne ok iih raonhage yekideron.

⁵⁷ Tsiniyought ne ronhe onwe ne ranihha rakhenha-on, ok iih ne konheghkon ne ranihha; eghniyought raonha nene iraks niih, iih naah ne; ronheghkon enkenhak.

⁵⁸ Kengayen naah ne etho kandarohle nene Karonyàge teyotsnenghton, yagh egh teyought tsiniyought tsirodikon ne Manna ne yetsighsotserakenhha, ok ronenhéyon; raonha nene iraka ne kengayen kanadarohk tsmiyehenwe aghronhek.

⁵⁹ Nene kengh ne hoyèren kanonghsagon ne synagogue, aghson tsishakorihhonyeni Capernaum tseragon.

⁶⁰ Yawetowanen kadi tsinihadi ne raotyonghkwa, ne onen tsironaghronken ne kengayen, wahhoniron, karighwanoron ne kengh tsinihoyèren, onghka ayegweni enyonigonghrayendane?

⁶¹ Neonen ne Jesus, roddedògen ne raonigonràgon, tsi wathonderyendayendonwe ne raotyonghkwa, wahshakawenhaghse, yetshighswadènni ken ne ken?

⁶² Oghnen-awen togat enghtsisewatkaghtho ne rongwe rowayeah enegen ensàreghde tsinonwe tʼhaweghton?

⁶³ Ne naah ne kanigonra ne waddidògatha; nene Owàron yaghothenon tewatshennonyatha, tsinikawénnage ne kwaghròri, naah ne kanigonra ok oni ne adonheta.

⁶⁴ Ok oddyake tsinitsyon, nene yaghten teseweghdaghkon. Iken Jesus tsidyodaghsawen tsiroderyendare, tsinihadih ne yaghten tehoneghdaghkon ok oni raonha nene enhonigonghràsere.

⁶⁵ Ok wahhenron, ne kadi wakwenhaghse, yagh onghka ne rongwe tʼahagweni iihne entreghte, togat yagh, ne Ragenihha ten horighwàwigh.

⁶⁶ Ethone tondaghsawen yawetowanen ne raotyonghkwa eren sahhoneghte, yagh shegon wadogen teghsʼhonesgwe ne raonha.

⁶⁷ Ethone Jesus wahshakawenhaghse ne tekenishadire, eren ken oni enseweghde nʼise?

⁶⁸ Ethone Simon Peter tahharighwaseràgon, Sayàner, kàh nonwe, enyakweghte? ise se sawennenhhawi ne adonhèta eterna.

⁶⁹ Ok teyakweghtaghkon oni yadegagonte onwe yakweghre ise naah ne Christus, nene royeah ne ronhe-onwe Yehovah.

⁷⁰ Jesus saghshakawenhaghse, yagh ken ten kwayadaragwen tekenisenire, ok shayàdat tsinitsyon oneghshonghrònon naah?

⁷¹ Ne roghtharaghkwen ne Judas Iscariot, ne Simon roye-ah; iken raonha naah nene aontah-honigonghràsere, rayàdare se ne tekenishadire.